--- ATTENTION : CONSERVEZ CETTE LICENCE SI VOUS REDISTRIBUEZ CE FICHIER ---



License ABU
-=-=-=-=-=-
Version 1, Aout 1997

Copyright (C) 1997 Association de Bibliophiles Universels
   http://www.abu.org/
   www@abu.org

La base de textes de l'Association des Bibliophiles Universels (ABU)
est une oeuvre de compilation, elle peut être copiée, diffusée et
modifiée dans les conditions suivantes :

1.  Toute copie à des fins privées, à des fins d'illustration de l'enseignement
    ou de recherche scientifique est autorisée.

2.  Toute diffusion ou inclusion dans une autre oeuvre doit

     a) soit inclure la presente licence s'appliquant a l'ensemble de la
        diffusion ou de l'oeuvre derivee.

     b) soit permettre aux bénéficiaires de cette diffusion ou de cette
        oeuvre dérivée d'en extraire facilement et gratuitement une version
        numérisée de chaque texte inclu, muni de la présente licence.  Cette
        possibilité doit etre mentionnée explicitement et de façon claire,
        ainsi que le fait que la présente notice s'applique aux documents
        extraits.

     c) permettre aux bénéficiaires de cette diffusion ou de cette
        oeuvre dérivée d'en extraire facilement et gratuitement la version
        numérisée originale, munie le cas echeant des amélioration visée au
        paragraphe 6, si elle sont présente dans la diffusion ou la nouvelle
        oeuvre. Cette possibilité doit être mentionnée explicitement et de
        façon claire, ainsi que le fait que la présente notice s'applique aux
        documents extraits.

   Dans tous les autres cas, la présente licence sera réputée s'appliquer
   à l'ensemble de la diffusion ou de l'oeuvre dérivée.


3. L'en-tête qui accompagne chaque fichier doit être intégralement 
   conservée au sein de la copie.

4. La mention du producteur original doit être conservée, ainsi
   que celle des contributeurs ultérieurs.

5. Toute modification ultérieure, par correction d'erreurs,
   additions de variantes, mise en forme dans un autre format, ou autre,
   doit être indiquée.  L'indication des diverses contributions devra être
   aussi précise que possible, et datée.

6. Ce copyright s'applique obligatoirement à toute amélioration
   par simple correction d'erreurs ou d'oublis mineurs (orthographe,
   phrase manquante, ...), c'est-a-dire ne correspondant pas a
   l'adjonction d'une autre variante connue du texte, qui devra donc
   comporter la présente notice.

----------------------- FIN DE LA LICENCE ABU --------------------------------

--- ATTENTION : CONSERVEZ CET EN-TETE SI VOUS REDISTRIBUEZ CE FICHIER ---

<IDENT roland>
<IDENT_AUTEURS anonyme>
<IDENT_COPISTES wooledgeb>
<ARCHIVE http://www.abu.org/ABU/>
<VERSION 2>
<DROITS 0>
<TITRE  La chanson de Roland>
<GENRE vers>
<AUTEUR [anonyme]>
<COPISTE  Brian Wooledge>
<NOTESPROD>
   Manuscrit d'Oxford ? date ? 
   Encodé par Pr. Brian Wooledge, University College London,1967.
   Transmis à ABU par F.Crompton-Roberts (F.Crompton-Roberts@qmw.ac.uk)
</NOTESPROD>
----------------------- FIN DE L'EN-TETE --------------------------------

------------------------- DEBUT DU FICHIER roland2 --------------------------------

D OR E D ARGENT IIII CENZ MULS TRUSSEZ
CINQUANTE CARE, QUE CARIER EN FEREZ,
TANT I AVRAT DE BESANZ ESMEREZ,
DUNT BIEN PURREZ VOZ SOLDEIERS LUER.
EN CEST PAIS AVEZ ESTET ASEZ,
EN FRANCE AD AIS DEVEZ BIEN REPAIRER,
LA VOS SIVRAT, CO DIT, MIS AVOEZ@.
LI EMPERERES TENT SES MAINS VERS DEU,
BAISSET SUN CHEF, SI CUMENCET A PENSER, AOI. LI EMPERERES EN
TINT SUN CHEF ENCLIN,
DE SA PAROLE NE FUT MIE HASTIFS,
SA CUSTUME EST, QU IL PAROLET A LEISIR.
QUANT SE REDRECET, MULT PAR OUT FIER LU VIS. DIST AS MESSAGES,
@VUS AVEZ MULT BEN DIT, LI REIS MARSILIES EST MULT MIS ENEMIS,
DE CEZ PAROLES QUE VOS AVEZ CI DIT,
EN QUEL MESURE EN PURRAI ESTRE FIZ$@
@VOELT PAR HOSTAGES@, CO DIST LI SARRAZINS, DUNT VOS AVREZ U
DIS U QUINZE U VINT.
PAR NUN DE OCIRE I METRAI UN MIEN FILZ,
E SIN AVREZ, CO QUID, DE PLUS GENTILZ.
QUANT VUS SEREZ EL PALAIS SEIGNURILL
A LA GRANT FESTE SEINT MICHEL DEL PERIL, MIS AVOEZ LA VOS
SIVRAT, CO DIT.
ENZ EN VOZ BAINZ QUE DEUS PUR VOS I FIST, LA VULDRAT IL
CHRESTIENS DEVENIR@.
CHARLES RESPUNT, @UNCORE PURRAT GUARIR@, AOI. BELS FUT LI
VESPRES, E LI SOLEILZ FUT CLER. LES DIS MULEZ FAIT CHARLES
ESTABLER,
EL GRANT VERGER FAIT LI REIS TENDRE UN TREF, LES DIS MESSAGES
AD FAIT ENZ HOSTELER,
XII SERJANZ LES UNT BEN CUNREEZ.
LA NOIT DEMURENT, TRESQUE VINT AL JUR CLER. LI EMPERERES EST
PAR MATIN LEVET,
MESSE E MATINES AD LI REIS ESCULTET,
DESUZ UN PIN EN EST LI REIS ALEZ,
SES BARUNS MANDET PUR SUN CUNSEILL FINER, PAR CELS DE
FRANCE VOELT IL DEL TUT ERRER, AOI. LI EMPERERES S EN VAIT
DESUZ UN PIN,
SES BARUNS MANDET PUR SUN CUNSEILL FENIR LE DUC OGER E L
ARCEVESQUE TURPIN
RICHARD LI VELZ E SUN NEVULD HENRI
E DE GASCUIGNE LI PROZ QUENS ACELIN
TEDBALD DE REINS E MILUN SUN CUSIN,
E SI I FURENT E GERERS E GERIN,
ENSEMBL OD ELS LI QUENS ROLLANT I VINT
E OLIVER LI PROZ E LI GENTILZ.
DES FRANCS DE FRANCE EN I AD PLUS DE MIL. GUENES I VINT, KI LA
TRAISUN FIST.
DES ORE CUMENCET LE CUNSEILL, QUE MAL PRIST, AOI. @SEIGNURS
BARONS@ DIST LI EMPERERE CARLES, @LI REIS MARSILIE M AD TRAMIS
SES MESSAGES, DE SUN AVEIR ME VOELT DUNER GRANT MASSE
URS E LEUNS E VELTRES CAEIGNABLES
SET CENZ CAMEILZ E MIL HOSTURS MUABLES
QUATRE CENZ MULS CARGEZ DE L OR D ARABE
AVOEC ICO PLUS DE CINQUANTE CARE.
MAIS IL ME MANDET, QUE EN FRANCE M EN ALGE, IL ME SIVRAT AD
AIS A MUN ESTAGE,
SI RECEVRAT LA NOSTRE LEI PLUS SALVE.
CHRESTIENS ERT, DE MEI TENDRAT SES MARCHES, MAIS JO NE SAI,
QUELS EN EST SIS CURAGES@. DIENT FRANCEIS,@IL NUS I CUVENT
GUARDE@, AOI. LI EMPERERES OUT SA RAISUN FENIE.
LI QUENS ROLL KI NE L OTRIET MIE,
EN PIEZ SE DRECET, SI LI VINT CUNTREDIRE. IL DIST AL REI,@JA MAR
CREREZ MARSILIE.
SET ANZ AD PLEINS, QUE EN ESPAIGNE VENIMES, JO VOS CUNQUIS E
NOPLES E COMMIBLES,
PRIS AI VALTERNE E LA TERE DE PINE
E BALASGUED E TUELE E SEZILIE.
LI REIS MARSILIE I FIST MULT QUE TRAITRE, DE SES PAIENS ENVEIAT
QUINZE,
CHASCUNS PORTOUT UNE BRANCHE D OLIVE,
NUNCERENT VOS CEZ PAROLES MEISME,
A VOZ FRANCEIS UN CUNSEILL EN PRESISTES, LOERENT VOS ALQUES
DE LEGERIE.
DOUS DE VOZ CUNTES AL PAIEN TRAMESISTES, L UN FUT BASAN E LI
ALTRES BASILIES,
LES CHEF EN PRIST ES PUIS DESUZ HALTILIE. FAITES LA GUERRE CUM
VOS L AVEZ ENPRISE,

EN SARRAGUCE MENEZ VOSTRE OST BANIE,
METEZ LE SEGE A TUTE VOSTRE VIE,
SI VENGEZ CELS, QUE LI FELS FIST OCIRE@, AOI. LI EMPERERE EN TINT
SUN CHEF ENBRUNC,
SI DUIST SA BARBE, AFAITAD SUN GERNUN,
NE BEN NE MAL NE RESPUNT SUN NEVULD.
FRANCEIS SE TAISENT NE MAIS QUE GUENELUN, EN PIEZ SE DRECET,
SI VINT DEVANT CARLUN, MULT FIEREMENT CUMENCET SA RAISUN,
E DIST AL REI, @JA MAR CREREZ BRICUN
NE MEI NE ALTRE SE DE VOSTRE PROD NUN.
QUANT CO VOS MANDET LI REIS MARSILIUN,
QU IL DEVENDRAT JOINTES SES MAINS TIS HOM, E TUTE ESPAIGNE
TENDRAT PAR VOSTRE DUN,
PUIS RECEVRAT LA LEI , QUE NUS TENUM,
KI CO VOS LODET, QUE CEST PLAIT DEGETUNS, NE LI CHALT SIRE, DE
QUEL MORT NUS MURJUNS. CUNSEILL D ORGUILL N EST DREIZ, QUE A
PLUS MUNT, LAISSUN LES FOLS, AS SAGES NUS TENUNS@, AOI. APRES
ICO I EST NEIMES VENUD,
MEILLOR VASSAL N AVEIT EN LA CURT NUL,
E DIST AL REI, @BEN L AVEZ ENTENDUD,
GUENES LI QUENS CO VUS AD RESPONDUD,
SAVEIR I AD, MAIS QU IL SEIT ENTENDUD.
LI REIS MARSILIE EST DE GUERE VENCUD,
VOS LI AVEZ TUZ SES CASTELS TOLUZ,
OD VOZ CAABLES AVEZ FRUISET SES MURS
SES CITEZ ARSES E SES HUMES VENCUZ,
QUANT IL VOS MANDET, QU AIEZ MERCIT DE LUI, PECCHET FEREIT, KI
DUNC LI FESIST PLUS,
U PAR OSTAGE VOS EN VOELT FAIRE SOURS,
CESTE GRANT GUERRE NE DEIT MUNTER A PLUS@. DIENT FRANCEIS,
@BEN AD PARLET LI DUX@, AOI. @SEIGNURS BARUNS QUI I
ENVEIERUNS
EN SARRAGUCE AL REI MARSILIUNS$@
RESPUNT DUX NEIMES, @JO IRAI PAR VOSTRE DUN. LIVREZ M EN ORE
LE GUANT E LE BASTUN@.
RESPUNT LI REIS, @VOS ESTES SAIVES HOM,
PAR CESTE BARBE E PAR CEST MEN GERNUN
VOS N IREZ PAS UAN DE MEI SI LUIGN.
ALEZ SEDEIR, QUANT NULS NE VOS SUMUNT@.
@SEIGNURS BARUNS QUI I PURRUNS ENVEIER
AL SARRAZIN, KI SARRAGUCE TIENT$@
RESPUNT ROLL, @JO I PUIS ALER MULT BEN@. @NUN FEREZ CERTES@,
DIST LI QUENS OLIVER, @VOSTRE CURAGES EST MULT PESMES E FIERS,
JO ME CRENDREIE, QUE VOS VOS MESLISEZ.
SE LI REIS VOELT, JO I PUIS ALER BEN@.
RESPUNT LI REIS, @AMBDUI VOS EN TAISEZ.
NE VOS NE IL N I PORTEREZ LES PIEZ,
PAR CESTE BARBE QUE VEEZ BLANCHEIER,

LI DUZE PER MAR I SERUNT JUGEZ@.
FRANCEIS SE TAISENT, AS LES VUS AQUISEZ. TURPINS DE REINS EN EST
LEVET DEL RENC,
E DIST AL REI, @LAISEZ ESTER VOZ FRANCS, EN CEST PAIS AVEZ ESTET
SET ANZ.
MULT UNT OUD E PEINES E AHANS.
DUNEZ M EN SIRE LE BASTUN E LE GUANT,
E JO IRAI AL SARAZIN ESPAN,
SIN VOIS VEDEIR ALQUES DE SUN SEMBLANT@. LI EMPERERES
RESPUNT PAR MALTALANT,
@ALEZ SEDEIR DESUR CEL PALIE BLANC,
N EN PARLEZ MAIS, SE JO NEL VOS CUMANT@, AOI. @FRANCS
CHEVALERS@ DIST LI EMPERERE CARLES, @CAR M ESLISEZ UN BARUN
DE MA MARCHE,
QU A MARSILIUN ME PORTAST MUN MESSAGE@.
CO DIST ROLL, @CO ERT GUENES MIS PARASTRE@. DIENT FRANCEIS,
@CAR IL LE POET BEN FAIRE. SE LUI LESSEZ, N I TRAMETREZ PLUS
SAIVE@. E LI QUENS GUENES EN FUT MULT ANGUISABLES. DE SUN COL
GETET SES GRANDES PELS DE MARTRE, E EST REMES EN SUN BLIALT
DE PALIE,
VAIRS OUT LES OILZ E MULT FIER LU VISAGE. GENT OUT LE CORS, E
LES COSTEZ OUT LARGES. TANT PAR FUT BELS, TUIT SI PER L EN
ESGUARDENT. DIST A ROLL, @TUT FOL PUR QUEI T ESRAGES, CO SET
HOM BEN, QUE JO SUI TIS PARASTRES, SI AS JUGET, QU A MARSILIUN
EN ALGE.
SE DEUS CO DUNET, QUE JO DE LA REPAIRE,
JO T EN MUVRAI UN SI GRANT CONTRAIRE,
KI DURERAT A TRESTUT TUN EDAGE@.
RESPUNT ROLL, @ORGOILL OI E FOLAGE.
CO SET HOM BEN, N AI CURE DE MANACE,
MAIS SAIVES HOM IL DEIT FAIRE MESSAGE.
SI LI REIS VOELT, PREZ SUI, POR VUS LE FACE@. GUENES RESPUNT,
@PUR MEI N IRAS TU MIE, AOI. TU N IES MES HOM, NE JO NE SUI TIS
SIRE. CARLES COMANDET, QUE FACE SUN SERVISE,
EN SARRAGUCE EN IRAI A MARSILIE,
EINZ I FRAI UN POI DE LEGERIE,
QUE JO N ESCLAIR CESTE MEIE GRANT IRE@.
QUANT L OT ROLL, SI CUMENCAT A RIRE, AOI. QUANT CO VEIT
GUENES, QUE ORE S EN RIT ROLL, DUNC AD TEL DOEL, PUR POI D IRE
NE FENT, A BEN PETIT QUE IL NE PERT LE SENS.
E DIT AL CUNTE, @JO NE VUS AIM NIENT,
SUR MEI AVEZ TURNET FALS JUGEMENT.
DREIZ EMPERERE VEIZ ME CI EN PRESENT,
ADEMPLIR VOEILL VOSTRE COMANDEMENT@.
@EN SARRAGUCE SAI BEN, QUE ALER M ESTOET, AOI. HOM KI LA VAIT,
REPAIRER NE S EN POET.
ENSURQUETUT SI AI JO VOSTRE SOER,
SIN AI UN FILZ, JA PLUS BELS NEN ESTOET, CO EST BALDEWIN@, CO
DIT, @KI ERT PROZDOEM, A LUI LAIS JO MES HONURS E MES FIEUS.
GUADEZ LE BEN, JA NEL VERRAI DES OILZ@.
CARLES RESPUNT, @TROP AVEZ TENDRE COER,
PUIS QUEL COMANT, ALER VUS EN ESTOET@.
CO DIST LI REIS, @GUENES VENEZ AVANT, AOI. SI RECEVEZ LE BASTUN
E LU GUANT.
OIT L AVEZ, SUR VOS LE JUGENT FRANC@.
@SIRE@ DIST GUENES, @CO AD TUT FAIT ROLL, NE L AMERAI A
TRESTUT MUN VIVANT
NE OLIVER, POR CO QU IL EST SI CUMPAINZ, LI DUZE PER POR QU IL L
AIMENT TANT,
DESFI LES CI SIRE VOSTRE VEIANT@.
CO DIST LI REIS, @TROP AVEZ MALTALANT,
OR IREZ VOS CERTES, QUANT JOL CUMANT@.
JO I PUIS ALER, MAIS N I AVRAI GUARANT, AOI. NUL OUT BASILIES NE
SIS FRERES BASANT@.
LI EMPERERES LI TENT SUN GUANT LE DESTRE, MAIS LI QUENS
GUENES ILOEC NE VOLSIST ESTRE. QUANT LE DUT PRENDRE, SI LI CAIT
A TERE. DIENT FRANCEIS, @DEUS QUE PURRAT CO ESTRE$ DE CEST
MESSAGE NOS AVENDRAT GRANT PERTE@. @SEIGNURS@ DIST
GUENES, @VOS EN ORREZ NOVELES@. @SIRE@ DIST GUENES, @DUNEZ
MEI LE CUNGIED, QUANT ALER DEI, N I AI PLUS QUE TARGER@. CO
DIST LI REIS, @AL JHESU E AL MIEN@.
DE SA MAIN DESTRE L AD ASOLS E SEIGNET,
PUIS LI LIVRAT LE BASTUN E LE BREF.
GUENES LI QUENS S EN VAIT A SUN OSTEL,
DE GUARNEMENZ SE PRENT A CUNREER
DE SES MEILLORS QUE IL POUT RECUVRER.
ESPERUNS D OR AD EN SES PIEZ FERMEZ,
CEINT MURGLIES S ESPEE A SUN COSTED,
EN TACHEBRUN SUN DESTRER EST MUNTED,
L ESTREU LI TINT SUN UNCLE GUINEMER.
LA VEISEZ TANT CHEVALER PLORER,
KI TUIT LI DIENT, @TANT MARE FUSTES BER, EN LA CORT AL REI MULT
I AVEZ ESTED,
NOBLE VASSAL VOS I SOLT HOM CLAMER,
KI CO JUGAT, QUE DOUSEZ ALER,
PAR CHARLEMAGNE N ERT GUARIZ NE TENSEZ.
LI QUENS ROLL NEL SE DOUST PENSER,
QUE ESTRAIT ESTES DE MULT GRANT PARENTED@. ENPRES LI DIENT,
@SIRE CAR NOS MENEZ@.
CO RESPUNT GUENES, @NE PLACET DAMNEDEU.
MIELZ EST QUE SUL MOERGE QUE TANT BON CHEVALER. EN DULCE
FRANCE SEIGNURS VOS EN IREZ,
DE MEIE PART MA MUILLER SALUEZ
E PINABEL MUN AMI E MUN PER
E BALDEWIN MUN FILZ, QUE VOS SAVEZ,
E LUI AIDEZ, E PUR SEIGNUR LE TENEZ@.
ENTRET EN SA VEIE, SI S EST ACHIMINEZ, AOI. GUENES CHEVALCHET
SUZ UNE OLIVE HALTE,
ASEMBLET S EST AS SARRAZINS MESSAGES.
MAIS BLANCANDRINS KI ENVERS LU S ATARGET. PAR GRANT SAVEIR
PAROLET LI UNS A L ALTRE. DIST BLANCANDRINS, @MERVEILUS HOM
EST CHARLES, KI CUNQUIST PUILLE E TRESTUTE CALABRE,
VERS ENGLETERE PASSAT IL LA MER SALSE,
AD OES SEINT PERE EN CUNQUIST LE CHEVAGE, QUE NUS REQUERT
CA EN LA NOSTRE MARCHE$@ GUENES RESPUNT, @ITELS EST SIS
CURAGES,
JAMAIS N ERT HUME, KI ENCUNTRE LUI VAILLE@, AOI. DIST
BLANCANDRINS, @FRANCS SUNT MULT GENTILZ HOME, MULT GRANT
MAL FUNT E CIL DUC E CIL CUNTE A LUR SEIGNUR, KI TEL CUNSEILL
LI DUNENT, LUI E ALTRUI TRAVAILLENT, E CUNFUNDENT@. GUENES
RESPUNT, @JO NE SAI VEIRS NUL HUME NE MES ROLL, KI UNCORE EN
AVRAT HUNTE.
ER MATIN SEDEIT LI EMPERERE SUZ L UMBRE, VINT I SES NIES, OUT
VESTUE SA BRUNIE,
E OUT PREDET DEJUSTE CARCASONIE,
EN SA MAIN TINT UNE VERMEILLE PUME.
TENEZ BEL SIRE, DIST ROLL A SUN UNCLE,
DE TRESTUZ REIS VOS PRESENT LES CURUNES. LI SOENS ORGOILZ LE
DEVREIT BEN CUNFUNDRE, KAR CHASCUN JUR DE MORT S
ABANDUNET.
SEIT, KI L OCIET, TUTE PAIS PUIS AVRIUMES@, AOI. DIST
BLANCANDRINS, @MULT EST PESMES ROLLANT, KI TUTE GENT VOELT
FAIRE RECREANT,
E TUTES TERES MET EN CHALENGEMENT.
PAR QUELE GENT QUIET IL ESPLEITER TANT$@ GUENES RESPUNT,
@PAR LA FRANCEISE GENT.
IL L AIMENT TANT, NE LI FALDRUNT NIENT,
OR E ARGENT LUR MET TANT EN PRESENT
MULS E DESTRERS E PALIES E GUARNEMENZ.
L EMPERERE MEISMES AD TUT A SUN TALENT,
CUNQUERRAT LI LES TERES D ICI QU EN ORIENT@, AOI. TANT
CHEVALCHERENT GUENES E BLANCANDRINS, QUE L UN A L ALTRE
LA SUE FEIT PLEVIT,
QUE IL QUERREIENT, QUE ROLL FUST OCIS.
TANT CHEVALCHERENT E VEIES E CHEMINS,
QUE EN SARRAGUCE DESCENDENT SUZ UN IF.
UN FALDESTOET OUT SUZ L UMBRE D UN PIN,
ENVOLUPET FUT D UN PALIE ALEXANDRIN,
LA FUT LI REIS, KI TUTE ESPAIGNE TINT,
TUT ENTUR LUI VINT MILIE SARRAZINS.
N I AD CELOI, KI MOT SUNT, NE MOT TINT
PUR LES NUVELES, QU IL VULDREIENT OIR.
ATANT AS VOS GUENES E BLANCHANDRINS.
BLANCANDRINS VINT DEVANT MARSILIUN,
PAR LE PUIGN TINT LE CUNTE GUENELUN,
E DIST AL REI, @SALVEZ SEIEZ DE MAHUN
E D APOLLIN, QUI SEINTES LEIS TENUNS.
VOSTRE MESSAGE FESIMES A CHARLUN,
AMBES SES MAINS EN LEVAT CUNTRE MUNT,
LOAT SUN DEU, NE FIST ALTRE RESPUNS.
CI VOS ENVEIET UN SUN NOBLE BARUN,
KI EST DE FRANCE, SI EST MULT RICHES HOM, PAR LUI ORREZ, SI
AVREZ PAIS U NUN@.
RESPUNT MARSILIE, @OR DIET, NUS L ORRUM@, AOI. MAIS LI QUENS
GUENES SE FUT BEN PURPENSET, PAR GRANT SAVER CUMENCET A
PARLER
CUME CELUI, KI BEN FAIRE LE SET.
E DIST AL REI, @SALVEZ SEIEZ DE DEU
LI GLORIUS, QUI DEVUM AURER.
ICO VUS MANDET CARLEMAGNES LI BER,
QUE RECEVEZ SEINTE CHRESTIENTET,
DEMI ESPAIGNE VOS VOELT EN FIU DUNER.
SE CEST ACORDE NE VULEZ OTRIER,
PRIS E LIEZ SEREZ PAR POESTED,
AL SIEGE AD AIS EN SEREZ AMENET,
PAR JUGEMENT SEREZ ILOEC FINET,
LA MURREZ VUS A HUNTE E A VILTET@.
LI REIS MARSILIES EN FUT MULT ESFREED,
UN ALGIER TINT, KI D OR FUT ENPENET,
FERIR L EN VOLT, SE N EN FUST DESTURNET, AOI. LI REIS MARSILIES
AD LA CULUR MUEE,
DE SUN ALGEIR AD LA HANSTE CROLLEE.
QUANT LE VIT GUENES, MIST LA MAIN A L ESPEE, CUNTRE DOUS DEIE
L AD DEL FURRER GETEE.
SI LI AD DIT, @MULT ESTES BELE E CLERE,
TANT VUS AVRAI EN CURT A REI PORTEE,
JA NEL DIRAT DE FRANCE LI EMPERERE,
QUE SULS I MOERGE EN L ESTRANGE CUNTREE, EINZ VOS AVRUNT LI
MEILLOR CUMPAREE@.
DIENT PAIEN, @DESFAIMES LA MESLEE@.
TUIT LI PRIERENT LI MEILLOR SARRAZIN,
QU EL FALDESTOED S EST MARSILIES ASIS.
DIST L ALGALIFES, @MAL NOS AVEZ BAILLIT, QUE LI FRANCEIS
ASMASTES A FERIR,
VOS LE DOUSSEZ ESCULTER E OIR@.
@SIRE@ DIST GUENES, @MEI L AVENT A SUFFRIR. JO NE LERREIE POR
TUT L OR QUE DEUS FIST NE POR TUT L AVEIR, KI SEIT EN CEST PAIS,
QUE JO NE LI DIE, SE TANT AI DE LEISIR,
QUE CHARLES LI MANDET LI REIS POESTEIFS, PAR MEI LI MANDET SUN
MORTEL ENEMI@.
AFUBLEZ EST D UN MANTEL SABELIN,
KI FUT CUVERT D UN PALIE ALEXANDRIN,
GETET LE A TERE, SIL RECEIT BLANCANDRIN. MAIS DE S ESPEE NE
VOLT MIE GUERPIR,
EN SUN PUIGN DESTRE PAR L ORIE PUNT LA TINT. DIENT PAIEN,
@NOBLE BARUN AD CI@, AOI.
ENVERS LE REI S EST GUENES APROISMET,
SI LI AD DIT, @A TORT VOS CURUCIEZ,
QUAR CO VOS MANDET CARLES, KI FRANCE TIENT, QUE RECEVEZ LA
LEI DE CHRESTIENS.
DEMI ESPAIGNE VUS DURAT IL EN FIET,
L ALTRE MEITET AVRAT ROLL SIS NIES,
MULT ORGUILLOS PARCUNER I AVREZ.
SI CESTE ACORDE NE VOLEZ OTRIER,
EN SARRAGUCE VUS VENDRAT ASEGER,
PAR POESTET SEREZ PRIS E LIEZ.
MENET SEREZ ENDREIT AD AIS LE SIET,
VUS N I AVREZ PALEFREID NE DESTRER
NE MUL NE MULE, QUE PUISSEZ CHEVALCHER,
GETET SEREZ SUR UN MALVAIS SUMER,
PAR JUGEMENT ILOEC PERDREZ LE CHEF.
NOSTRE EMPERERE VUS ENVEIET CEST BREF@.
EL DESTRE POIGN AL PAIEN L AD LIVRET.
MARSILIES FUT ESCULUREZ DE L IRE,
FREINT LE SEEL, GETET EN AD LA CIRE,
GUARDET AL BREF, VIT LA RAISUN ESCRITE,
@CARLE ME MANDET, KI FRANCE AD EN BAILLIE, QUE ME REMEMBRE
DE LA DOLUR E DE L IRE,
CO EST DE BASAN E DE SUN FRERE BASILIE,
DUNT PRIS LES CHEFS AS PUIS DE HALTOIE.
SE DE MUN CORS VOEIL AQUITER LA VIE,
DUNC LI ENVEI MUN UNCLE L ALGALIFE,
ALTREMENT NE M AMERAT IL MIE@.
APRES PARLAT SES FILZ ENVERS MARSILIES,
E DIST AL REI, @GUENES AD DIT FOLIE,
TANT AD ERRET, NEN EST DREIZ, QUE PLUS VIVET. LIVREZ LE MEI, JO
EN FERAI LA JUSTISE@.
QUANT L OIT GUENES, L ESPEE EN AD BRANLIE,

VAIT S APUIER SUZ LE PIN A LA TIGE.
ENZ EL VERGER S EN EST ALEZ LI REIS,
SES MEILLORS HUMES EN MEINET ENSEMBL OD SEI, E BLANCANDRINS
I VINT AL CANUD PEIL
E JURFARET, KI EST SES FILZ E SES HEIRS, E L ALGALIFES SUN UNCLE E
SIS FEDEILZ.
DIST BLANCANDRINS, @APELEZ LE FRANCEIS,
DE NOSTRE PROD M AD PLEVIE SA FEID@.
CO DIST LI REIS, @E VOS L I AMENEIZ@.
GUENELUN PRIST PAR LA MAIN DESTRE AD DEIZ, ENZ EL VERGER L
EN MEINET JOSQU AL REI,
LA PURPAROLENT LA TRAISON SEINZ DREIT, AOI. @BEL SIRE GUENES@
CO LI AD DIT MARSILIE, @JO VOS AI FAIT ALQUES DE LEGERIE,
QUANT POR FERIR VUS DEMUSTRAI GRANT IRE. GUAZ VOS EN DREIT
PAR CEZ PELS SABELINES, MELZ EN VALT L OR, QUE NE FUNT CINC
CENZ LIVRES, EINZ DEMAIN NOIT EN IERT BELE L AMENDISE@.
GUENES RESPUNT, @JO NEL DESOTREI MIE,
DEUS SE LUI PLAIST, A BIEN LE VOS MERCIE@,AOI. CO DIST MARSILIES,
@GUENES PAR VEIR SACEZ, EN TALANT AI, QUE MULT VOS VOEILL
AMER,
DE CARLEMAGNE VOS VOEILL OIR PARLER.
IL EST MULT VIELZ, SI AD SUN TENS USET,
MEN ESCIENT DOUS CENS ANZ AD PASSET,
PAR TANTES TERES AD SUN CORS DEMENED,
TANZ COLPS AD PRIS SUR SUN ESCUT BUCLER, TANZ RICHES REIS
CUNDUIT A MENDISTED.
QUANT ERT IL MAIS RECREANZ D OSTEIER$@
GUENES RESPUNT, @CARLES N EST MIE TELS,
N EST HOM , KIL VEIT, E CONUISTRE LE SET, QUE CO NE DIET, QUE L
EMPERERE EST BER.
TANT NEL VOS SAI NE PREISER NE LOER,
QUE PLUS N I AD D ONUR E DE BONTET.
SA GRANT VALOR KIL PURREIT ACUNTER$
DE TEL BARNAGE L AD DEUS ENLUMINET,
MEILZ VOELT MURIR QUE GUERPIR SUN BARNET@. DIST LI PAIENS,
@MULT ME PUIS MERVEILLER DE CARLEMAGNE, KI EST CANUZ E
VIELZ,
MEN ESCIENTRE DOUS CENZ ANZ AD E MIELZ,
PAR TANTES TERES AD SUN CORS TRAVAILLET, TANZ COLS AD PRIS
DE LANCES E D ESPIET,
TANZ RICHES REIS CONDUIZ A MENDISTIET,
QUANT ERT IL MAIS RECREANZ D OSTEIER$@
@CO N IERT@, DIST GUENES, @TANT CUM VIVET SIS NIES, N AT TEL
VASSAL SUZ LA CAPE DEL CIEL,
MULT PAR EST PROZ SIS CUMPAINZ OLIVER.
LES XII PERS QUE CARLES AD TANT CHERS,
FUNT LES ENGUARDES A XX MILIE CHEVALERS. SOURS EST CARLES,
QUE NULS HOME NE CRENT@, AOI. DIST LI SARRAZINS, @MERVEILLE
EN AI GRANT DE CARLEMAGNE, KI EST CANUZ ET BLANCS,
MIEN ESCIENTRE PLUS AD DE II C ANZ.
PAR TANTES TERES EST ALET CUNQUERANT,
TANZ COLPS AD PRIS DE BONS ESPIEZ TRENCHANZ, TANZ RICHES
REIS MORZ E VENCUZ EN CHAMP, QUANT IER IL MAIS D OSTEIER
RECREANT$@
@CO N IERT@, DIST GUENES, @TANT CUM VIVET ROLLANT, N AD TEL
VASSAL D ICI QU EN ORIENT.
MULT PAR EST PROZ OLIVER SIS CUMPAINZ.
LI XII PER QUE CARLES AIMET TANT,
FUNT LES ENGUARDES A XX MILIE DE FRANCS, SOURS EST CARL, NE
CRENT HUME VIVANT@, AOI. @BEL SIRE GUENES@ DIST MARSILIES LI
REIS, @JO AI TEL GENT, PLUS BELE NE VERREIZ,
QUARTE CENZ MILIE CHEVALERS PUIS AVEIR.
PUIS M EN CUMBATRE A CARLE E A FRANCEIS$@ GUENES RESPUNT,
@NE VUS A CESTE FEIZ.
DE VOZ PAIENS MULT GRANT PERTE I AVREIZ, LESSEZ LA FOLIE,
TENEZ VOS AL SAVEIR.
L EMPEREUR TANT LI DUNEZ AVEIR,
N I AIT FRANCEIS, KI TOT NE S EN MERVEILT. PAR XX HOSTAGES QUE
LI ENVEIEREIZ,
EN DULCE FRANCE S EN REPAIRERAT LI REIS. SA REREGUARDE
LERRAT DERERE SEI,
IERT I SIS NIES LI QUENS ROLL, CO CREI,
E OLIVER LI PROZ E LI CURTEIS.
MORT SUNT LI CUNTE, SE EST, KI MEI EN CREIT. CARL VERRAT SUN
GRANT ORGUILL CADEIR,
N AVRAT TALENT, QUE JA MAIS VUS GUERREIT@, AOI. @BEL SIRE
GUENES@, CO DIST LI REIS MARSILIES, @CUMFAITEMENT PURRAI ROLL
OCIRE$@
GUENES RESPONT, @CO VOS SAI JO BEN DIRE. LI REIS SERAT AS
MEILLORS PORZ DE SIZER, SA REREGUARDE AVRAT DETRES SEI MISE,
IERT I SIS NIES LI QUENS ROLL LI RICHES
E OLIVER, EN QUI IL TANT SE FIET,
XX MILIE FRANCS UNT EN LUR CUMPAIGNIE.
DE VOZ PAIENS LUR ENVEIEZ C MILIE.
UNE BATAILLE LUR I RENDENT CIL PRIMES.
LA GENT DE FRANCE IERT BLECEE E BLESMIE, NEL DI POR CO, DES VOZ
IERT LA MARTIRIE, ALTRE BATAILLE LUR LIVREZ DE MEISME,
DE QUEL QUE SEIT, ROLL N ESTOERTRAT MIE.

DUNC AVREZ FAITE GENTE CHEVALERIE,
N AVREZ MAIS GUERE EN TUTE VOSTRE VIE, AOI. CHI PURREIT FAIRE,
QUE ROLL I FUST MORT, DUNC PERDREIT CARL LE DESTRE BRAZ DEL
CORS, SI REMEINDREIENT LES MERVEILLUSES OZ,
N ASEMBLEREIT JAMAIS CARL SI GRANT ESFORZ, TERE MAJOR
REMEINDREIT EN REPOS@.
QUAN L OT MARSILIE, SI L AD BAISET EL COL. PUIS SI CUMENCET A
VENIR SES TRESORS, AOI. CO DIST MARSILIES, @QU EN PARLEREIENS
MAIS$ CUNSEILL N EST PROZ, DUNT HUME,
LA TRAISUN ME JURREZ DE ROLL@.
CO RESPUNT GUENES, @ISSI SEIT, CUM VOS PLAIST@. SUR LES
RELIQUES DE S ESPEE MURGLEIS
LA TRAISUN JURAT, E SI S EN EST FORSFAIT, AOI. UN FALDESTOED I
OUT D UN OLIFANT,
MARSILIES FAIT PORTER UN LIVRE AVANT,
LA LEI I FUT MAHUM E TERVAGAN,
CO AD JURET LI SARRAZINS ESPANS,
SE EN REREGUARDE TROEVET LE CORS ROLL,
CUMBATRAT SEI A TRESTUTE SA GENT,
E SE IL POET, MURRAT I VEIREMENT.
GUENES RESPUNT, @BEN SEIT VOSTRE COMANT@, AOI. ATANT I VINT
UNS PAIENS VALDABRUNS,
ICIL LEVAT LE REI MARSILIUN.
@CLER EN RIANT L AD DIT A GUENELUN,
[TENEZ M ESPEE, MEILLUR NEN AT NULS HOM, ENTRE LES HELZ AD
PLUS DE MIL MANGUNS.
PAR AMISTIEZ BEL SIRE LA VOS DUINS,
QUE VOS AIDEZ DE ROLL LE BARUN,
QU EN REREGUARDE TROVER LE POUSUM@.
@BEN SERAT FAIT@, LI QUENS GUENES RESPUNT, PUIS SE BAISERENT
ES VIS E ES MENTUNS.
APRES I VINT UN PAIEN CLIMORINS.
CLER EN RIANT A GUENELUN L AD DIT,
@TENEZ MUN HELME, UNCHES MEILLOR NE VI,
SI NOS AIDEZ DE ROLL LI MARCHIS,
PAR QUEL MESURE LE POUSSUM HUNIR@.
@BEN SERAT FAIT@, GUENES RESPUNDIT.
PUIS SE BAISERENT ES BUCHES E ES VIS, AOI. ATANT I VINT LA REINE
BRAMIMUNDE.
@JO VOS AIM MULT SIRE@, DIST ELE AL CUNTE, @CAR MULT VOS
PRISET MI SIRE E TUIT SI HUME. A VOSTRE FEMME ENVEIERAI DOUS
MUSCHES.
BIEN I AD OR MATICES E JACUNCES,
ELES VALENT MIELZ QUE TUT L AVEIR DE RUME, VOSTRE EMPERERE SI
BONES N EN OUT UNCHES@. IL LES AD PRISES, EN SA HOESE LES
BUTET, AOI. LI REIS APELET MALDUIT SUN TRESORER.
@L AVEIR CARLUN EST IL APAREILLEZ$@
E CIL RESPUNT, @OIL SIRE ASEZ BIEN,
VII C CAMEILZ D OR E ARGENT CARGIEZ
E XX HOSTAGES DES PLUS GENTILZ DESUZ CEL@, AOI. MARSILIES TINT
GUENELUN PAR L ESPALLE,
SI LI AD DIT, @MULT PAR IES BER E SAGE,
PAR CELE LEI QUE VOS TENEZ PLUS SALVE,
GUARDEZ DE NOS, NE TURNEZ LE CURAGE.
DE MUN AVEIR VOS VOEILL DUNER GRANT MASSE X MULS CARGEZ
DEL PLUS FIN OR D ARABE,
JA MAIS N IERT AN, ALTRETEL NE VOS FACE. TENEZ LES CLEFS DE
CESTE CITET LARGE,
LE GRANT AVEIR EN PRESENTEZ AL REI CARLES, POIS ME JUGEZ ROLL
A REREGUARDE.
SEL POIS TROVER A PORT NE A PASSAGE,
LIVERRAI LUI UNE MORTEL BATAILLE@.
GUENES RESPUNT, @MEI EST VIS, QUE TROP TARGE@. POIS EST
MUNTED, ENTRET EN SUN VEIAGE, AOI. LI EMPERERES APROISMET
SUN REPAIRE,
VENUZ EN EST A LA CITET DE GALNE.
LI QUENS ROLL IL L AD E PRISE E FRAITE,
PUIS ICEL JUR EN FUT CENT ANZ DESERTE.
DE GUENELUN ATENT LI REIS NUVELES
E LE TREUD D ESPAIGNE LA GRANT TERE.
PAR MAIN EN L ALBE SI CUM LI JURZ ESCLAIRET, GUENES LI QUENS
EST VENUZ AS HERBERGES, AOI. LI EMPERERES EST PAR MATIN LEVET,
MESSE E MATINES AD LI REIS ESCULTET,
SUR L ERBE VERTE ESTUT DEVANT SUN TREF.
ROLL I FUT E OLIVER LI BER
NEIMES LI DUX E DES ALTRES ASEZ.
GUENES I VINT LI FELS LI PARJUREZ,
PAR GRANT VEISDIE CUMENCET A PARLER,
E DIST AL REI, @SALVEZ SEIEZ DE DEU,
DE SARRAGUCE CI VOS APORT LES CLEFS.
MULT GRANT AVEIR VOS EN FAZ AMENER
E XX HOSTAGES, FAITES LES BEN GUARDER.
E SI VOS MANDET REIS MARSILIES LI BER,
DE L ALGALIFES NEL DEVEZ PAS BLASMER,
KAR A MES OILZ VI IIII C MILIE ARMEZ
HALBERS VESTUZ ALQUANZ HEALMES FERMEZ
CEINTES ESPEES AS PUNZ D OR NEIELEZ,
KI L EN CUNDUISTRENT TRESQU EN LA MER.
DE MARCILIE S EN FUIENT POR LA CHRESTIENTET, QUE IL NE
VOELENT NE TENIR NE GUARDER.
EINZ QU IL OUSSENT IIII LIUES SIGLET,
SIS AQUILLIT E TEMPESTE E ORED,
LA SUNT NEIEZ, JAMAIS NES EN VERREZ,
SE IL FUST VIF, JO L OUSSE AMENET.
DEL REI PAIEN SIRE PAR VEIR CREEZ,
JA NE VERREZ CEST PREMER MEIS PASSET,
QU IL VOS SIVRAT EN FRANCE LE REGNET,
SI RECEVRAT LA LEI, QUE VOS TENEZ,
JOINTES SES MAINS IERT VOSTRE COMANDET,
DE VOS TENDRAT ESPAIGNE LE REGNET@.
CO DIST LI REIS, @GRACIET EN SEIT DEUS.
BEN L AVEZ FAIT, MULT GRANT PROD I AVREZ@. PARMI CEL OST FUNT
MIL GRAILLES SUNER,
FRANC DESHERBERGENT, FUNT LUR SUMERS TROSSER, VERS DULCE
FRANCE TUIT SUNT ACHIMINEZ, AOI. CARLES LI MAGNES AD
ESPAIGNE GUASTEDE
LES CASTELS PRIS LES CITEZ VIOLEES,
CO DIT LI REIS, QUE SA GUERE OUT FINEE.
VERS DULCE FRANCE CHEVALCHET L EMPERERE. LI QUENS ROLL AD L
ENSEIGNE FERMEE
EN SUM UN TERTRE CUNTRE LE CIEL LEVEE.
FRANC SE HERBERGENT PAR TUTE LA CUNTREE, PAIEN
CHEVALCHENT PAR CEZ GREIGNURS VALEES HALBERCS VESTUZ E
HEALMES LACEZ E CEINTES LUR ESPEES
ESCUZ AS COLS E LANCES ADUBEES.
EN UN BRUILL PAR SUM LES PUIS REMESTRENT, IIII C MILIE ATENDENT
L AJURNEE.
DEUS QUEL DULUR QUE LI FRANCEIS NEL SEVENT, AOI. TRESVAIT LE
JUR, LA NOIT EST ASERIE,
CARLES SE DORT, LI EMPERERES RICHES,
SUNJAT, QU IL ERET AL GREIGNURS PORZ DE SIZER, ENTRE SES POINZ
TENEIT SA HANSTE FRAISNINE, GUENES LI QUENS L AD SUR LUI
SAISIE,
PAR TEL AIR L AT CRULLEE E BRANDIE,
QU ENVERS LE CEL EN VOLENT LES ESCICLES. CARLES SE DORT, QU IL
NE S ESVEILLET MIE. APRES ICESTE ALTRE AVISIUN SUNJAT,
QU IL ERT EN FRANCE A SA CAPELE AD AIS,
EL DESTRE BRAZ LI MORST UNS VERS SI MALS. DEVERS ARDENE VIT
VENIR UNS LEUPARZ,
SUN CORS DEMENIE MULT FIEREMENT ASALT.
D ENZ DE LA SALE UNS VELTRES AVALAT,
QUE VINT A CARLES LE GALOPS E LES SALZ,
LA DESTRE OREILLE AL PREMER VER TRENCHAT, IREEMENT SE
CUMBAT AL LEPART.
DIENT FRANCEIS, QUE GRANT BATAILLE I AD, IL NE SEVENT, LI QUELS
D ELS LA VEINTRAT. CARLES SE DORT, MIE NE S ESVEILLAT, AOI.

TRESVAIT LA NOIT, E APERT LA CLERE ALBE. PARMI CEL HOST
SUNENT GRAISLES.
LI EMPERERES MULT FIEREMENT CHEVALCHET.
@SEIGNURS BARONS@ DIST LI EMPERERE CARLES, @VEEZ LES PORZ E
LES DESTREIZ PASSAGES,
KAR ME JUGEZ, KI ERT EN LA REREGUARDE@.
GUENES RESPUNT, @ROLL CIST MIENS FILLASTRE, N AVEZ BARON DE
SI GRANT VASSELAGE@.
QUANT L OT LI REIS, FIEREMENT LE REGUARDET, SI LI AD DIT, @VOS
ESTES VIFS DIABLES,
EL CORS VOS EST ENTREE MORTEL RAGE.
E KI SERAT DEVANT MEI EN L ANSGUARDE@$
GUENES RESPUNT @OGER DE DENEMARCHE,
N AVEZ BARUN, KI MIELZ DE LUI LA FACET@. LI QUENS ROLL QUANT
IL S OIT JUGER, AOI, DUNC AD PARLED A LEI DE CHEVALER,
@SIRE PARASTRE MULT VOS DEI AVEIR CHER,
LA REREGUARDE AVEZ SUR MEI JUGIET.
N I PERDRAT CARL LI REIS, KI FRANCE TIENT, MEN ESCIENTRE
PALEFREID NE DESTRER
NE MUL NE MULE, QUE DEIET CHEVALCHER,
NEN I PERDRAT NE RUNCIN NE SUMER,
QUE AS ESPEES NE SEIT EINZ ESLEGIET@.
GUENES RESPUNT, @VEIR DITES, JOL SAI BIEN@, AOI. QUANT OT ROLL,
QU IL ERT EN LA REREGUARDE, IREEMENT PARLAT A SUN PARASTRE,
@AHI CULVERT MALVAIS HOM DE PUT AIRE
QUIAS, LE GUANT ME CAIST EN LA PLACE,
CUME FIST A TEI LE BASTUN DEVANT CARLE@$ AOI. @DREIZ
EMPERERE@ DIST ROLL LE BARUN,
@DUNEZ MEI L ARC, QUE VOS TENEZ EL POIGN, MEN ESCIENTRE NEL
ME REPROVERUNT,

QUE IL ME CHEDET, CUM FIST A GUENELUN
DE SA MAIN DESTRE, QUANT RECUT LE BASTUN@. LI EMPERERES EN
TINT SUN CHEF ENBRUNC,
SI DUIST SA BARBE, E DETOERST SUN GERNUN, NE POET MUER, QUE
DES OILZ NE PLURT.
ANPRES ICO I EST NEIMES VENUD,
MEILLOR VASSAL N OUT EN LA CURT DE LUI,
E DIST AL REI, @BEN L AVEZ ENTENDUT,
LI QUENS ROLL IL EST MOLT IRASCUT,
LA REREGUARDE EST JUGEE SUR LUI,
N AVEZ BARON, KI JAMAIS LA REMUT,
DUNEZ LI L ARC, QUE VOS AVEZ TENDUT,
SI LI TRUVEZ, KI TRESBIEN LI AIUT@.
LI REIS DUNET, E ROLL L A RECUT.
LI EMPERERES APELET SES NIES ROLL.
@BEL SIRE NIES OR SAVEZ VEIREMENT,
DEMI MUN HOST VOS LERRAI EN PRESENT.
RETENEZ LES, CO EST VOSTRE SALVEMENT@.
CO DIT LI QUENS, @JO N EN FERAI NIENT,
DEUS ME CUNFUNDE, SE LA GESTE EN DESMENT. XX MILIE FRANCS
RETENDRAI BEN VAILLANZ,
PASSEZ LES PORZ TRESTUT SOUREMENT,
JA MAR CRENDREZ NUL HUME A MUN VIVANT@.
LI QUENS ROLL EST MUNTET EL DESTRER, AOI. CUNTRE LUI VIENT SIS
CUMPAINZ OLIVER,
VINT I GERINS E LI PROZ QUENS GERERS,
E VINT I OTES, SI I VINT BERENGERS,
E VINT I ASTORS E ANSEIS LI FIERS,
VINT I GERART DE ROSSILLON LI VEILLZ,
VENUZ I EST LI RICHES DUX GAIFIERS.
DIST L ARCEVESQUE, @JO IRAI PAR MUN CHEF@. @E JO OD VOS@, CO
DIST LI QUENS GUALTERS,
[HOM SUI ROLL, JO NE LI DEI FAILLIR[.
ENTR ELS ESLISENT XX MILIE CHEVALERS, AOI. LI QUENS ROLL
GUALTER DEL HUM APELET.
@PERNEZ MIL FRANCS DE FRANCE NOSTRE TERE, SI PURPERNEZ LES
DESTREIZ E LES TERTRES, QUE L EMPERERE NIS UN DES SOENS N I
PERDET@, AOI. RESPUNT GUALTER, @PUR VOS LE DEI BEN FAIRE@. OD
MIL FRANCEIS DE FRANCE LA LUR TERE
GUALTER DESRENGET LES DESTREIZ E LES TERTRES, N EN
DESCENDRAT PUR MALVAISES NUVELES,
ENCEIS QU EN SEIENT VII C ESPEES TRAITES. REIS ALMARIS DEL REGNE
DE BELFERNE
UNE BATAILLE LUR LIVRAT LE JUR PESME.
HALT SUNT LI PUI E LI VAL TENEBRUS
LES ROCHES BISES LES DESTREIZ MERVEILLUS. LE JUR PASSERENT
FRANCEIS A GRANT DULUR, DE XV LIUES EN OT HOM LA RIMUR.
PUIS QUE IL VENENT A LA TERE MAJUR,
VIRENT GUASCUIGNE LA TERE LUR SEIGNUR.
DUNC LE REMEMBRET DES FIUS E DES HONURS
E DES PULCELES E DES GENTILZ OIXURS,
CEL NEN I AD, KI DE PITET NE PLURT.
SUR TUZ LES ALTRES EST CARL ANGUISSUS,
AS PORZ D ESPAIGNE AD LESSET SUN NEVOLD, PITET L EN PRENT, NE
POET MUER, N EN PLURT, AOI. LI XII PER SUNT REMES EN ESPAIGNE,
XX MILIE FRANCS UNT EN LUR CUMPAIGNE,
NEN UNT POUR NE DE MURIR DUTANCE.
LI EMPERERE S EN REPAIRET EN FRANCE,
SUZ SUN MANTEL EN FAIT LA CUNTENANCE.
DEJUSTE LUI LI DUX NEIMES CHEVALCHET,
E DIT AL REI, @DE QUEI AVEZ PESANCE$@
CARL RESPUNT, @TORT FAIT, KIL ME DEMANDET, SI GRANT DOEL AI,
NE PUIS MUER, NEL PLEIGNE. PAR GUENELUN SERAT DESTRUITE
FRANCE,
ENOIT M AVINT UN AVISIUN D ANGELE,
QUE ENTRE MES PUINZ ME DEPECOUT MA HANSTE, CHI AD JUGET MIS
NES A REREGUARDE.
JO L AI LESSET EN UNE ESTRANGE MARCHE,
DEUS SE JOL PERT, JA N EN AVRAI ESCANGE@, AOI. CARLES LI MAGNES
NE POET MUER, N EN PLURT, C MILIE FRANCS PUR LUI UNT GRANT
TENDRUR E DE ROLL MERVEILLUSE POUR.
GUENES LI FELS EN AD FAIT TRAISUN,
DEL REI PAIEN EN AD OUD GRANZ DUNS
OR E ARGENT PALIES E CICLATUNS
MULS E CHEVALS E CAMEILZ E LEUNS.
MARSILIES MANDET D ESPAIGNE LES BARUNS
CUNTES VEZCUNTES E DUX E ALMACURS
LES AMIRAFLES E LES FILZ AS CUNTURS,
IIII C MILIE EN AJUSTET EN III JURZ.
EN SARRAGUCE FAIT SUNER SES TABURS,
MAHUMET LEVENT EN LA PLUS HALTE TUR,
N I AD PAIEN, NEL PRIT, E NEL AORT.
PUIS SI CHEVALCHENT PAR MULT GRANT CUNTENCUN LA TERE
CERTEINE E LES VALS E LES MUNZ.
DE CELS DE FRANCE VIRENT LES GUNFANUNS.
LA REREGUARDE DES XII CUMPAIGNUNS
NE LESSERAT, BATAILLE NE LUR DUNT.
LI NIES MARSILIE IL EST VENUZ AVANT
SUR UN MULET OD UN BASTUN TUCHANT,
DIST A SUN UNCLE BELEMENT EN RIANT,
@BEL SIRE REIS JO VOS AI SERVIT TANT,
SIN AI OUT E PEINES E AHANS
FAITES BATAILLES E VENCUES EN CHAMP,
DUNEZ M UN FEU, CO EST LE COLP DE ROLL,
JO L OCIRAI A MUN ESPIET TRENCHANT.
SE MAHUMET ME VOELT ESTRE GUARANT,
DE TUTE ESPAIGNE AQUITERAI LES PANS
DES PURZ D ESPAIGNE ENTRESQU A DURESTANT. LAS SERAT CARL, SI
RECRERRUNT SI FRANC.
JA N AVREZ MAIS GUERE EN TUT VOSTRE VIVANT@. LI REIS MARSILIE L
EN AD DUNET LE GUANT, AOI. LI NIES MARSILIES TIENT LE GUANT EN
SUN POIGN, SUN UNCLE APELET DE MULT FIERE RAISUN,
@BEL SIRE REIS FAIT M AVEZ UN GRANT DUN. ESLISEZ MEI XII DE VOZ
BARUNS,
SIM CUMBATRAI AS XII CUMPAIGNUNS@.
TUT PREMEREIN L EN RESPUNT FALSARON,
ICIL ERT FRERE AL REI MARSILIUN,
@BEL SIRE NIES E JO E VOS IRUM,
CESTE BATAILLE VEIREMENT LA FERUM.
LA REREGUARDE DE LA GRANT HOST CARLUN
IL EST JUGET, QUE NUS LES OCIRUM@, AOI.
REIS CORSALIS IL EST DE L ALTRE PART,
BARBARINS EST E MULT DE MALES ARZ,
CIL AD PARLET A LEI DE BON VASSAL,
PUR TUT L OR DEU NE VOLT ESTRE CUARD.
AS VOS POIGNANT MALPRIMIS DE BRIGANT,
PLUS CURT A PIET, QUE NE FAIT UN CHEVAL. DEVANT MARSILIE CIL S
ESCRIET MULT HALT, @JO CUNDUIRAI MUN CORS EN RENCESVALS,
SE TRUIS ROLL, NE LERRAI, QUE NEL MAT@.
UNS AMURAFLES I AD DE BALAGUEZ,
CORS AD MULT GENT E LE VIS FIER E CLER,
PUIS QUE IL EST SUR UN CHEVAL MUNTET,
MULT SE FAIT FIERS DE SES ARMES PORTER,
DE VASSELAGE EST IL BEN ALOSEZ,
FUST CHRESTIENS, ASEZ OUST BARNET.
DEVANT MARSILIE CIL EN EST ESCRIET,
@EN RENCESVALS IRAI MUN CORS GUIER,
SE TRUIS ROLLANT, DE MORT SERAT FINET
E OLIVER E TUZ LES XII PERS,
FRANCEIS MURRUNT A DOEL E A VILTIET.
CARLES LI MAGNES VELZ EST E REDOTEZ,
RECREANZ ERT DE SA GUERRE MENER,
SI NUS REMEINDRAT ESPAIGNE EN QUITEDET@. LI REIS MARSILIE
MULT L EN AD MERCIET, AOI. UNS ALMACURS I AD DE MORIANE,
N AD PLUS FELUN EN LA TERE D ESPAIGNE.
DEVANT MARSILIE AD FAITE SA VANTANCE,
@EN RENCESVALS GUIERAI MA CUMPAIGNE
XX MILIE AD ESCUZ E A LANCES,
SE TROIS ROLLANT, DE MORT LI DUINS FIANCE, JAMAIS N ERT JOR,
QUE CARLES NE SE PLEIGNET@, AOI. D ALTRE PART EST TURGIS DE
TURTELUSE,
CIL EST UNS QUENS, SI EST LA CITET SUE,
DE CHRESTIENS VOELT FAIRE MALE VODE.
DEVANT MARSILIE AS ALTRES SI S AJUSTET,
CO DIST AL REI, @NE VOS ESMAIEZ UNCHES.
PLUS VALT MAHUM QUE SEINT PERRE DE RUME, SE LUI SERVEZ, L
ONUR DEL CAMP ERT NOSTRE. EN RENCESVALS A ROLLANT IRAI
JUINDRE,
DE MORT N AVRAT GUARANTISUN PUR HUME.
VEEZ M ESPEE, KI EST E BONE E LUNGE.
A DURENDAL JO LA METRAI ENCUNTRE,
ASEZ ORREZ, LA QUELE IRAT DESURE.
FRANCEIS MURRUNT, SI A NUS S ABANDUNENT, CARLES LI VELZ
AVRAT E DEOL E HUNTE,
JAMAIS EN TERE NE PORTERAT CURONE@.
DE L ALTRE PART EST ESCREMIZ DE VALTERNE, SARRAZINS EST, SI EST
SUE LA TERE,
DEVANT MARSILIE S ESCRIET EN LA PRESSE,
@EN RENCESVALS IRAI L ORGOILL DESFAIRE,
SE TROIS ROLLANT, N EN PORTERAT LA TESTE NE OLIVER, KI LES
ALTRES CADELET,
LI XII PER TUIT SUNT JUGEZ A PERDRE,
FRANCEIS MURRUNT, E FRANCE EN ERT DESERTE, DE BONS VASSALS
AVRAT CARLES SUFFRAITE@, AOI. D ALTRE PART EST UNS PAIENS
ESTURGANZ,
ESTRAMARIZ I EST UN SOENS CUMPAINZ,
CIL SUNT FELUN TRAITUR SUDUIANT.
CO DIST MARSILIE,@SEIGNURS VENEZ AVANT.
EN RENCESVALS IREZ AS PORZ PASSANT,
SI AIDEREZ A CUNDUIRE MA GENT.@
E CIL RESPUNDENT,@A VOSTRE COMANDEMENT.
NUS ASALDRUM OLIVER E ROLLANT,
LI XII PER N AVRUNT DE MORT GUARANT,
NOZ ESPEES SUNT BONES E TRENCHANT,
NUS LES FERUNS VERMEILLES DE CHALD SANC. FRANCEIS
MURRUNT,CARLES EN ERT DOLENT,
TERE MAJUR VOS METRUM EN PRESENT.
VENEZ I REIS,SIL VERREZ VEIREMENT,
L EMPEREOR VOS METRUM EN PRESENT.@
CURANT I VINT MARGARIZ DE SIBILIE,
CIL TIENT LA TERE ENTREQU AS CAZMARINES, PUR SA BELTET DAMES
LI SUNT AMIES,
CELE NEL VEIT, VERS LUI NE S ESCLARGISSET, QUANT ELE LE VEIT,NE
POET MUER,NE RIET,
N I AD PAIEN DE TEL CHEVALERIE.
VINT EN LA PRESSE,SUR LES ALTRES S ESCRIET, E DIST AL REI,@NE VOS
ESMAIEZ MIE.
EN RENCESVALS IRAI ROLL OCIRE,
NE OLIVER N EN PORTERAT LA VIE,
LI XII PER SUNT REMES EN MARTIRIE.
VEEZ M ESPEE,KI D OR EST ENHELDIE,
SI LA TRAMIST LI AMIRALZ DE PRIMES.
JO VOS PLEVIS,QU EN VERMEILL SANC ERT MISE, FRANCEIS MURRUNT
,E FRANCE EN ERT HUNIE. CARLES LI VELZ A LA BARBE FLURIE,
JAMAIS N ERT JURN,QU IL N EN AIT DOEL E IRE, JUSQU A UN AN
AVRUM FRANCE SAISIE,

GESIR PORRUM EL BURC DE SEINT DENISE.@
LI REIS PAIENS PARFUNDEMENT L ENCLINET. AOI. DE L ALTRE PART
EST CHERNUBLES DE MUNIGRE, JUSQU A LA TERE SI CHEVOEL LI
BALIENT,
GREIGNOR FAIS PORTET PAR GIU,QUANT IL S ENVEISET, QUE IIII
MULEZ NE FUNT,QUANT IL SUMEIENT. ICELE TERE CO DIT,DUN IL
ESTEIET,
SOLEILL N I LUIST,NE BLET N I POET PAS CREISTRE, PLUIE N I
CHET,RUSEE N I ADEISET,

PIERE N I AD,QUE TUTE NE SEIT NEIRE.
DIENT ALQUANZ,QUE DIABLES I MEIGNENT.
CE DIST CHERNUBLES,@MA BONE ESPEE AI CEINTE, EN RENCESVALS
JO LA TEINDRAI VERMEILLE,
SE TROIS ROLL LI PROZ ENMI MA VEIE,
SE NE L ASAILL,DUNC NE FAZ JO QUE CREIRE, SI CUNQUERRAI
DURENDAL OD LA MEIE,
FRANCEIS MURRUNT ,E FRANCE EN ERT DESERTE.@ A ICEZ MOZ LI XII
PER S ALIENT,
ITELS C MILIE SARRAZINS OD ELS MEINENT,
KI DE BATAILLE S ARGUENT,E HASTEIENT,
VUNT S ADUBER DESUZ UNE SAPEIE.
PAIEN S ADUBENT DES OSBERCS SARAZINEIS,

TUIT LI PLUSUR EN SUNT DUBLEZ EN TREIS,
LACENT LOR ELMES MULT BONS SARRAGUZEIS,
CEIGNENT ESPEES DE L ACER VIANEIS,
ESCUZ UNT GENZ ESPIEZ VALENTINEIS
E GUNFANUNS BLANCS E BLOIS E VERMEILZ,
LAISSENT LES MULS E TUZ LES PALEFREIZ,
ES DESTRERS MUNTENT ,SI CHEVALCHENT ESTREIZ. CLERS FUT LI
JURZ,E BELS FUT LI SOLEILZ, N UNT GUARNEMENT,QUE TUT NE
REFLAMBEIT,
SUNENT MIL GRAILLES,POR CO QUE PLUS BEL SEIT, GRANZ EST LA
NOISE,SI L OIRENT FRANCEIS. DIST OLIVER,@SIRE CUMPAINZ CE CREI,
DE SARRAZINS PURUM BATAILLE AVEIR.@
RESPONT ROLL,@E DEUS LA NUS OTREIT,
BEN DEVUNS CI ESTRE PUR NOSTRE REI,
PUR SUN SEIGNOR DEIT HOM SUSFRIR DESTREIZ E ENDURER E GRANZ
CHALZ E GRANZ FREIZ,
SIN DEIT HOM PERDRE E DEL QUIR E DEL PEIL. OR GUART
CHASCUNS,QUE GRANZ COLPS I EMPLEIT,
QUE MALVAISE CANCUN DE NUS CHANTET NE SEIT. PAIEN UNT TORT
,E CHRESTIENS UNT DREIT,
MALVAISE ESSAMPLE N EN SERAT JA DE MEI.@ AOI. OLIVER EST DESUR
UN PUI HALCUR,
GUARDET SU DESTRE PARMI UN VAL HERBUS,
SI VEIT VENIR CELE GENT PAIENUR,
SIN APELAT ROLL SUN CUMPAIGNUN,
@DEVERS ESPAIGNE VEI VENIR TEL BRUNUR
TANZ BLANCS OSBERCS TANZ ELMES FLAMBIUS, ICIST FERUNT NOS
FRANCEIS GRANT IRUR.
GUENES LE SOUT LI FEL LI TRAITUR,
KI NUS JUGAT DEVANT L EMPEREUR.@
@TAIS OLIVER,@LI QUENS ROLL RESPUNT,
@MIS PARRASTRE EST,NE VOEILL,QUE MOT EN SUNS.@ OLIVER EST
DESUR UN PUI MUNTET,
OR VEIT IL BEN D ESPAIGNE LE REGNET
E SARRAZINS,KI TANT SUNT ASEMBLEZ.
LUISENT CIL ELME,KI AD OR SUNT GEMMEZ,
E CIL ESCUZ E CIL OSBERCS SAFREZ
E CIL ESPIEZ CIL GUNFANUN FERMEZ,

SUL LES ESCHELES NE POET IL ACUNTER,
TANT EN I AD,QUE MESURE N EN SET.
E LUI MEISME EN EST MULT ESGUARET,
CUM IL EINZ POUT,DEL PUI EST AVALET,
VINT AS FRANCEIS,TUT LUR AD ACUNTET.
DIST OLIVER,@JO AI PAIENS VEUZ,
UNC MAIS NULS HOM EN TERE N EN VIT PLUS. CIL DEVANT SUNT C
MILIE AD ESCUZ
HELMES LACIEZ E BLANCS OSBERCS VESTUZ
DREITES CEZ HANSTES,LUISENT CIL ESPIET BRUN. BATAILLE
AVREZ,UNCHES MAIS TEL NE FUT.
SEIGNURS FRANCEIS DE DEU AIEZ VERTUT,
EL CHAMP ESTEZ,QUE NE SEIUM VENCUZ.@
DIENT FRANCEIS,@DEHET AIT,KI S EN FUIT.
JA PUR MURIR NE VUS EN FALDRAT UNS.@ AOI. DIST OLIVER,@PAIEN
UNT GRANT ESFORZ,
DE NOZ FRANCEIS M I SEMBLET AVEIR MULT POI. CUMPAIGN ROLL
KAR SUNEZ VOSTRE CORN.
SI L ORRAT CARLES,SI RETURNERAT L OST.@
RESPUNT ROLL,@JO FEREIE QUE FOLS,
EN DULCE FRANCE EN PERDREIE MUN LOS.
SEMPRES FERRAI DE DURENDAL GRANZ COLPS,
SANGLANT EN ERT LI BRANZ ENTRESQU A L OR. FELUN PAIEN MAR I
VINDRENT AS PORZ.
JO VOS PLEVIS,TUZ SUNT JUGEZ A MORT.@ AOI. @CUMPAINZ ROLL L
OLIFAN CAR SUNEZ.
SI L ORRAT CARLES,FERAT L OST RETURNER,
SUCCURRAT NOS LI REIS OD SUN BARNET.@
RESPONT ROLL,@NE PLACET DAMNEDEU,
QUE MI PARENT PUR MEI SEIENT BLASMET,
NE FRANCE DULCE JA CHEET EN VILTET.
EINZ I FERRAI DE DURENDAL ASEZ
MA BONE ESPEE,QUE AI CEINT AL COSTET,
TUT EN VERREZ LE BRANT ENSANGLENTET.
FELUN PAIEN MAR I SUNT ASEMBLEZ.
JO VOS PLEVIS,TUZ SUNT A MORT LIVREZ.@ AOI. @CUMPAINZ ROLL
SUNEZ VOSTRE OLIFAN,
SI L ORRAT CARLES,KI EST AS PORZ PASSANT. JE VOS PLEVIS,JA
RETURNERUNT FRANC.@
@NE PLACET DEU@,CO LI RESPUNT ROLLANT,
@QUE CO SEIT DIT DE NUL HUME VIVANT,
NE PUR PAIEN QUE JA SEIE CORNANT.
JA N EN AVRUNT REPROECE MI PARENT.
QUANT JO SERAI EN LA BATAILLE GRANT,
E JO FERRAI E MIL COLPS E VII CENZ,
DE DURENDAL VERREZ L ACER SANGLENT.
FRANCEIS SUNT BON,SI FERRUNT VASSALMENT, JA CIL D ESPAIGNE N
AVRUNT DE MORT GUARANT.@ DIST OLIVER,@D ICO NE SAI JO
BLASME,
JO AI VEUT LES SARRAZINS D ESPAIGNE,
CUVERZ EN SUNT LI VAL E LES MUNTAIGNES
E LI LARIZ E TRESTUTES LES PLAIGNES.
GRANZ SUNT LES OZ DE CELE GENT ESTRANGE, NUS I AVUM MULT
PETITE CUMPAIGNE.@
RESPUNT ROLL, [MIS TALENZ EN EST GRAIGNE, NE PLACET
DAMNEDEU NE SES ANGLES,
QUE JA PUR MEI PERDET SA VALUR FRANCE.
MELZ VOEILL MURIR,QUE HUNTAGE ME VENGET, PUR BEN FERIR L
EMPERERE PLUS NOS AIMET.@ ROLL EST PROZ,E OLIVER EST SAGE,
AMBEDUI UNT MEVEILLUS VASSELAGE.
PUIS QUE IL SUNT AS CHEVALS E AS ARMES,
JA PUR MURIR N ESCHIVERUNT BATAILLE,
BON SUNT LI CUNTE E LUR PAROLES HALTES.
FELUN PAIEN PAR GRANT IRUR CHEVALCHENT.
DIST OLIVER,@ROLL VEEZ EN ALQUES.
CIST NUS SUNT PRES,MAIS TROP NUS EST LOINZ CARLES. VOSTRE
OLIFAN SUNER VOS NEL DEIGNASTES,
FUST I LI REIS,N I OUSSUM DAMAGE.
GUARDEZ AMUNT DEVERS LES PORZ D ESPAIGNE. VEEIR POEZ
,DOLENTE EST LA REREGUARDE,
KI CESTE FAIT,JAMAIS N EN FERAT ALTRE.@
RESPUNT ROLLANT,@NE DITES TEL ULTRAGE.
MAL SEIT DEL COER,KI EL PIZ SE CUARDET.
NUS REMEINDRUM EN ESTAL EN LA PLACE,
PAR NOS I ERT E LI COLPS E LI CAPLES.@ AOI. QUANT ROLL VEIT,QUE
LA BATAILLE SERAT,
PLUS SE FAIT FIERS QUE LEON NE LEUPART.
FRANCEIS ESCRIET,OLIVER APELAT.
@SIRE CUMPAINZ AMIS NEL DIRE JA.
LI EMPERERE KI FRANCEIS NOS LAISAT,
ITELS XX MILIE EN MIST A UNE PART,
SUN ESCIENTRE N EN I OUT UN CUARD.
PUR SUN SEIGNUR DEIT HOM SUSFRIR GRANZ MALS E ENDURER E
FORZ FREIZ E GRANZ CHALZ,
SIN DEIT HOM PERDRE DEL SANC E DE LA CHAR. FIER DE LA LANCE E
JO DE DURENDAL
MA BONE ESPEE ,QUE LI REIS ME DUNAT.
SE JO I MOERC,DIRE POET,KI L AVRAT,
QUE ELE FUT A NOBLE VASSAL.@
D ALTRE PART EST LI ARCEVESQUES TURPIN,
SUN CHEVAL BROCHE,E MUNTET UN LARIZ,
FRANCEIS APELET,UN SERMUN LUR AD DIT.
@SEIGNURS BARUNS CARLES NUS LAISSAT CI,
PUR NOSTRE REI DEVUM NUS BEN MURIR.
CHRESTIENTET AIDEZ A SUSTENIR.
BATAILLE AVREZ ,VOS EN ESTES TUZ FIZ,
KAR A VOZ OILZ VEEZ LES SARRAZINS.
CLAMEZ VOS CULPES ,SI PREIEZ DEU MERCIT. ASOLDRAI VOS PUR VOZ
ANMES GUARIR.
SE VOS MUREZ,ESTEREZ SEINZ MARTIRS,
SIEGES AVREZ EL GREIGNOR PAREIS.@
FRANCEIS DECENDENT,A TERE SE SUNT MIS,
E L ARCEVESQUE DE DEU LES BENEIST,
PAR PENITENCE LES CUMANDET A FERIR.
FRANCEIS SE DRECENT ,SI SE METENT SUR PIEZ, BEN SUNT ASOLS E
QUITES DE LUR PECCHEZ,
E L ARCEVESQUE DE DEU LES AD SEIGNEZ.
PUIS SUNT MUNTEZ SUR LUR CURANZ DESTRERS, ADOBEZ SUNT A LEI
DE CHEVALERS,
E DE BATAILLE SUNT TUIT APAREILLEZ.
LI QUENS ROLL APELET OLIVER .
@SIRE CUMPAINZ MULT BEN LE SAVIEZ,
QUE GUENELUN NOS AD TUZ ESPIEZ.
PRIS EN AD OR E AVEIR E DENERS,
LI EMPERERE NOS DEVREIT BEN VENGER.
LI REIS MARSILIE DE NOS AD FAIT MARCHET, MAIS AS ESPEES L
ESTUVRAT ESLEGER.@ AOI. AS PORZ D ESPAIGNE EN EST PASSET ROLL
SUR VEILLANTIF SUN BON CHEVAL CURANT,
PORTET SES ARMES,MULT LI SUNT AVENANZ,
MAIS SUN ESPIET VAIT LI BERS PALMEIANT,
CUNTRE LE CIEL VAIT LA MURE TURNANT,
LACIET EN SUM UN GUNFANUN TUT BLANC,
LES LENGUES D OR LI BATENT JOSQU AS MAINS, CORS AD MULT GENT
LE VIS CLER E RIANT.
SUN CUMPAIGNUN APRES LE VAIT SIVANT,
E CIL DE FRANCE LE CLEIMENT A GUARANT.
VERS SARRAZINS REGUARDET FIEREMENT
E VERS FRANCEIS HUMELES E DULCEMENT,
SI LUR AD DIT UN MOT CURTEISEMENT.
@SEIGNURS BARONS SUEF LE PAS TENANT.
CIST PAIEN VONT GRANT MARTIRIE QUERANT.
ENCOI AVRUM UN ESCHEC BEL E GENT,
NULS REIS DE FRANCE N OUT UNKES SI VAILLANT[. A CEZ PAROLES
VUNT LES OZ AJUSTANT. AOI. DIST OLIVER,@N AI CURE DE PARLER.
VOSTRE OLIFAN NE DEIGNASTES SUNER,
NE DE CARLUN MIE VOS NEN AVEZ,
IL N EN SET MOT ,N I AD CULPES LI BERS,
CIL KI LA SUNT ,NE FUNT MIE A BLASMER.
KAR CHEVALCHEZ,A QUANQUE VOS PUEZ.
SEIGNORS BARUNS EL CAMP VOS RETENEZ.
PUR DEU VOS PRI,BEN SEIEZ PURPENSEZ
DE COLPS FERIR DE RECEIVRE E DE DUNER.
L ENSEIGNE CARLE N I DEVUM UBLIER.@
A ICEST MOT SUNT FRANCEIS ESCRIET.
KI DUNC OIST MUNJOIE DEMANDER,
DE VASSELAGE LI POUST REMEMBRER.
PUIS SI CHEVALCHENT DEUS PAR SI GRANT FIERTET, BROCHENT AD
AIT PUR LE PLUS TOST ALER,
SI VUNT FERIR,QUE FEREIENT IL EL$
E SARRAZINS NES UNT MIE DUTEZ.
FRANCS E PAIENS AS LES VUS AJUSTEZ.
LI NIES MARSILIE IL AD A NUM AELROTH,
TUT PREMEREINS CHEVALCHET DEVANT L OST.
DE NOZ FRANCEIS VAIT DISANT SI MALS MOZ. @FELUNS FRANCEIS
HOI JUSTEREZ AS NOZ,
TRAIT VOS AD,KI A GUARDER VOS OUT,
FOLS EST LI REIS,KI VOS LAISSAT AS PORZ. ENQUOI PERDRAT FRANCE
DULCE SUN LOS
CHARLES LI MAGNES LE DESTRE BRAZ DEL CORS.@ QUANT L OT
ROLL,DEUS SI GRANT DOEL EN OUT, SUN CHEVAL BROCHET,LAISET
CURRE A ESFORZ, VAIT LE FERIR LI QUENS,QUANQUE IL POUT.
L ESCUT LI FREINT,E L OSBERC LI DESCLOT, TRENCHET LE PIZ,SI LI
BRISET LES OS,
TUTE L ESCHINE LI DESEVRET DEL DOS,
OD SUN ESPIET L ANME LI GETET FORS,
ENPEINT LE BEN, FAIT LI BRANDIR LE CORS, PLEINE SA HANSTE DEL
CHEVAL L ABAT MORT, EN DOUS MEITIEZ LI AD BRISET LE COL,
NE LESERAT ,CO DIT ,QUE N I PAROLT.
@ULTRE CULVERT CARLES N EST MIE FOL,
NE TRAISUN UNKES AMER NE VOLT,
IL FIST QUE PROZ,QU IL NUS LAISAD AS PORZ, OI N EN PERDRAT
FRANCE DULCE SUN LOS.
FEREZ I FRANCS,NOSTRE EST LI PREMERS COLPS. NOS AVUM
DREIT,MAIS CIST GLUTUN UNT TORT.@ AOI. UN DUC I EST ,SI AD NUM
FALSARON.
ICIL ER FRERE AL REI MARSILIUN,
IL TINT LA TERE DATHAN E ABIRUN,
SUZ CEL NEN AT PLUS ENCRISME FELUN.
ENTRE LES DOUS OILZ MULT OUT LARGE LE FRONT, GRANT DEMI PIED
MESURER I POUT HOM.
ASEZ AD DOEL,QUANT VIT MORT SUN NEVOLD.
IST DE LA PRESE,SI SE MET EN BANDUN,
E S ESCRIET L ENSEIGNE PAIENOR,
ENVERS FRANCEIS EST MULT CUNTRARIUS.
@ENQUOI PERDRAT FRANCE DULCE S ONUR.@
OT LE OLIVER ,SIN AD MULT GRANT IRUR,
LE CHEVAL BROCHET DES ORIEZ ESPERUNS,
VAIT LE FERIR EN GUISE DE BARON,
L ESCUT LI FREINT,E L OSBERC LI DERUMPT, EL CORS LI MET LES PANS
DEL GUNFANUN,

PLEINE SA HANSTE L ABAT MORT DES ARCUNS. GUARDET A TERE
,VEIT GESIR LE GLUTUN,
SI LI AD DIT PAR MULT FIERE RAISON.
@DE VOZ MANACES CULVERT JO N AI ESSOIGN. FEREZ I FRANCS,KAR
TRESBEN LES VEINTRUM.@ MUNJOIE ESCRIET,CO EST L ENSEIGNE
CARLUN. AOI. UNS REIS I EST ,SI AD NUM CORSABLIX,
BARBARINS EST D UN ESTRANGE PAIS,
SI APELAD LES ALTRES SARRAZINS.
@CESTE BATAILLE BEN LA PUUM TENIR,
KAR DE FRANCEIS I AD ASEZ PETIT.
CELS KI CI SUNT,DEVUM AVEIR MULT VIL,
JA PUR CHARLES N I ERT UN SUL GUARIT.
OR EST LE JUR,QU ELS ESTUVRAT MURIR.@
BEN L ENTENDIT LI ARCEVESQUES TURPIN.
SUZ CIEL N AT HUME,QUE TANT VOEILLET HAIR, SUN CHEVAL
BROCHET DES ESPERUNS D OR FIN, PAR GRANT VERTUT SI L EST ALET
FERIR.
L ESCUT LI FREINST,L OSBERC LI DESCUMFIST, SUN GRANT ESPIET
PARMI LE CORS LI MIST,
EMPEINT LE BEN ,QUE MORT LE FAIT BRANDIR, PLEINE SA HANSTE L
ABAT MORT EL CHEMIN,
GUARDET ARERE,VEIT LE GLUTUN GESIR,
NE LAISSERAT,QUE N I PAROLT,CO DIT.
@CULVERT PAIEN VOS I AVEZ MENTIT,
CARLES MI SIRE NUS EST GUARANT TUZ DIS,
NOSTRE FRANCEIS N UNT TALENT DE FUIR,
VOZ CUMPAIGNUNS FERUNS TRESTUZ RESTIFS,
NUVELES VOS DI,MORT VOS ESTOET SUSFRIR.
FEREZ FRANCEIS,NUL DE VUS NE S UBLIT.
CIST PREMER COLP EST NOSTRE DEU MERCIT@. MUNJOIE ESCRIET POR
LE CAMP RETENIR.
E GERINS FIERT MALPRIMIS DE BRIGAL,
SIS BONS ESCUZ UN DENER NE LI VALT,
TUTE LI FREINT LA BUCLE DE CRISTAL,
L UNE MEITIET LI TURNET CUNTREVAL,
L OSBERC LI RUMPT ENTRESQUE A LA CHARN,
SUN BON ESPIET ENZ EL CORS LI ENBAT.
LI PAIENS CHET CUNTREVAL A UN QUAT,
L ANME DE LUI EN PORTET SATHANAS. AOI.
E SIS CUMPAINZ GERERS FIERT L AMURAFLE,
L ESCUT LI FREINT ,E L OSBERC LI DESMAILET, SUN BON ESPIET LI MET
EN LA CURAILLE,
EMPEINT LE BIEN,PARMI LE CORS LI PASSET, QUE MORT L ABAT EL
CAMP PLEINE SA HANSTE. DIST OLIVER,@GENTE EST NOSTRE
BATAILLE.@ SANSUN LI DUX IL VAIT FERIR L ALMACUR,
L ESCUT LI FREINST,KI EST A FLURS E AD OR, LI BONS OSBERCS NE LI
EST GUARANT PROD,
TRENCHET LI LE COER LE FIRIE E LE PULMUN, QUE L ABAT MORT,QUI
QU EN PEIST U QUI NUN. DIST L ARCEVESQUE,@CIST COLP EST DE
BARON.@ E ANSEIS LAISET LE CHEVAL CURRE,
SI VAIT FERIR TURGIS DE TURTELUSE,
L ESCUT LI FREINT DESUZ L OREE BUCLE,
DE SUN OSBERC LI DERUMPIT LES DUBLES,
DEL BON ESPIET EL CORS LI MET LA MURE,
EMPEINST LE BEN,TUT LE FER LI MIST ULTRE, PLEINE SA HANSTE EL
CAMP MORT LE TRESTURNET. CO DIST ROLL,@CIST COLP EST DE
PRODUME.@ ET ENGELERS LI GUASCUINZ DE BURDELE
SUN CHEVAL BROCHET ,SI LI LASCHET LA RESNE, SI VAIT FERIR
ESCREMIZ DE VALTERNE,
L ESCUT DEL COL LI FREINT ,E ESCANTELET, DE SUN OSBERC LI
RUMPIT LA VENTAILLE,
SIL FIERT EL PIZ ENTRE LES DOUS FURCELES. PLEINE SA HANSTE L
ABAT MORT DE LA SELE. APRES LI DIST,@TURNET ESTES A PERDRE.@
AOI. E GAULTER FIERT UN PAIEN ESTORGANS
SUR SUN ESCUT EN LA PENE DEVANT,
QUE TUT LI TRENCHET LE VERMEILL E LE BLANC, DE SUN OSBERC LI
AD RUMPUT LES PANS,
EL CORS LI MET SUN BON ESPIET TRENCHANT, QUE MORT L ABAT DE
SUN CHEVAL CURANT,
APRES LI DIST,@JA N I AVREZ GUARANT.@
E BERENGER IL FIERT ASTRAMARIZ,
L ESCUT LI FREINST ,L OSBERC LI DESCUMFIST, SUN FORT ESPIET
PARMI LE CORS LI MIST,
QUE MORT L ABAT ENTRE MIL SARRAZINS.
DES XII PERS LI X EN SUNT OCIS,
NE MES QUE DOUS N EN I AD REMES VIFS,
CO EST CHERNUBLES E LI QUENS MARGARIZ.
MARGARIZ EST MULT VAILLANT CHEVALERS
E BELS E FORZ E ISNELS E LEGERS,
LE CHEVAL BROCHET,VAIT FERIR OLIVER,
L ESCUT LI FREINT SUZ LA BUCLE D OR MER, LEZ LE COSTET LI
CONDUIST SUN ESPIET.
DEUS LE GUARIT,QU ELL CORS NE L AD TUCHET. LA HANSTE
FRUISSET,MIE N EN ABATIET,
ULTRE S EN VAIT,QU IL N I AD DESTURBER,
SUNET SUN GRESLE PUR LES SOENS RALIER.
LA BATAILLE EST MERVEILLUSE E CUMUNE,
LI QUENS ROLL MIE NE S ASOURET,
FIERT DE L ESPIET,TANT CUME HANSTE LI DURET, A XV COLS L AD
FRAITE E PERDUE,
TRAIT DURENDAL SA BONE ESPEE NUE,
SUN CHEVAL BROCHET,SI VAIT FERIR CHERNUBLE, L ELME LI
FREINT,U LI CARBUNCLE LUISENT, TRENCHET LA COIFE E LA
CHEVELEURE,
SI LI TRENCHAT LES OILZ E LA FAITURE
LE BLANC OSBERC,DUNT LA MAILE EST MENUE, E TUT LE CORS
TRESQU EN LA FURCHEURE.
ENZ EN LA SELE KI EST A OR BATUE,
EL CHEVAL EST L ESPEE ARESTEUE,
TRENCHET L ESCHINE,HUNC N I OUT QUIS JOINTURE, TUT ABAT MORT
EL PRED SUR L ERBE DRUE,
APRES LI DIST,@CULVERT MAR I MOUSTES,
DE MAHUMET JA N I AVREZ AIUDE,
PAR TEL GLUTUN N ERT BATAILLE OI VENCUE.@ LI QUENS ROLL
PARMI LE CHAMP CHEVALCHET, TIENT DURENDAL ,KI BEN
TRENCHET,E TAILLET, DES SARRAZINS LUR FAIT MULT GRANT
DAMAGE. KI LUI VEIST L UN GETER MORT SUR L ALTRE LI SANC TUZ
CLERS GESIR PAR CELE PLACE.
SANGLANT EN AD E L OSBERC E LA BRACE
SUN BON CHEVAL LE COL E LES ESPALLES.
E OLIVER DE FERIR NE SE TARGET,
LI XII PER N EN DEIVENT AVEIR BLASME.
E LI FRANCEIS I FIERENT, SI CAPLENT,
MOERENT PAIEN, E ALQUANZ EN I PASMENT.
DIST L ARCEVESQUE, [BEN AIT NOSTRE BARNAGE[. MUNJOIE
ESCRIET,CO EST L ENSEIGNE CARLE. AOI. E OLIVER CHEVALCHET PAR
L ESTOR,
SA HANSTE EST FRAIT,N EN AD QUE UN TRUNCUN, E VAIT FERIR UN
PAIEN MALUN,
L ESCUT LI FREINT,KI EST AD OR E A FLUR, FORS DE LA TESTE LI MET
LES OILZ ANSDOUS, E LA CERVELE LI CHET AS PIEZ DESUZ.
MORT LE TRESTURNET OD TUT VII C DES LUR, POIS AD OCIS TURGIS E
ESTURGUZ,
LA HANSTE BRISET ,E ESCLICET JOSQU AS POINZ. CO DIST
ROLL,@CUMPAINZ QUE FAITES VOS$
EN TEL BATAILLE N AI CURE DE BASTUN,
FERS E ACERS I DEIT AVEIR VALOR.
U EST VOSTRE ESPEE ,KI HALTECLERE AD NUM$ D OR EST LI HELZ E DE
CRISTAL LI PUNZ.@
@NE LA POI TRAIRE,@OLIVER LI RESPUNT,
@KAR DE FERIR OI JO SI GRANT BOSOIGN.@ AOI. DANZ OLIVER TRAIT
AD SA BONE ESPEE,
QUE SES CUMPAINZ ROLL LI AD TANT DEMANDEE, E IL L I AD CUM
CEVALER MUSTREE,
FIERT UN PAIEN JUSTIN DE VALFERREE,
TUTE LA TESTE LI AD PAR MI SEVREE,
TRENCHET LE CORS E LA BRONIE SAFREE
LA BONE SELE,KI A OR EST GEMMEE,
E AL CEVAL A L ESCHINE TRENCHEE,
TUT ABAT MORT DEVANT LOI EN LA PREE.
CO DIST ROLL,@VOS RECONOIS JO FRERE.
POR ITELS COLPS NOS EIMET LI EMPERERE.@
DE TUTES PARZ EST MUNJOIE ESCRIEE. AOI.
LI QUENS GERINS SET EL CEVAL SOREL
E SIS CUMPAINZ GERERS EN PASSECERF,
LASCHENT LOR REISNES,BROCHENT AMDUI A AIT, E VUNT FERIR UN
PAIEN TIMOZEL
L UN EN L ESCUT E LI ALTRE EN L OSBERC,
LUR DOUS ESPIEZ ENZ EL CORS LI UNT FRAIT, MORT LE TRESTURNENT
TRES ENMI UN GUARET. NE L OI DIRE ,NE JO MIE NEL SAI,
LI QUELS D ELS DOUS EN FUT LI PLUS ISNELS. ESPERVERES ICIL FUT
FILZ BUREL,
CELUI OCIST ENGELERS DE BURDEL.
E L ARCEVESQUE LOR OCIST SIGLOREL
L ENCANTEUR,KI JA FUT EN ENFER,
PAR ARTIMAL L I CUNDOIST JUPITER.
CO DIST TURPIN,@ICIST NOS ERT FORSFAIT.@ RESPUNT ROLL,@VENCUT
EST LE CULVERT.
OLIVER FRERE ITELS COLPS ME SUNT BEL.@
LA BATAILLE EST ADUREE ENDEMENTRES,
FRANC E PAIEN MERVEILUS COLPS I RENDENT, FIERENT LI UN,LI
ALTRE SE DEFENDENT.
TANTE HANSTE I AD E FRAITE E SANGLENTE
TANT GUNFANUN RUMPU E TANT ENSEIGNE.
TANT BON FRANCEIS I PERDENT LOR JUVENTE. NE REVERRUNT LOR
MERES NE LOR FEMMES
NE CELS DE FRANCE,KI AS PORZ LES ATENDENT. AOI. KARLES LI
MAGNES EN PLURET,SI SE DEMENTE. DE CO QUI CALT$ NEN AVRUNT
SUCURANCE.
MALVAIS SERVISE LE JUR LI RENDIT GUENES, QU EN SARRAGUCE SA
MAISNEE ALAT VENDRE.
PUIS EN PERDIT E SA VIE E SES MEMBRES.
EL PLAIT AD AIS EN FUT JUGET A PRENDRE,
DE SES PARENZ ENSEMBL OD LUI TELS TRENTE KI DE MURIR NEN
OURENT ESPERANCE. AOI.
LA BATAILLE EST MERVEILLUSE E PESANT,
MULT BEN I FIERT OLIVER E ROLLANT,
LI ARCEVESQUES PLUS DE MIL COLPS I RENT, LI XII PER NE S EN
TARGENT NIENT,
E LI FRANCEIS I FIERENT CUMUNEMENT.
MOERENT PAIEN A MILLERS E A CENT.
KI NE S EN FUIT,DE MORT N I AD GUARENT,
VOILLET O NUN ,TUT I LAISSET SUN TENS.
FRANCEIS I PERDENT LOR MEILLORS GUARNEMENZ, NE REVERRUNT
LOR PERS NE LOR PARENZ
NE CARLEMAGNE,KI AS PORZ LES ATENT.
EN FRANCE EN AD MULT MERVEILLUS TURMENT, OREZ I AD DE
TUNEIRE E DE VENT
PLUIES E GRESILZ DESMESUREEMENT,
CHIEDENT I FUILDRES E MENUT E SUVENT,
E TERREMOETE CO I AD VEIREMENT.
DE SEINT MICHEL DEL PERIL JOSQU AS SEINZ DES BESENCUN TRESQU
AS PORZ DE GUITSAND
NEN AD RECET DUNT DEL MUR NE CRAVENT.
CUNTRE MIDI TENEBRES I AD GRANZ,
N I AD CLARTET, SE LI CIELS NEN I FENT,
HUME NEL VEIT,KI MULT NE S ESPAENT.
DIENT PLUSOR,@CO EST LI DEFINEMENT
LA FIN DEL SECLE,KI NUS EST EN PRESENT.@ IL NEL SEVENT,NE DIENT
VEIR NIENT.
CO EST LI GRANZ DULORS POR LA MORT DE ROLL. FRANCEIS I UNT
FERUT DE COER E DE VIGUR, PAIEN SUNT MORZ A MILLERS E A FULS,
DE CENT MILLERS N EN POENT GUARIR DOUS.
DIST L ARCEVESQUES,@NOSTRE HUME SUNT MULT PROZ. SUZ CIEL N
AD HOME,PLUS EN AIT DE MEILLORS. IL EST ESCRIT EN LA GESTE
FRANCOR,
QUE VASSALS AD LI NOSTRE EMPEREUR.@
VUNT PAR LE CAMP,SI REQUERENT LES LOR,
PLURENT DES OILZ DE DOEL E DE TENDRUR
POR LOR PARENZ PAR COER E PAR AMOR.
LI REIS MARSILIE OD SA GRANT OST LOR SURT.AOI. MARSILIE VIENT
PAR MI UNE VALEE
OD SA GRANT OST,QUE IL OUT ASEMBLEE,
XX ESCHELES AD LI REIS ANUMBREES,
LUISENT CIL ELME AS PERRES D OR GEMMEES
E CIL ESCUZ E CEZ BRONIES SAFFREES.
VII MILIE GRAISLES I SUNENT LA MENEE,
GRANT EST LA NOISE PAR TUTE LA CONTREE.
CO DIST ROLL,@OLIVER COMPAIGN FRERE
GUENES LI FELS AD NOSTRE MORT JUREE,
LA TRAISUN NE POET ESTRE CELEE.
MULT GRANT VENJANCE EN PRENDRAT L EMPERERE. BATAILLE
AVRUM E FORTE E ADUREE,
UNCHES MAIS HOM TEL NE VIT AJUSTEE.
JO I FERRAI DE DURENDAL M ESPEE,
E VOS COMPAINZ FERREZ DE HALTECLERE.
EN TANZ LIUS LES AVUM NOS PORTEES,
TANTES BATAILLES EN AVUM AFINEES.
MALE CHANCUN N EN DEIT ESTRE CANTEE.@ AOI. MARSILIES VEIT DE
SA GENT LE MARTIRIE,
SI FAIT SUNER SES CORS E SES BUISINES,
PUIS SI CHEVALCHET OD SA GRANT OST BANIE. DEVANT
CHEVALCHET UN SARRAZIN ABISME,
PLUS FEL DE LUI N OUT EN SA CUMPAGNIE,
TECHES AD MALES E MULT GRANZ FELONIES,
NE CREIT EN DEU LE FILZ SEINTE MARIE,
ISSI EST NEIRS CUME PEIZ,KI EST DEMISE.
PLUS AIMET IL TRAISUN E MURDRIE,
QUE IL NE FESIST TRESTUT L OR DE GALICE, UNCHES NULS HOM NEL
VIT JUER NE RIRE,
VASSELAGE AD E MOLT GRANT ESTULTIE,
POR CO EST DRUD AL FELUN REI MARSILIE,
SUN DRAGUN PORTET ,A QUI SA GENT S ALIENT. LI ARCEVESQUE NE L
AMERAT JA MIE,
CUM IL LE VIT ,A FERIR LE DESIRET,
MULT QUIEMENT LE DIT A SEI MEISME.
@CEL SARRAZINS ME SEMBLET MULT HERITE,
MIELZ EST MULT ,QUE JO L ALGE OCIRE.
UNCHES N AMAI CUARD NE CUARDIE.@ AOI.
LI ARCEVESQUE CUMENCET LA BATAILLE,
SIET EL CHEVAL,QU IL TOLIT A GROSSAILLE, CO ERT UNS REIS,QU IL
OCIST EN DENEMARCHE. LI DESTRERS EST E CURANZ E AATES,
PIEZ AD COPIEZ,E LES GAMBES AD PLATES
CURTE LA QUISSE E LA CRUPE BIEN LARGE
LUNGS LES COSTEZ,E L ESCHINE AD BEN HALTE BLANCHE LA CUE E
LA CRIGNETE JALNE
PETITES LES OREILLES LA TESTE TUTE FALVE, BESTE NEN EST NULE,KI
ENCONTRE LUI ALGE. LI ARCEVESQUE BROCHET PAR TANT GRANT
VASSELAGE, NE LAISSERAT,QU ABISME NEN ASAILLET,
VAIT LE FERIR EN L ESCUT A MIRACLE.
PIERRES I AD AMETISTES E TOPAZES
ESTERMINALS E CARBUNCLES,KI ARDENT,
EN VAL METAS LI DUNAT UNS DIABLES,
SI LI TRAMIST LI AMIRALZ GALAFES.
TURPINS I FIERT ,KI NIENT NE L ESPARIGNET, ENPRES SUN COLP NE
QUID ,QUE UN DENER VAILLET, LE CORS LI TRENCHET TRES L UN
COSTET QU A L ALTRE, QUE MORT L ABAT EN UNE VOIDE PLACE.
DIENT FRANCEIS,@CI AD GRANT VASSELAGE,
EN L ARCEVESQUE EST BEN LA CROCE SALVE.@ FRANCEIS VEIENT,QUE
PAIENS I AD TANT,
DE TUTES PARZ EN SUNT CUVERT LI CAMP,
SUVENT REGRETENT OLIVER E ROLL
LES XII PERS,QU IL LOR SEIENT GUARANT.
E L ARCEVESQUE LUR DIST DE SUN SEMBLANT. @SEIGNORS BARONS
NEN ALEZ MESPENSANT.
PUR DEU VOS PRI,QUE NE SEIEZ FUIANT,
QUE NULS PROZDOM MALVAISEMENT N EN CHANT, ASEZ EST
MIELZ,QUE MOERJUM CUMBATANT,
PRAMIS NUS EST,FIN PRENDRUM A ITANT,
ULTRE CEST JURN NE SERUM PLUS VIVANT.
MAIS D UNE CHOSE VOS SOI JO BEN GUARANT. SEINT PAREIS VOS EST
ABANDUNANT,
AS INNOCENZ VOS EN SEREZ SEANT.@
A ICEST MOT SI S ESBALDISSENT FRANC.
CEL NEN I AD ,MUNJOIE NE DEMANT. AOI.
UN SARRAZIN I OUT DE SARRAGUCE,
DE LA CITET L UNE MEITET EST SUE,
CO EST CLIMBORINS,KI PAS NE FUT PRODUME. FIANCE PRIST DE
GUENELUN LE CUNTE,
PAR AMISTIET L EN BAISAT EN LA BUCHE,
SI L EN DUNAT SUN HELME E S ESCARBUNCLE. TERE MAJOR CO DIT
,METRAT A HUNTE,
A L EMPERERE SI TOLDRAT LA CURONE.
SIET EL CEVAL,QU IL CLEIMET BARBAMUSCHE, PLUS EST ISNELS QUE
ESPREVER NE ARUNDE,
BROCHET LE BIEN,LE FREIN LI ABANDUNET,
SI VAIT FERIR ENGELER DE GUASCOIGNE.
NEL POET GUARIR SUN ESCUT NE SA BRONIE,
DE SUN ESPIET EL CORS LI MET LA MURE,
EMPEINT LE BEN ,TUT LE FER LI MIST ULTRE, PLEINE SA HANSTE EL
CAMP MORT LE TRESTURNET. APRES ESCRIET,@CIST SUNT BON A
CUNFUNDRE, FEREZ PAIEN PUR LA PRESSE DERUMPRE.@
DIENT FRANCEIS,@DEUS QUEL DOEL DE PRODOME.@ AOI. LI QUENS
ROLL EN APELET OLIVER.
@SIRE CUMPAINZ JA EST MORZ ENGELER,
NUS N AVIUM PLUS VAILLANT CHEVALER.@
RESPONT LI QUENS,@DEUS LE ME DOINST VENGER.@ SUN CHEVAL
BROCHET DES ESPERUNS D OR MIER, TIENT HALTECLERE,SANGLENT
EN EST L ACER, PAR GRANT VERTUT VAIT FERIR LE PAIEN.
BRANDIST SUN COLP,E LI SARRAZINS CHIET,
L ANME DE LUI EN PORTENT AVERSERS.
PUIS AD OCIS LE DUC ALPHAIEN,
ESCABABI I AD LE CHEF TRENCHET,
VII ARRABIZ I AD DESCHEVALCET,
CIL NE SUNT PROZ JA MAIS PUR GUERREIER.
CO DIST ROLL,@MIS CUMPAINZ EST IREZ,
ENCUNTRE MEI FAIT ASEZ A PREISER,
PUR ITELS COLPS NOS AD CHARLES PLUS CHER.@ A VOIZ
ESCRIET,@FEREZ I CHEVALER.@ AOI.
D ALTRE PART EST UN PAIEN VALDABRUN,
CELOI LEVAT LE REI MARSILIUN,
SIRE EST PAR MER DE IIII C DRODMUNZ,
N I AD ESCHIPRE,QUIS CLEIM SE PAR LOI NUN, JERUSALEM PRIST JA
PAR TRAISUN,
SI VIOLAT LE TEMPLE SALOMON,
LE PATRIARCHE OCIST DEVANT LES FUNZ,
CIL OT FIANCE DEL CUNTE GUENELON,
IL LI DUNAT S ESPEE E MIL MANGUNS.
SIET EL CHEVAL,QU IL CLEIMET GRAMIMUND,
PLUS EST ISNELS,QUE NEN EST UNS FALCUNS, BROCHET LE BIEN DES
AGUZ ESPERUNS,
SI VAIT FERIR LI RICHE DUC SANSUN,
L ESCUT LI FREINT,E L OSBERC LI DERUMPT, EL CORS LI MET LES PANS
DEL GUNFANUN,
PLEINE SA HANSTE L ABAT MORT DES ARCUNS. @FEREZ PAIEN,CAR
TRESBEN LES VEINTRUM.@
DIENT FRANCEIS,@DEUS QUEL DOEL DE BARON.@ AOI. LI QUENS ROLL
QUANT IL VEIT SANSUN MORT, PODEZ SAVEIR,QUE MULT GRANT
DOEL EN OUT. SUN CEVAL BROCHET,SI LI CURT AD ESFORZ,
TIENT DURENDAL,QUI PLUS VALT QUE FIN OR. VAIT LE FERIR LI
BERS,QUANQUE IL POUT
DESUR SUN ELME,KI GEMMET FUT AD OR.
TRENCHET LA TESTE E LA BRONIE E LE CORS
LA BONE SELE,KI EST GEMMET AD OR,
E AL CHEVAL PARFUNDEMENT LE DOS.
AMBURE OCIT ,KI QUEL BLASME ,NE QUIL LOT. DIENT PAIENT,@CIST
COLP NUS EST MULT FORT.@ RESPONT ROLL,@NE POIS AMER LES VOZ,
DEVERS VOS EST LI ORGUILZ E LI TORZ.@ AOI. D AFFRIKE I AD UN
AFFRICAN VENUT,
CO EST MALQUIANT LE FILZ AL REI MALCUID. SI GUARNEMENT SUNT
TUT A OR BATUD,
CUNTRE LE CIEL SUR TUZ LES ALTRES LUIST, SIET EL CEVAL,QU IL
CLEIMET SALTPERDUT,
BESTE NEN EST,KI POISSET CURRE A LUI.
IL VAIT FERIR ANSEIS EN L ESCUT,
TUT LI TRENCHAT LE VERMEILL E L AZUR,
DE SUN OSBERC LI AD LES PANS RUMPUT,
EL CORS LI MET E LE FER E LE FUST,
MORZ EST LI QUENS,DE SUN TENS N I AD PLUS. DIENT
FRANCEIS,@BARUN TANT MARE FUS.@
PAR LE CAMP VAIT TURPIN LI ARCEVESQUE,
TEL CORONET NE CHANTAT UNCHES MESSE,
KI DE SUN CORS FEIST TANTES PROECCES.
DIST AL PAIEN,@DEUS TUT MAL TE TRAMETTE. TEL AS OCIS,DUNT AL
COER ME REGRETTE.@
SUN BON CEVAL I AD FAIT ESDEMETRE,
SI L AD FERUT SUR L ESCUT DE TULETTE,
QUE MORT L ABAT DESUR L HERBE VERTE.
DE L ALTRE PART EST UN PAIEN GRANDONIES
FILZ CAPUEL LE REI DE CAPADOCE.
SIET EL CHEVAL,QUE IL CLEIMET MARMORIE,
PLUS EST ISNELS,QUE N EST OISEL,KI VOLET, LASCHET LA RESNE,DES
ESPERUNS LE BROCHET, SI VAIT FERIR GERIN PAR SA GRANT FORCE.
L ESCUT VERMEILL LI FREINT,DE COL LI PORTET, APROF LI AD SA
BRONIE DESCLOSE,
EL CORS LI MET TUTE L ENSEINGNE BLOIE,
QUE MORT L ABAT EN UNE HALTE ROCHE.
SUN CUMPAIGNUN GERERS OCIT UNCORE
E BERENGER E GUIUN DE SEINT ANTONIE.
PUIS VAIT FERIR UN RICHE DUC AUSTORIE,
KI TINT VALENCE E ENVERS SUR LE ROSNE.
IL L ABAT MORT,PAIEN EN UNT GRANT JOIE.
DIENT FRANCEIS,@MULT DECHEENT LI NOSTRE.@ LI QUENS ROLL TINT
S ESPEE SANGLENTE.
BEN AD OIT,QUE FRANCEIS SE DEMENTENT,
SI GRANT DOEL AD,QUE PAR MI QUIET FENDRE. DIST AL PAIEN,@DEUS
TUT MAL TE CONSENTE. TEL AS OCIS,QUE MULT CHER TE QUID
VENDRE.@ SUN CEVAL BROCHET,KI DEL CURRE CUNTENCE, KI QUEL
CUMPERT,VENUZ EN SUNT ENSEMBLE.
GRANDONIE FUT E PROZDOM E VAILLANT
E VERTUUS E VASSAL CUMBATANT,
ENMI SA VEIE AD ENCUNTRET ROLL.
ENCEIS NEL VIT, SIL RECUNUT VEIREMENT
AL FIER VISAGE E AL CORS,QU IL OUT GENT
E AL REGUART E AL CONTENEMENT.
NE POET MUER,QU IL NE S EN ESPOENT,
FUIR S EN VOEL,MAIS NE LI VALT NIENT.
LI QUENS LE FIERT TANT VERTUUSEMENT,
TRESQU AL NASEL TUT LE ELME LI FENT,
TRENCHET LE NES E LA BUCHE E LES DENZ
TRESTUT LE CORS E L OSBERC JAZERENC
DE L OREE SELE LES DOUS ALVES D ARGENT
E AL CEVAL LE DOS PARFUNDEMENT.
AMBURE OCIST SEINZ NUL RECOEVREMENT,
E CIL D ESPAIGNE S EN CLEIMENT TUIT DOLENT. DIENT
FRANCEIS,@BEN FIERT NOSTRE GUARENT.@ LA BATAILLE EST E
MERVEILLOSE E GRANT,
FRANCEIS I FERENT DES ESPIEZ BRUNISANT.
LA VEISSEZ SI GRANT DULOR DE GENT
TANT HUME MORT E NASFRET E SANGLENT.
L UN GIST SUR L ALTRE E ENVERS E ADENZ,
LI SARRAZIN NEL POENT SUSFRIR TANT,
VOELENT U NUN ,SI GUERPISSENT LE CAMP,
PAR VIVE FORCE LES ENCALCERENT FRANC. AOI. LA BATAILLE EST
MERVEILLUSE E HASTIVE,
FRANCEIS I FERENT PAR VIGUR E PAR IRE,
TRENCHENT CEZ POINZ CEZ COSTEZ CEZ ESCHINES CEZ VESTEMENZ
ENTRESQUE AS CHARS VIVES,
SUR L ERBE VERTE LI CLER SANCS S EN AFILET. LACUNA,
@TERE MAJOR MAHUMET TE MALDIE,
SUR TUTE GENT EST LA TUE HARDIE.@
CEL NEN I AD ,KI NE CRIET,@MARSILIE.
CEVALCHE REI, BOSUIGN AVUM D AIE.@
LI QUENS ROLL APELET OLIVER,
@SIRE CUMPAIGN SEL VOLEZ OTRIER,
LI ARCEVESQUE EST MULT BON CHEVALER,
N EN AD MEILLOR EN TERE NE SUZ CEL,
BEN SET FERIR E DE LANCE E D ESPIET.@
RESPUNT LI QUENS,@KAR LI ALUNS AIDER.@
A ICEST MOT L UNT FRANCS RECUMENCET.
DUR SUNT LI COLPS,E LI CAPLES EST GREFS, MULT GRANT DULOR I AD
DE CHRESTIENS.
KI PUIS VEIST ROLL E OLIVER
DE LUR ESPEES E FERIR E CAPLER.
LI ARCEVESQUE I FIERT DE SUN ESPIET,
CELS QU IL UNT MORT,BEN LES POET HOM PRISER, IL EST ESCRIT ES
CARTRES E ES BREFS,
CO DIT LA GESTE,PLUS DE IIII MILLIERS.
AS QUATRE TURS LOR EST AVENUT BEN,
LI QUINT APRES LOR EST PESANT E GREF.
TUZ SUNT OCIS CIST FRANCEIS CHEVALERS
NE MES SEISANTE,QUE DEUS I AD ESPARNIEZ. EINZ QUE IL
MOERGENT,SE VENDRUNT MULT CHER. AOI. LI QUENS ROLL DES
SOENS I VEIT GRANT PERTE. SUN CUMPAIGNUN OLIVER EN APELET.
@BEL SIRE CHERS CUMPAINZ POR DEU QUE VOS EN HAITET$ TANZ
BONS VASSALS VEEZ GESIR PAR TERE,
PLEINDRE POUMS FRANCE DULCE LA BELE.
DE TELS BARONS CUM OR REMEINT DESERTE.
E REIS AMIS QUE VOS ICI NEN ESTES.
OLIVER FRERE CUM LE PURRUM NUS FAIRE,
CUMFAITEMENT LI MANDERUM NUVELES$@
DIST OLIVER,@JO NEL SAI CUMENT QUERE.
MIELZ VOEILL MURIR,QUE HUNTE NUS SEIT RETRAITE.@ AOI. CO DIST
ROLL,@CORNERAI L OLIFANT,
SI L ORRAT CARLES,KI EST AS PORZ PASSANT, JO VOS PLEVIS ,JA
RETURNERUNT FRANC.@
DIST OLIVER,@VERGOIGNE SEREIT GRANT
E REPROVER A TRESTUZ VOZ PARENZ,
ICESTE HUNTE DUREIT AL LUR VIVANT.
QUANT JEL VOS DIS,N EN FEISTES NIENT,
MAIS NEL FEREZ PAR LE MEN LOEMENT.
SE VOS CORNEZ,N ERT MIE HARDEMENT.
JA AVEZ VOS AMBSDOUS LES BRAZ SANGLANZ.@ RESPONT LI
QUENS,@COLPS I AI FAIT MULT GENZ.@ AOI. CO DIT ROLL,@FORZ EST
NOSTRE BATAILLE.
JO CORNERAI,SI L ORRAT LI REIS KARLES.@
DIST OLIVER,@NE SEREIT VASSELAGE,
QUANT JEL VOS DIS CUMPAINZ,VOS NE DEIGNASTES, S I FUST LI REIS,N
I OUSUM DAMAGE.
CIL KI LA SUNT,N EN DEIVENT AVEIR BLASME.@ DIST OLIVER,@PAR
CESTE MEIE BARBE
SE PUIS VEEIR MA GENTE SORUR ALDE,
NE JERREIEZ JA MAIS ENTRE SA BRACE.@ AOI. CO DIST ROLL,@POR
QUEI ME PORTEZ IRE$@
E IL RESPONT,@CUMPAINZ VOS LE FEISTES,
KAR VASSELAGE PAR SENS NEN EST FOLIE,
MIELZ VALT MESURE,QUE NE FAIT ESTULTIE.
FRANCEIS SUNT MORZ PAR VOSTRE LEGERIE,
JAMAIS KARLON DE NUS N AVRAT SERVISE.
SEM CREISEZ,VENUZ I FUST MI SIRE,
CESTE BATAILLE OUSUM FAITE U PRISE,
U PRIS U MORT I FUST LI REIS MARSILIE.
VOSTRE PROECCE ROLL MAR LA VEIMES,
KARLES LI MAGNES DE NOS N AVRAT AIE.
N ERT MAIS TEL HOME DES QU A DEU JUISE.
VOS I MURREZ,E FRANCE EN ERT HUNIE.
OI NUS DEFALT LA LEIAL COMPAIGNIE,
EINZ LE VESPRE MULT ERT GREF LA DEPARTIE@. AOI. LI ARCEVES LES
OT CUNTRARIER,
LE CHEVAL BROCHET DES ESPERUNS D OR MER, VINT TRESQU A
ELS,SIS PRIST A CASTIER.
@SIRE ROLL E VOS SIRE OLIVER
PUR DEU VOS PRI,NE VOS CUNTRALIEZ.
JA LI CORNERS NE NOS AVREIT MESTER,
MAIS NEPURQUANT SI EST IL ASEZ MELZ.
VENGET LI REIS,SI NUS PURRAT VENGER.
JA CIL D ESPAIGNE NE S EN DEIVENT TURNER LIEZ. NOSTRE FRANCEIS
I DESCENDRUNT A PIED,
TRUVERUNT NOS E MORZ E DETRENCHEZ,
LEVERUNT NOS EN BIERES SUR SUMERS,
SI NUS PLURRUNT DE DOEL E DE PITET,
ENFUERUNT EN AITRES DE MUSTERS,
N EN MANGERUNT NE LU NE PORC NE CHEN.@
RESPUNT ROLL,@SIRE MULT DITES BIEN,@ AOI. ROLL AD MIS L OLIFAN
A SA BUCHE,
EMPEINT LE BEN,PAR GRANT VERTUT LE SUNET. HALT SUNT LI PUI,E
LA VOIZ EST MULT LUNGE, GRANZ XXX LIWES L OIRENT IL
RESPUNDRE.
KARLES L OIT E SES CUMPAIGNES TUTES.
CO DIT LI REIS,@BATAILLE FUNT NOSTRE HUME.@ E GUENELUN LI
RESPUNDIT ENCUNTRE.
@S ALTRE LE DESIST,JA SEMBLAST GRANT MENCUNGE,@ AOI. LI
QUENS ROLL PAR PEINE E PAR AHANS
PAR GRANT DULOR SUNET SUN OLIFAN.
PARMI LA BUCHE EN SALT FORS LI CLER SANCS, DE SUN CERVEL LE
TEMPLE EN EST RUMPANT.
DEL CORN QU IL TIENT,L OIE EN EST MULT GRANT. KARLES L
ENTENT,KI EST AS PORZ PASSANT,
NAIMES LI DUC L OID,SI L ESCULTENT LI FRANC. CE DIST LI REIS,@JO OI
LE CORN ROLL.
UNC NEL SUNAST,SE NE FUST CUMBATANT.@
GUENES RESPUNT,@DE BATAILLE EST NIENT.
JA ESTES VEILZ E FLURIZ E BLANCS,
PAR TELS PAROLES VUS RESEMBLEZ ENFANT,
ASEZ SAVEZ LE GRANT ORGOILL ROLLANT,
CO EST MERVEILLE ,QUE DEUS LE SOEFRET TANT. JA PRIST IL NOPLES
SEINZ LE VOSTRE COMANT, FORS S EN EISSIRENT LI SARRAZINS
DEDENZ, SIS CUMBATIRENT AL BON VASSAL ROLL,
PUIS OD LES EWES LAVAT LES PREZ DEL SANC, PUR CEL LE FIST ,NE
FUST APARISSANT.
PUR UN SUL LEVRE VAT TUTE JUR CORNANT,
DEVANT SES PERS VAIT IL ORE GABANT.
SUZ CEL N AD GENT,KI L OSAST QUERRE EN CHAMP.

CAR CHEVALCEZ,PUR QU ALEZ ARESTANT$
TERE MAJOR MULT EST LOINZ CA DEVANT,@ AOI. LI QUENS ROLL AD
LA BUCHE SANGLENTE,
DE SUN CERVEL RUMPUT EN EST LI TEMPLES,
L OLIFAN SUNET A DULOR E A PEINE.
KARLES L OIT ,E SES FRANCEIS L ENTENDENT, CO DIST LI REIS,@CEL
CORN AD LUNGE ALEINE.@ RESPONT DUX NEIMES,@BARON I FAIT LA
PEINE. BATAILLE I AD PAR LE MEN ESCIENTRE,
CIL L AT TRAIT,KI VOS EN ROEVET FEINDRE. ADUBEZ VOS,SI CRIEZ
VOSTRE ENSEIGNE,
SI SUCUREZ VOSTRE MAISNEE GENTE.
ASEZ OEZ,QUE ROLL SE DEMENTET.@
LI EMPERERES AD FAIT SUNER SES CORNS.
FRANCEIS DESCENDENT ,SI ADUBENT LOR CORS D OSBERCS E DE
HELMES E D ESPEES A OR.
ESCUZ UNT GENZ E ESPIEZ GRANZ E FORZ
E GUNFANUNS BLANCS E VERMEILZ E BLOIS,
ES DESTRERS MUNTENT TUIT LI BARUN DE L OST, BROCHENT AD AIT
,TANT CUM DURENT LI PORT. N I AD CELOI ,A L ALTRE NE PAROLT.
@SE VEISSUM ROLL,EINZ QU IL FUST MORT,
ENSEMBL OD LUI I DURRIUMS GRANZ COLPS.@
DE CO QUI CALT$ CAR DEMURET I UNT TROP.
ESCLARGIZ EST LI VESPRES E LI JURZ.
CUNTRE LE SOLEIL RELUISENT CIL ADUB,
OSBERCS E HELMES I GETENT GRANT FLAMBUR
E CIL ESCUZ,KI BEN SUNT PEINZ A FLURS,
ET CIL ESPIEZ CIL ORET GUNFANUN.
LI EMPERERES CEVALCHET PAR IRUR
E LI FRANCEIS DOLENZ ET CURUCUS.
N I AD CELOI,KI DUREMENT NE PLURT,
E DE ROLL SUNT EN GRANT POUR.

LI REIS FAIT PRENDRE LE CUNTE GUENELUN,
SIL CUMANDAT AS COUS DE SA MAISUN,
TUT LI PLUS MAISTRE EN APELET BESGUN.
@BEN LE ME GUARDE SI CUME TEL FELON.
DE MA MAISNEE AD FAITE TRAISUN.@
CIL LE RECEIT,S I MET C CUMPAIGNONS
DE LA QUISINE DES MIELZ E DES PEJURS.
ICIL LI PEILENT LA BARBE E LES GERNUNS,
CASCUN LE FIERT IIII COLPS DE SUN PUIGN, BEN LE BATIRENT A FUZ E
A BASTUNS,
E SI LI METENT EL COL UN CAEIGNUN,
SI L ENCAEINENT ALTRESI CUM UN URS,
SUR UN SUMER L UNT MIS A DESHONOR,
TANT LE GUARDENT QUEL RENDENT A CHARLUN. HALT SUNT LI PUI
E TENEBRUS E GRANT, AOI. LI VAL PARFUNT E LES EWES CURANT.
SUNENT CIL GRAISLE E DERERE E DEVANT,
E TUIT RACHATENT ENCUNTRE L OLIFANT.
LI EMPERERES CHEVALCHET IREEMENT
E LI FRANCEIS CURUCUS E DOLENT,
N I AD CELOI,N I PLURT,E SE DEMENT,
E PRIENT DEU ,QU IL GUARISSET ROLL,
JOSQUE IL VENGENT EL CAMP CUMUNEMENT,
ENSEMBL OD LUI I FERRUNT VEIREMENT.
DE CO QUI CALT$ CAR NE LUR VALT NIENT,
DEMURENT TROP,N I POEDENT ESTRE A TENS, AOI. PAR GRANT IRUR
CHEVALCHET LI REIS CHARLES, DESUR SA BRUNIE LI GIST SA
BLANCHE BARBE. PUIGNENT AD AIT TUIT LI BARUN DE FRANCE, N I
AD ICEL,NE DEMEINT IRANCE,
QUE IL NE SUNT A ROLL LE CATAIGNE,
KI SE CUMBAT AS SARRAZINS D ESPAIGNE,
SI EST BLECET,NE QUIT,QUE ANME I REMAIGNE. DEUS QUELS
SEISANTE HUMES I AD EN SA CUMPAIGNE. UNCHES MEILLURS NEN
OUT REIS NE CATAIGNES, AOI. ROLL REGUARDET ES MUNZ E ES LARIZ.
DE CELS DE FRANCE I VEIT TANZ MORZ GESIR, E IL LES PLURET CUM
CHEVALER GENTILL.
@SEIGNORS BARONS DE VOS AIT DEUS MERCIT, TUTES VOZ ANMES
OTREIT IL PAREIS,
EN SEINTES FLURS IL LES FACET GESIR.
MEILLORS VASSALS DE VOS UNKES NE VI.
SI LUNGEMENT TUZ TENS M AVEZ SERVIT
A OES CARLON SI GRANZ PAIS CUNQUIS.
LI EMPERERES TANT MARE VOS NURRIT.
TERE DE FRANCE MULT ESTES DULZ PAIS
OI DESERTET A TANT RUBOSTE EXILL.
BARONS FRANCEIS PUR MEI VOS VEI MURIR,
JO NE VOS POIS TENSER NE GUARANTIR.
AIT VOS DEUS ,KI UNKES NE MENTIT.
OLIVER FRERE VOS NE DEI JO FAILLIR,
DE DOEL MURRAI,SE ALTRE NE M I OCIT.
SIRE CUMPAINZ ALUM I REFERIR.@
LI QUENS ROLL EL CHAMP EST REPAIRET,
TIENT DURENDAL,CUME VASSAL I FIERT,
FALDRUN DE PUI I AD PAR MI TRENCHET
E XXIIII DE TUZ LES MELZ PREISEZ,
JAMAIS N IERT HOME,PLUS SE VOEILLET VENGER. SI CUM LI CERFS S
EN VAIT DEVANT LES CHIENS, DEVANT ROLL SI S EN FUIENT PAIENS.
DIST L ARCEVESQUE,@ASEZ LE FAITES BEN.
ITEL VALOR DEIT AVEIR CHEVALER,
KI ARMES PORTET,E EN BON CHEVAL SET,
EN BATAILLE DEIT ESTRE FORZ E FIERS,
U ALTREMENT NE VALT IIII DENERS,
EINZ DEIT MONIE ESTRE EN UN DE CEZ MUSTIERS, SI PRIERAT TUZ
JURZ POR NOZ PECCEZ.@
RESPUNT ROLLANT,@FEREZ, NES ESPARIGNEZ.@ A ICEST MOT L UNT
FRANCS RECUMENCET,
MULT GRANT DAMAGE I OUT DE CHRESTIENS.
HOME KI CO SET ,QUE JA N AVRAT PRISUN,
EN TEL BATAILLE FAIT GRANT DEFENSION,
PUR CO SUNT FRANCS SI FIERS CUME LEUNS.
AS VUS MARSILIE EN GUISE DE BARUNT.
SIET EL CHEVAL,QU IL APELET GAIGNUN,
BROCHET LE BEN ,SI VAIT FERIR BEVON,
ICIL ERT SIRE DE BELNE E DE DIGUN,
L ESCUT LI FREINT,E L OSBERC LI DERUMPT, QUE MORT L ABAT SEINZ
ALTRE DESCUNFISUN. PUIS AD OCIS YVOERIES E IVON
ENSEMBL OD ELS GERARD DE RUSSILLUN.
LI QUENS ROLL NE LI EST GUAIRES LOIGN,
DIST AL PAIEN,@DAMNESDEUS MAL TE DUINST. A SI GRANT TORT M
OCIZ MES CUMPAIGNUNS,
COLP EN AVRAS,EINZ QUE NOS DEPARTUM,
E DE M ESPEE ENQUOI SAVRAS LE NOM.@
VAIT LE FERIR EN GUISE DE BARON,
TRENCHET LI AD LI QUENS LE DESTRE POIGN, PUIS PRENT LA TESTE
DE JURFALEU LE BLUND, ICIL ERT FILZ AL REI MARSILIUN,
PAIEN ESCRIENT,@AIE NOS MAHUM,
LI NOSTRE DEU VENGEZ NOS DE CARLUN.
EN CESTE TERE NUS AD MIS TELS FELUNS,
JA PUR MURIR LE CAMP NE GUERPIRUNT.@
DIST L UN A L ALTRE,@E CAR NOS EN FUIUMS.@ A ICEST MOT TELS C
MILIE S EN VUNT,
KI QUES RAPELT,JA N EN RETURNERUNT, AOI. DE CO QUI CALT$ SE
FUIT S EN EST MARSILIES, REMES I EST SIS UNCLES MARGANICES,
KI TINT KARTAGENE ALFRERE GARMALIE
E ETHIOPE UNE TERE MALDITE,
LA NEIRE GENT EN AD EN SA BAILLIE,
GRANZ UNT LES NES E LEES LES OREILLES,
E SUNT ENSEMBLE PLUS DE CINQUANTE MILIE. ICIL CHEVALCHENT
FIEREMENT E A IRE,
PUIS ESCRIENT L ENSEIGNE PAENIME.
CO DIST ROLL,@CI RECEVRUMS MATYRIE,
E OR SAI BEN,N AVONS GUAIRES A VIVRE.
MAIS TUT SEIT FEL,CHER NE SE VENDE PRIMES. FEREZ SEIGNURS DES
ESPEES FURBIES,
SI CALENGEZ E VOZ MORS E VOZ VIES,
QUE DULCE FRANCE PAR NUS NE SEIT HUNIE.
QUANT EN CEST CAMP VENDRAT CARL MI SIRE, DE SARRAZINS
VERRAT TEL DISCIPLINE,
CUNTRE UN DES NOZ EN TRUVERAT MORZ XV,
NE LESSERAT,QUE NOS NE BENEISSE.@ AOI.
QUAN ROLL VEIT LA CONTREDITE GENT,
KI PLUS SUNT NEIRS,QUE NEN EST ARREMENT, NE N UNT DE BLANC
NE MAIS QUE SUL LES DENZ. CO DIST LI QUENS,@OR SAI JO
VEIREMENT,
QUE HOI MURRUM PAR LE MIEN ESCIENT,
FEREZ FRANCEIS ,CAR JOL VOS RECUMENZ.@
DIST OLIVER,@DEHET AIT LI PLUS LENZ.@
A ICEST MOT FRANCEIS SE FIERENT ENZ.
QUANT PAIEN VIRENT ,QUE FRANCEIS I OUT POI, ENTR ELS EN UNT E
ORGOIL E CUNFORT,
DIST L UN A L ALTRE,@L EMPEREOR AD TORT.@ LI MARGANICES SIST
SUR UN CEVAL SOR,
BROCHET LE BEN DES ESPERUNS A OR,
FIERT OLIVER DERERE ENMI LE DOS.
LE BLANC OSBERC LI AD DESCUST EL CORS,
PARMI LE PIZ SUN ESPIET LI MIST FORS,
E DIT APRES,@UN COLP AVEZ PRIS FORT.
CARLES LI MAGNES MAR VOS LAISSAT AS PORZ, TORT NOS AD
FAIT,NEN EST DREIZ,QU IL S EN LOT, KAR DE VOS SUL AI BEN VENGET
LES NOZ.@
OLIVER SENT,QUE A MORT EST FERUT,
TIENT HALTECLERE,DUNT LI ACER FUT BRUNS. FIERT MARGANICES
SUR L ELME A OR AGUT,
E FLURS E PIERRES EN ACRAVENTET JUS,
TRENCHET LA TESTE D ICI QU AS DENZ MENUZ, BRANDIST SUN
COLP,SI L AD MORT ABATUT.
E DIST APRES,@PAIEN MAL AIES TU.
ICO NE DI,QUE KARLES N I AIT PERDUT,
NE A MUILER NE A DAME QU AIES VEUD,
N EN VANTERAS EL REGNE, DUNT TU FUS,
VAILLANT A UN DENER QUE M I AIES TOLUT,
NE FAIT DAMAGE NE DE MEI NE D ALTRUI.@
APRES ESCRIET ROLL,QU IL LI AIUT, AOI.
OLIVER SENT,QU IL EST A MORT NASFRET,
DE LUI VENGER JA MAIS NE LI ERT SEZ,
EN LA GRANT PRESSE OR I FIERT CUME BER,
TRENCHET CEZ HANSTES E CEZ ESCUZ BUCLERS E PIEZ E POINZ E
SELES E COSTEZ.
KI LUI VEIST SARRAZINS DESMEMBRER
UN MORT SUR ALTRE A LA TERE GETER,
DE BON VASSAL LI POUST REMEMBRER.
L ENSEIGNE CARLE N I VOLT MIE UBLIER,
MUNJOIE ESCRIET E HALTEMENT E CLER,
ROLL APELET SUN AMI E SUN PER.
@SIRE CUMPAIGN A MEI CAR VUS JUSTEZ.
A GRANT DULOR ERMES HOI DESEVREZ,@ AOI.
ROLL REGUARDET OLIVER AL VISAGE,
TEINT FUT E PERS DESCULURET E PALE,
LI SANCS TUZ CLERS PARMI LE CORS LI RAIET, ENCUNTRE TERE EN
CHEENT LES ESCLACES.
@DEUS@DIST LI QUENS,@OR NE SAI JO,QUE FACE. SIRE CUMPAINZ
MAR FUT VOSTRE BARNAGE,
JAMAIS N IERT HUME ,KI TUN CORS CUNTREVAILLET. E FRANCE
DULCE CUN HOI REMENDRAS GUASTE
DE BONS VASSALS CUNFUNDUE E CHAIETE.
LI EMPERERE EN AVRAT GRANT DAMAGE.@
A ICEST MOT SUR SUN CHEVAL SE PASMET, AOI. AS VUS ROLL SUR SUN
CHEVAL PASMET
E OLIVER ,KI EST A MORT NAFFRET.
TANT AD SEINET ,LI OIL LI SUNT TRUBLET,
NE LOINZ NE PRES NE POET VEDEIR SI CLER, QUE RECONOISTRE
POISSET NULS HOM MORTEL. SUN CUMPAIGNUN CUM IL L AT
ENCUNTRET,
SIL FIERT AMUNT SUR L ELME A OR GEMET,
TUT LI DETRENCHET D ICI QU AL NASEL,
MAIS EN LA TESTE NE L AD MIE ADESET.
A ICEL COLP L AD ROLL REGUARDET,
SI LI DEMANDET DULCEMENT E SUEF.
@SIRE CUMPAIN FAITES LE VOS DE GRED$
JA EST CO ROLL,KI TANT VOS SOELT AMER,
PAR NULE GUISE NE M AVIEZ DESFIET.@
DIST OLIVER,@OR VOS OI JO PARLER,
JO NE VOS VEI,VEIED VUS DAMNEDEU.
FERUT VOS AI$ CAR LE ME PARDUNEZ.@
ROLL RESPUNT,@JO N AI NIENT DE MEL.
JOL VOS PARDUINS ICI E DEVANT DEU.@
A ICEL MOT L UN A L ALTRE AD CLINET.
PAR TEL AMUR AS LES VOS DESEVRED.
OLIVER SENT,QUE LA MORT MULT L ANGOISSET. ANSDOUS LES OILZ
EN LA TESTE LI TURNENT, L OIE PERT E LA VEUE TUTE.
DESCENT A PIET,A LA TERE SE CULCHET,
DUREMENT EN HALT SI RECLEIMET SA CULPE,
CUNTRE LE CIEL AMBESDOUS SES MAINS JUINTES SI PRIET DEU,QUE
PAREIS LI DUNGET,
E BENEIST KARLUN E FRANCE DULCE
SUN CUMPAIGNUN ROLL SUR TUZ HUMES.
FALT LI LE COER,LE HELME LI EMBRUNCHET,
TRESTUT LE CORS A LA TERE LI JUSTET,
MORZ EST LI QUENS ,QUE PLUS NE SE DEMURET. ROLL LI BER LE
PLURET,SIL DULUSET.
JAMAIS EN TERE N ORREZ PLUS DOLENT HUME. OR VEIT ROLL ,QUE
MORT EST SUN AMI
GESIR ADENZ A LA TERE SUN VIS,
MULT DULCEMENT A REGRETER LE PRIST.
@SIRE CUMPAIGN TANT MAR FUSTES HARDIZ.
ENSEMBLE AVUM ESTET E ANZ E DIS.
NEM FESIS MAL,NE JO NEL TE FORSFIS.
QUANT TU ES MORZ ,DULUR EST,QUE JO VIF.@ A ICEST MOT SE PASMET
LI MARCHIS
SUR SUN CEVAL ,QUE CLEIMET VEILLANTIF,
AFERMET EST A SES ESTREUS D OR FIN,
QUEL PART QU IL ALT ,NE POET MIE CHAIR.
AINZ QUE ROLL SE SEIT APERCEUT
DE PASMEISUNS GUARIZ NE REVENUZ,
MULT GRANT DAMAGE LI EST APAREUT.
MORZ SUNT FRANCEIS ,TUZ LES I AD PERDUT
SENZ L ARCEVESQUE E SENZ GUALTER DEL HUM. REPAIREZ EST DES
MUNTAIGNES JUS,
A CELS D ESPAIGNE MULT S I EST CUMBATUZ.

MORT SUNT SI HUME,SIS UNT PAIENS VENCUT, VOEILLET O NUN
,DESUZ CEZ VALS S EN FUIT, SI RECLAIMET ROLL,QU IL LI AIUT.
@E GENTILZ QUENS VAILLANZ HOM U IES TU$
UNKES NEN OI POUR,LA U TU FUS.
CO EST GUALTER,KI CUNQUIST MAELGUT
LI NIES DROUN AL VIEILL E AL CANUT,
PUR VASSELAGE SULEIE ESTRE TUN DRUT.
MA HANSTE EST FRAITE E PERCET MUN ESCUT
E MIS OSBERCS DESMAILET E RUMPUT,
PARMI LE CORS OT LANCES SUI FERUT,
SEMPRES MURRAI ,MAIS CHER ME SUI VENDUT.@ A ICEL MOT L AT
ROLL ENTENDUT,
LE CHEVAL BROCHET,SI VIENT POIGNANT VERS LUI, AOI. ROLL AD
DOEL,SI FUT MALTALENTIFS,
EN LA GRANT PRESSE CUMENCET A FERIR,
DE CELS D ESPAIGNE EN AD GETET MORT XX
E GUALTER VI E L ARCEVESQUE V .
DIENT PAIEN,@FELUNS HUMES AD CI.
GUARDEZ SEIGNURS,QU IL N EN ALGENT VIF.
TUT PAR SEIT FEL,KI NES VAIT ENVAIR,
E RECREANT KI LES LERRAT GUARIR.@
DUNC RECUMENCENT E LE HU E LE CRI,
DE TUTES PARZ LE REVUNT ENVAIR, AOI.
LI QUENS ROLL FUT NOBLE GUERREIER,
GUALTER DE HUMS EST BIEN BON CHEVALER
LI ARCEVESQUE PROZDOM E ESSAIET,
LI UNS NE VOLT L ALTRE NIENT LAISSER.
EN LA GRANT PRESSE I FIERENT AS PAIENS.
MIL SARRAZINS I DESCENDENT A PIET,
E A CHEVAL SUNT XL MILLERS.
MEN ESCIENTRE NES OSENT APROISMER,
IL LOR LANCENT E LANCES E ESPIEZ
WIGRES E DARZ E MUSERAS E AGIEZ E GIESER. AS PREMERS COLPS I
UNT OCIS GUALTER,
TURPINS DE REINS TUT SUN ESCUT PERCET
QUASSET SUN ELME,SI L UNT NASFRET EL CHEF E SUN OSBERC
RUMPUT E DESMAILET
PARMI LE CORS NASFRET DE IIII ESPIEZ,
DEDESUZ LUI OCIENT SUN DESTRER.
OR EST GRANT DOEL,QUANT L ARCEVESQUE CHIET. AOI. TURPINS DE
REINS QUANT SE SENT ABATUT
DE IIII ESPIEZ PARMI LE CORS FERUT,
ISNELEMENT LI BER RESAILIT SUS,
ROLL REGUARDET,PUIS SI LI EST CURUT.
E DIST UN MOT,@NE SUI MIE VENCUT.
JA BON VASSAL NEN ERT VIF RECREUT.@
IL TRAIT ALMACE S ESPEE DE ACER BRUN,
EN LA GRANT PRESSE MIL COLPS I FIERT ET PLUS, PUIS LE DIST
CARLES,QU IL N EN ESPARIGNAT NUL, TELS IIII CENZ I TROEVET
ENTUR LUI
ALQUANZ NAFREZ ALQUANZ PARMI FERUT,
SI OUT D ICELS,KI LES CHEFS UNT PERDUT.
CO DIT LA GESTE E CIL ,KI EL CAMP FUT
LI BER GILIE,POR QUI DEUS FAIT VERTUZ,
E FIST LA CHARTRE EL MUSTER DE LOUM.
KI TANT NE SET ,NE L AD PROD ENTENDUT.

LI QUENS ROLL GENTEMENT SE CUMBAT,
MAIS LE CORS AD TRESSUET E MULT CHALT,
EN LA TESTE AD E DULOR E GRANT MAL,
RUMPUT EST LI TEMPLES,POR CO QUE IL CORNAT. MAIS SAVEIR
VOLT,SE CHARLES I VENDRAT,
TRAIT L OLIFAN,FIEBLEMENT LE SUNAT.
LI EMPERERE S ESTUT,SI L ESCULTAT,
@SEIGNURS@DIST IL,@MULT MALEMENT NOS VAIT. ROLL MIS NIES HOI
CEST JUR NUS DEFALT.
JO OI AL CORNER,QUE GUAIRES NE VIVRAT,
KI ESTRE I VOELT ,ISNELEMENT CHEVALZT.
SUNEZ VOZ GRAISLES,TANT QUE EN CEST OST AD.@ SEISANTE MILIE
EN I CORNENT SI HALT,
SUNENT LI MUNT,E RESPONDENT LI VAL.
PAIEN L ENTENDENT,NEL TINDRENT MIE EN GAB, DIT L UN A L
ALTRE,@KARLUN AVRUM NUS JA.@ DIENT PAIEN ,@L EMPERERE
REPAIRET, AOI.
DE CELS DE FRANCE OEZ SUNER LES GRAISLES. SE CARLES VIENT,DE
NUS I AVRAT PERTE,
SE ROLL VIT,NOSTRE GUERRE NOVELET.
PERDUD AVUNS ESPAIGNE NOSTRE TERE.@
TELS IIII CENZ S EN ASEMBLENT A HELMES
E DES MEILLORS,KI EL CAMP QUIENT ESTRE,
A ROLL RENDENT UN ESTUR FORT E PESME.
OR AD LI QUENS ENDREIT SEI ASEZ QUE FAIRE, AOI. LI QUENS ROLL
QUANT IL LES VEIT VENIR,
TANT SE FAIT FORT E FIERS E MANEVIZ,
NE LUR LERAT,TANT CUM IL SERAT VIF.
SIET EL CHEVAL,QU OM CLEIMET VEILLANTIF, BROCHET LE BIEN DES
ESPERUNS D OR FIN,
EN LA GRANT PRESSE LES VAIT TUZ ENVAIR
ENSEMBL OD LUI ARCEVESQUES TURPIN.
DIST L UN A L ALTRE ,@CA VUS TRAIEZ AMI. DE CELS DE FRANCE LES
CORNS AVUNS OIT,
CARLES REPAIRET LI REIS POESTEIFS.@
LI QUENS ROLL UNKES N AMAT CUARD
NE ORGUILLOS NE MALVAIS HUME DE MALE PART NE CHEVALER,SE
IL NE FUST BON VASSAL,
LI ARCEVESQUES TURPIN EN APELAT,
@SIRE A PIED ESTES,E JO SUI A CEVAL,
PUR VOSTRE AMUR ICI PRENDRAI ESTAL,
ENSEMBLE AVRUNS E LE BEN E LE MAL.
NE VOS LERRAI PUR NUL HUME DE CAR,
ENCUI RENDRUNS A PAIENS CEST ASALT.
LES COLPS DES MIELZ CELS SUNT DE DURENDAL.@ DIST L
ARCEVESQUE,@FEL SEIT,KI BEN N I FERRAT. CARLES REPAIRET,KI BEN
VUS VENGERAT.@
PAIEN DIENT, [SI MARE FUMES NEZ.
CUM PESMES JURZ NUS EST HOI AJURNEZ.
PERDUT AVUM NOZ SEIGNORS E NOZ PERS,
CARLES REPEIRET OD SA GRANT OST LI BER.
DE CELS DE FRANCE ODUM LES GRAISLES CLERS, GRANT EST LA NOISE
DE MUNJOIE ESCRIER.
LI QUENS ROLLANT EST DE TANT GRANT FIERTET, JA N ERT VENCUT
PUR NUL HUME CARNEL.
LANCUNS A LUI ,PUIS SIL LAISSUMS ESTER.@ E IL SI FIRENT DARZ E
WIGRES ASEZ
ESPIEZ E LANCES E MUSERAZ ENPENNEZ.
L ESCUT ROLL UNT FRAIT ET ESTROET
E SUN OSBERC RUMPUT E DESMAILET,
MAIS ENZ EL CORS NE L UNT MIE ADESET.
MAIS VEILLANTIF UNT EN XXX LIUS NAFRET,
DESUZ LE CUNTE SI L I UNT MORT LAISSET.
PAIEN S EN FUIENT,PUIS SIL LAISENT ESTER, LI QUENS ROLL I EST
REMES A PIED. AOI.
PAIEN S EN FUIENT CURUCUS E IREZ,
ENVERS ESPAIGNE TENDENT DE L ESPLEITER.
LI QUENS ROLL NES AD DUNT ENCALCER,
PERDUT I AD VEILLANTIF SUN DESTRER.
VOELLET O NUN,REMES I EST A PIET,
A L ARCEVESQUE TURPIN ALAT AIDER.
SUN ELME AD OR LI DESLACAT DEL CHEF,
SI LI TOLIT LE BLANC OSBERC LEGER,
E SUN BLIALT LI AD TUT DETRENCHET,
EN SES GRANZ PLAIES LES PANS LI AD BUTET, CUNTRE SUN PIZ PUIS SI
L AD ENBRACET,
SUR L ERBE VERTE PUIS L AT SUEF CULCHET, MULT DULCEMENT L I
AD ROLL PREIET,
@E GENTILZ HOM CAR ME DUNEZ CUNGET.
NOZ CUMPAIGNUNS QUE OUMES TANZ CHERS,
OR SUNT IL MORZ,NES I DEVUNS LAISER.
JOES VOELL ALER QUERRE E ENTERCER
DEDEVANT VOS JUSTER E ENRENGER.@
DIST L ARCEVESQUE,@ALEZ,E REPAIREZ.
CIST CAMP EST VOSTRE MERCIT DEU E MIEN.@ ROLL S EN TURNET,PAR
LE CAMP VAIT TUT SULS. CERCET LES VALS,E SI CERCET LES MUNZ,
ILOEC TRUVAT GERIN E GERER SUN CUMPAIGNUN, E SI TRUVAT
BERENGER E ATUIN,
ILOEC TRUVAT ANSEIS E SANSUN,
TRUVAT GERARD LE VEILL DE RUSSILLUN,
PAR UNS E UNS LES AD PRIS LE BARUN.
A L ARCEVESQUE EN EST VENUZ A TUT,
SIS MIST EN RENG DE DEVANT SES GENUILZ.
LI ARCEVESQUE NE POET MUER,N EN PLURT,
LIEVET SA MAIN ,FAIT SA BENEICUN,
APRES AD DIT,@MARE FUSTES SEIGNURS.
TUTES VOZ ANMES AIT DEUS LI GLORIUS,
EN PAREIS LES METET EN SENTES FLURS.
LA MEIE MORT ME RENT SI ANGUISSUS,
JA NE VERRAI LE RICHE EMPEREUR.@
ROLL S EN TURNET,LE CAMP VAIT RECERCER,
SUN CUMPAIGNUN AD TRUVET OLIVER.
ENCUNTRE SUN PIZ ESTREIT L AD ENBRACET,
SI CUM IL POET ,A L ARCEVESQUES EN VENT, SUR UN ESCUT L AD AS
ALTRES CULCHET,
E L ARCEVESQUE LES AD ASOLS E SEIGNET.
IDUNC AGREGET LE DOEL E LA PITET.
CO DIT ROLL,@BELS CUMPAINZ OLIVER
VOS FUSTES FILZ AL DUC REINER,
KI TINT LA MARCHE DEL VAL DE RUNERS.
PUR HANSTE FREINDRE E PUR ESCUZ PECEIER
PUR ORGOILLOS VEINTRE E ESMAIER
E PUR PROZDOMES TENIR E CUNSEILLER
E PUR GLUTUN VEINTRE E ESMAIER
EN NULE TERE N AD MEILLOR CHEVALER.
LI QUENS ROLL QUANT IL VEIT MORT SES PERS E OLIVER,QU IL TANT
POEIT AMER,
TENDRUR EN OUT,CUMENCET A PLURER,
EN SUN VISAGE FUT MULT DESCULUREZ,
SI GRANT DOEL OUT,QUE MAIS NE POUT ESTER, VOEILLET O NUN ,A
TERE CHET PASMET.
DIST L ARCEVESQUE,@TANT MARE FUSTES BER.@ LI ARCEVESQUES
QUANT VIT PASMER ROLL,
DUNC OUT TEL DOEL,UNKES MAIS N OUT SI GRANT, TENDIT SA MAIN
,SI AD PRIS L OLIFAN.
EN RENCESVALS AD UN EWE CURANT,
ALER I VOLT ,SIN DURRAT A ROLL.
SUN PETIT PAS S EN TURNET CANCELANT,
IL EST SI FIEBLE,QU IL NE POET EN AVANT, NEN AD VERTUT,TROP AD
PERDUT DEL SANC.
EINZ QUE OM ALAST UN SUL ARPENT DE CAMP, FALT LI LE COER ,SI
EST CHAEIT AVANT,
LA SUE MORT LI VAIT MULT ANGOISSANT.
LI QUENS ROLL REVIENT DE PASMEISUNS,
SUR PIEZ SE DRECET,MAIS IL AD GRANT DULUR, GUARDET AVAL,E SI
GUARDET AMUNT,
SUR L ERBE VERTE ULTRE SES CUMPAIGNUNS
LA VEIT GESIR LE NOBILIE BARUN,
CO EST L ARCEVESQUE,QUE DEUS MIST EN SUN NUM, CLEIMET SA
CULPE,SI REGUARDET AMUNT,
CUNTRE LE CIEL AMSDOUS SES MAINS AD JUINZ, SI PRIET DEU,QUE
PAREIS LI DUINST.
MORZ EST TURPIN LE GUERREIER CHARLUN.
PAR GRANZ BATAILLES E PAR MULT BELS SERMONS CUNTRE PAIENS
FUT TUZ TENS CAMPIUNS.
DEUS LI OTREIT SEINTE BENEICUN. AOI.
LI QUENS ROLL VEIT L ARCEVESQUE A TERE,
DEFORS SUN CORS VEIT GESIR LA BUELE,
DESUZ LE FRUNT LI BUILLIT LA CERVELE,
DESUR SUN PIZ ENTRE LES DOUS FURCELES
CRUISIEDES AD SES BLANCHES MAINS LES BELES. FORMENT LE
PLEIGNET A LA LEI DE SA TERE. @E GENTILZ HOM CHEVALER DE BON
AIRE
HOI TE CUMANT AL GLORIUS CELESTE.
JAMAIS N ERT HUME,PLUS VOLENTERS LE SERVE, DES LES APOSTLES
NE FUT HOM TEL PROPHETE PUR LEI TENIR E PUR HUMES ATRAIRE.
JA LA VOSTRE ANME NEN AIT SUFRAITE,
DE PAREIS LI SEIT LA PORTE UVERTE.@
CO SENT ROLL,QUE LA MORT LI EST PRES,
PAR LES OREILLES FORS S EN IST LE CERVEL. DE SES PERS PRIET
DEU,QUES APELT
E POIS DE LUI A L ANGLE GABRIEL,
PRIST L OLIFAN,QUE REPROCE N EN AIT,
E DURENDAL S ESPEE EN L ALTRE MAIN,
PLUS QU ARCBALESTE NE POET TRAIRE UN QUARREL, DEVERS
ESPAIGNE EN VAIT EN UN GUARET,
MUNTET SUR UN TERTRE DESUZ UN ARBRE BEL, QUATRE PERRUNS I
AD DE MARBRE FAIZ,
SUR L ERBE VERTE SI EST CAEIT ENVERS,
LA S EST PASMET,KAR LA MORT LI EST PRES. HALT SUNT LI PUI E MULT
HALT LES ARBRES, QUATRE PERRUNS I AD LUISANT DE MARBRE,
SUR L ERBE VERTE LI QUENS ROLL SE PASMET. UNS SARRAZINS TUTE
VEIE L ESGUARDET,
SI SE FEINST MORT,SI GIST ENTRE LES ALTRES, DEL SANC LUAT SUN
CORS E SUN VISAGE.
MET SEI EN PIEZ,E DE CURRE SE HASTET.
BELS FUT E FORZ E DE GRANT VASSELAGE,
PAR SUN ORGOILL CUMENCET MORTEL RAGE.
ROLL SAISIT E SUN CORS E SES ARMES,
E DIST UN MOT ,@VENCUT EST LI NIES CARLES. ICESTE ESPEE
PORTERAI EN ARABE.@
EN CEL TIRER LI QUENS S APERCUT ALQUES.
CO SENT ROLL,QUE S ESPEE LI TOLT.
UVRIT LES OILZ,SI LI AD DIT UN MOT.
@MEN ESCIENTRE TU N IES MIE DES NOZ.@
TIENT L OLIFAN,QUE UNKES PERDRE NE VOLT , SIL FIERT EN L ELME,KI
GEMMET FUT A OR.
FRUISSET L ACER E LA TESTE E LES OS,
AMSDOUS LES OILZ DEL CHEF LI AD MIS FORS, JUS A SES PIEZ SI L AD
TRESTURNET MORT.
APRES LI DIT,@CULVERT PAIEN CUM FUS UNKES SI OS, QUE ME SAISIS
NE A DREIT NE A TORT$
NE L ORRAT HUME, NE T EN TIENGET POR FOL. FENDUZ EN EST MIS
OLIFANS EL GROS,
CAIUZ EN EST LI CRISTALS E LI ORS.@
CO SENT ROLL,LA VEUE AD PERDUE,
MET SEI SUR PIEZ,QUANQU IL POET, S ESVERTUET, EN SUN VISAGE SA
CULUR AD PERDUE.
DEDEVANT LUI AD UNE PERRE BYSE,
X COLPS I FIERT PAR DOEL E PAR RANCUNE.
CRUIST LI ACERS,NE FREINT,NE N ESGRUIGNET. @E@DIST LI
QUENS,@SEINTE MARIE AIUE,
E DURENDAL BONE SI MARE FUSTES.
QUANT JO MEI PERD,DE VOS NEN AI MAIS CURE. TANTES BATAILLES
EN CAMP EN AI VENCUES
E TANTES TERES LARGES ESCUMBATUES,
QUE CARLES TIENT,KI LA BARBE AD CANUE.
NE VOS AIT HUME,KI PUR ALTRE FUIET.
MULT BON VASSAL VOS AD LUNG TENS TENUE.
JAMAIS N ERT TEL EN FRANCE L ASOLUE.@
ROLL FERIT EL PERRUN DE SARDONIE,
CRUIST LI ACERS ,NE BRISET,NE N ESGRUNIE. QUANT IL CO VIT,QUE N
EN POUT MIE FREINDRE, A SEI MEISME LA CUMENCET A PLEINDRE.
@E DURENDAL CUM ES BELE E CLERE E BLANCHE. CUNTRE SOLEILL SI
LUISES,E REFLAMBES.
CARL ESTEIT ES VALS DE MORIANE,
QUANT DEUS DEL CEL LI MANDAT PAR SUN ANGLE, QU IL TE DUNAST
A UN CUNTE CATAIGNIE,
DUNC LA ME CEINST LI GENTILZ REIS LI MAGNES. JO L EN CUNQUIS E
ANJOU E BRETAIGNE,
SI L EN CUNQUIS E PEITOU E LE MAINE,
JO L EN CUNQUIS NORMENDIE LA FRANCHE,
SI L EN CUNQUIS PROVENCE E EQUITAIGNE
E LUMBARDIE E TRESTUTE ROMAINE,
JO L EN CUNQUIS BAIVER E TUTE FLANDRES
E BURGUIGNE E TRESTUTE PUILLANIE
COSTENTINNOBLE,DUNT IL OUT LA FIANCE,
E EN SAISONIE FAIT IL CO ,QU IL DEMANDET, JO L EN CUNQUIS E
ESCOCE E IRLANDE
E ENGLETERE,QUE IL TENEIT SA CAMBRE,
CUNQUIS L EN AI PAIS E TERES TANTES,
QUE CARL TIENT,KI AD LA BARBE BLANCHE.
PUR CESTE ESPEE AI DULOR E PESANCE,
MIELZ VOEILL MURIR,QU ENTRE PAIENS REMAIGNE. DEUS PERE N EN
LAISER HUNIR FRANCE@.
ROLL FERIT EN UNE PERRE BISE,
PLUS EN ABAT ,QUE JO NE VOS SAI DIRE.
L ESPEE CRUIST,NE FRUISSET ,NE NE BRISE, CUNTRE CIEL AMUNT EST
RESORTIE.
QUANT VEIT LI QUENS ,QUE NE LA FREINDRAT MIE, MULT
DULCEMENT LA PLEINST A SEI MEISME.
@E DURENDAL CUM ES BELE E SEINTISME.
EN L ORIET PUNT ASEZ I AD RELIQUES
LA DENT SEINT PERRE E DEL SANC SEINT BASILIE E DES CHEVELS MUN
SEIGNOR SEINT DENISE,
DEL VESTEMENT I AD SEINTE MARIE.
IL NEN EST DREIZ,QUE PAIENS TE BAILLISENT, DE CHRESTIENS
DEVREZ ESTRE SERVIE,
NE VOS AIT HUME,KI FACET CUARDIE.
MULT LARGES TERES DE VUS AVRAI CONQUISES. CARL LES TENT,KI LA
BARBE AD FLURIE,
E LI EMPERERES EN EST BER E RICHES.@
CO SENT ROLL,QUE LA MORT LE TRESPRENT,
DEVERS LA TESTE SUR LE QUER LI DESCENT.
DESUZ UN PIN I EST ALET CURANT,
SUR L ERBE VERTE S I EST CULCET ADENZ.
DESUZ LUI MET S ESPEE E L OLIFAN,
TURNAT SA TESTE VERS LA PAIENE GENT.
PUR CO L AT FAIT, QUE IL VOELT VEIREMENT, QUE CARL DIET E
TRESTUTE SA GENT,
LI GENTILZ QUENS QU IL FUT MORT CUNQUERANT. CLEIMET SA
CULPE E MENUT E SUVENT,
PUR SES PECCHEZ DEU EN PUROFFRID LO GUANT. AOI. CO SENT
ROLL,DE SUN TENS N I AD PLUS,
DEVERS ESPAIGNE EST EN UN PUI AGUT,
A L UNE MAIN SI AD SUN PIZ BATUD.
@DEUS MEIE CULPE VERS LES TUES VERTUZ,
DE MES PECCHEZ DES GRANZ E DES MENUZ,
QUE JO AI FAIT DES L URE,QUE NEZ FUI
TRESQU A CEST JUR,QUE CI SUI CONSOUT.@
SUN DESTRE GUANT EN AD VERS DEU TENDUT.
ANGLES DEL CIEL I DESCENDENT A LUI. AOI. LI QUENS ROLL SE JUT
DESUZ UN PIN,
ENVERS ESPAIGNE EN AD TURNET SUN VIS,
DE PLUSURS CHOSES A REMEMBRER LI PRIST.
DE TANTE TERE CUM LI BERS CONQUIST,
DE DULCE FRANCE DES HUMES DE SUN LIGN
DE CARLEMAGNE SUN SEIGNOR,KIL NURRIT,
NE POET MUER,N EN PLURT, E NE SUSPIRT,
MAIS LUI MEISME NE VOLT METTRE EN UBLI,
CLEIMET SA CULPE ,SI PRIET DEU MERCIT.
@VEIRE PATENE KI UNKES NE MENTIS,
SEINT LAZARON DE MORT RESURREXIS,
E DANIEL DES LEONS GUARESIS,
GUARIS DE MEI L ANME DE TUZ PERILZ
PUR LES PECCHEZ,QUE EN MA VIE FIS.@
SUN DESTRE GUANT A DEU EN PUROFFRIT,
SEINT GABRIEL DE SA MAIN L AD PRIS.
DESUR SUN BRAZ TENEIT LE CHEF ENCLIN,
JUNTES SES MAINS EST ALET A SA FIN.
DEUS TRAMIST SUN ANGLE CHERUBIN
ENSEMBL OD LI SEINT MICHEL DEL PERIL,
ENSEMBL OD ELS SENT GABRIEL I VINT,
L ANME DEL CUNTE PORTENT EN PAREIS.
MORZ EST ROLL,DEUS EN AD L ANME ES CELS. LI EMPERERE EN
RENCESVALS PARVIENT,
IL NEN I AD NE VEIE NE SENTER
NE VOIDE TERE NE ALNE NE PLEIN PIED,
QUE IL N I AIT O FRANCEIS O PAIEN.
CARL ESCRIET,@U ESTES VOS BELS NIES$
U EST L ARCEVESQUE E LI QUENS OLIVER$
U EST GERINS E SIS CUMPAINZ GERERS$
U EST OTES E LI QUENS BERENGERS
IVE E IVORIE,QUE JO AVEIE TANT CHERS$
QUE EST DEVENUZ LI GUASCUINZ ENGELER
SANSUN LI DUX E ANSEIS LI BERS$
U EST GERARD DE RUSSILLUN LI VEILZ
LI XII PER ,QUE JO AVEIE LAISET$@
DE CO QUI CHELT ,QUANT NUL N EN RESPUNDIET$ @DEUS.@ DIST LI
REIS,@TANT ME POIS ESMAIER, QUE JO NE FUI AL ESTUR CUMENCER.@
TIRET SA BARBE CUM HOM,KI EST IRET,
PLURENT DES OILZ SI BARON CHEVALER,
ENCUNTRE TERE SE PASMENT XX MILLERS.
NAIMES LI DUX EN AD MULT GRANT PITET.
IL NEN I AD CHEVALER NE BARUN,
QUE DE PITET MULT DUREMENT NE PLURT,
PLURENT LUR FILZ LUR FRERES LUR NEVOLZ
E LUR AMIS E LUR LIGE SEIGNURS,
ENCUNTRE TERE SE PASMENT LI PLUSUR.
NAIMES LI DUX D ICO AD FAIT QUE PROZ,
TUZ PREMEREINS L AD DIT L EMPEREUR.
@VEEZ AVANT ,DE DOUS LIWES DE NUS
VEDEIR PUEZ LES GRANZ CHEMINS PULDRUS,
QU ASEZ I AD DE LA GENT PAIENUR.
CAR CHEVALCHEZ, VENGEZ CESTE DULOR.@
@E DEUS@ DIST CARLES,@JA SUNT IL JA SI LUINZ. CUNSENTEZ MEI E
DREITURE E HONUR.
DE FRANCE DULCE M UNT TOLUE LA FLUR.@
LI REIS CUMANDET GEBUIN E OTUN
TEDBALT DE REINS E LE CUNTE MILUN.
@GUARDEZ LE CHAMP E LES VALS E LES MUNZ, LESSEZ GESIR LES
MORZ, TUT ISSI CUN IL SUNT, QUE N I ADEIST NE BESTE NE LION,
NE N I ADEIST ESQUIER NE GARCUN.
JO VUS DEFEND,QUE N I ADEIST NULS HOM,
JOSQUE DEUS VOEILGE,QUE EN CEST CAMP REVENGUM.@ E CIL
RESPUNDENT DULCEMENT PAR AMUR.
@DREIZ EMPERERE CHER SIRE SI FERUM.@
MIL CHEVALER I RETIENENT DES LUR. AOI.
LI EMPERERES FAIT SES GRAISLES SUNER,
PUIS SI CHEVALCHET OD SA GRANT OST LI BER. DE CELS D ESPAIGNE
UNT LUR LES DOS TURNEZ, TENENT L ENCHALZ,TUIT EN SUNT
CUMUNEL.
QUANT VEIT LI REIS LE VESPRES DECLINER,
SUR L ERBE VERTE DESCENT LI REIS EN UN PRED, CULCHET SEI A
TERE,SI PRIET DAMNEDEU,
QUE LI SOLEILZ FACET PUR LUI ARESTER
LA NUIT TARGER E LE JUR DEMURER.
AIS LI UN ANGLE,KI OD LUI SOELT PARLER,
ISNELEMENT SI LI AD COMANDET,
@CHARLE CHEVALCHE,CAR TEI NE FALT CLARTET. LA FLUR DE
FRANCE AS PERDUT,CO SET DEUS, VENGER TE POEZ DE LA GENT
CRIMINEL.@
A ICEL MOT EST L EMPERERE MUNTET. AOI.
PUR KARLEMAGNE FIST DEUS VERTUZ MULT GRANZ, CAR LI SOLEILZ
EST REMES EN ESTANT.
PAIEN S EN FUIENT,BEN LES ENCHALCENT FRANC, EL VAL TENEBRUS
LA LES VUNT ATEIGNANT,
VERS SARRAGUCE LES ENCHALCENT FERANT,
A COLPS PLENERS LES EN VUNT OCIANT.
TOLENT LUR VEIES E LES CHEMINS PLUS GRANZ. L EWE DE SEBRE EL
LUR EST DEDEVANT,
MULT EST PARFUNDE MERVEILLUSE E CURANT,
IL NEN I AD BARGE NE DRODMUND NE CALAND.

PAIENS RECLEIMENT UN LUR DEU TERVAGANT,
PUIS SAILLENT ENZ,MAIS IL N I UNT GUARANT. LI ADUBEZ EN SUNT LI
PLUS PESANT,
ENVERS LES FUNZ S EN TURNERENT ALQUANZ.
LI ALTRE EN VUNT CUNTREVAL FLOTANT,
LI MIEZ GUARIZ EN UNT BOUD ITANT,
TUZ SUNT NEIEZ PAR MERVEILLUS AHAN.
FRANCEIS ESCRIENT ,@MARE FUSTES ROLL.@ AOI. QUANT CARLES
VEIT,QUE TUIT SUNT MORT PAIENS ALQUANZ OCIS E LI PLUSUR
NEIET,
MULT GRANT ESCHEC EN UNT SI CHEVALER,
LI GENTILZ REIS DESCENDUT EST A PIET,
CULCHET SEI A TERE,SIN AD DEU GRACIET.
QUANT IL SE DRECET,LI SOLEILZ EST CULCHET, DIST L
EMPERERE,@TENS EST DEL HERBERGER, EN RENCESVALS EST TART
DEL REPAIRER,
NOZ CHEVALS SUNT E LAS E ENNUIEZ.
TOLEZ LUR LES SELES LE FREINS,QU IL UNT ES CHEFS, E PAR CEZ PREZ
LES LAISEZ REFREIDER.@
RESPUNDENT FRANC,@SIRE VOS DITES BIEN.@ AOI. LI EMPERERE AD
PRISE SA HERBERGE,
FRANCEIS DESCENDENT EN LA TERE DESERTE,
A LUR CHEVALS UNT TOLEITES LES SELES,
LES FREINS A OR EN METENT JUS DES TESTES, LIVRENT LUR PREZ,ASEZ
I AD FRESCHE HERBE. D ALTRE CUNREID NE LUR POEENT PLUS FAIRE.
KI MULT EST LAS,IL SE DORT CUNTRE TERE,
ICELE NOIT N UNT UNKES ESCALGUAITE.
LI EMPERERE S EST CULCET EN UN PRET,
SUN GRANT ESPIET MET A SUN CHEF LI BER,
ICELE NOIT NE SE VOLT IL DESARMER,
SI AD VESTUT SUN BLANC OSBERC SAFFRET
LACIET SUN ELME,KI EST A OR GEMMET,
CEINTE JOIUSE, UNCHES NE FUT SA PER,
KI CASCUN JUR MUET XXX CLARTEZ.
ASEZ SAVUM DE LA LANCE PARLER,
DUNT NOSTRE SIRE FUT EN LA CRUIZ NASFRET. CARLES EN AD LA
MURE MERCIT DEU,
EN L ORET PUNT L AD FAITE MANUVRER,

PUR CESTE HONUR E PUR CESTE BONTET
LI NUMS JOIUSE L ESPEE FUT DUNET.
BARUNS FRANCEIS NEL DEIVENT UBLIER,
ENSEIGNE EN UNT DE MUNJOIE CRIER.
PUR CO NES POET NULE GENT CUNTRESTER.
CLERE EST LA NOIT E LA LUNE LUISANT.
CARLES SE GIST ,MAIS DOEL AD DE ROLL,
E D OLIVER LI PEISET MULT FORMENT
DES XII PERS E DE LA FRANCEISE GENT.
EN RENCESVALS AD LAISET MORZ E SANGLENZ, NE POET MUER,N EN
PLURT E NES DEMENT,
E PRIET DEU,QU AS ANMES SEIT GUARENT.
LAS EST LI REIS,KAR LA PEINE EST MULT GRANT. ENDORMIZ EST,NE
POUT MAIS EN AVANT,
PAR TUZ LES PREZ OR SE DORMENT LI FRANC. N I AD CHEVAL,KI
PUISSET ESTER EN ESTANT, KI HERBE VOELT,IL LA PRENT EN GISANT.
MULT AD APRIS,KI BIEN CONUIST AHAN.
KARLES SE DORT CUM HUME TRAVEILLET.
SEINT GABRIEL LI AD DEUS ENVEIET,

L EMPEREUR LI CUMANDET A GUARDER.
LI ANGLES EST TUTE NOIT A SUN CHEF,
PAR AVISIUN LI AD ANUNCIET
D UNE BATAILLE,KI ENCUNTRE LUI ERT,
SENEFIANCE L EN DEMUSTRAT MULT GREF.
CARLES GUARDAT AMUNT ENVERS LE CIEL,
VEIT LES TUNEIRES E LES VENZ E LES GIELS E LES OREZ LES
MERVEILLUS TEMPEZ,
E FOUS E FLAMBES I EST APAREILLEZ,
ISNELEMENT SUR TUTE SA GENT CHET.
ARDENT CEZ HANSTES DE FRAISNE E DE PUMER E CEZ ESCUZ JESQU
AS BUCLES D OR MIER,
FRUISENT CEZ HANSTES DE CEZ TRENCHANZ ESPIEZ, CRUISSENT
OSBERCS E CEZ HELMES D ACER.
EN GRANT DULOR I VEIT SES CHEVALERS,
URS E LEUPARZ LES VOELENT PUIS MANGER
SERPENZ E GUIVRES DRAGUN E AVERSER,
GRIFUNZ I AD PLUS DE TRENTE MILLERS,
NEN I AD CEL,A FRANCEIS NE S AGIET.
E FRANCEIS CRIENT,@CARLEMAGNE AIDEZ.@
LI REIS EN AD E DULUR E PITET,
ALER I VOLT ,MAIS IL AD DESTURBER.
DEVERS UN GUALT UNS GRANZ LEONS LI VIENT, MULT PAR ERT
PESMES E ORGUILLUS E FIERS, SUN CORS MEISMES I ASALT,E REQUERT,
E PRENENT SEI A BRAZ AMBESDOUS POR LOITER. MAIS CO NE SET, LI
QUELS ABAT,NE QUELS CHIET. LI EMPERERE N EST MIE ESVEILLET.
APRES ICEL LI VIEN UN ALTRE AVISIUN.
QU IL ERT EN FRANCE AD AIS A UN PERRUN,
EN DOUS CHAEINES S I TENEIT UN BROHUN,
DEVERS ARDENE VEEIT VENIR XXX URS,
CASCUN PAROLET ALTRESI CUME HUM,
DISEIENT LI,@SIRE RENDEZ LE NUS.
IL NEN EST DREIZ,QUE IL SEIT MAIS OD VOS, NOSTRE PARENT DEVUM
ESTRE A SUCURS.@
DE SUN PALEIS UNS VELTRES ACURT,
ENTRE LES ALTRES ASAILLIT LE GREIGNUR
SUR L ERBE VERTE ULTRE SES CUMPAIGNUNS.
LA VIT LI REIS SI MERVEILLUS ESTUR,
MAIS CO NE SET,LI QUELS VEINT NE QUELS NUN. LI ANGLES DEU CO
AD MUSTRET AL BARUN.
CARLES SE DORT TRESQU AL DEMAIN AL CLER JUR. LI REIS MARSILIE S
EN FUIT EN SARRAGUCE, SUZ UN OLIVE EST DESCENDUT EN L UMBRE,
S ESPEE RENT E SUN ELME E SA BRONIE,

SUR LA VERTE HERBE MULT LAIDEMENT SE CULCET, LA DESTRE MAIN
AD PERDUE TRESTUTE,
DEL SANC QU EN IST,SE PASMET,E ANGOISET. DEDEVANT LUI SA
MUILLER BRAMIMUNDE
PLURET,E CRIET,MULT FORMENT SE DOLUSET
ENSEMBL OD LI PLUS DE XX MIL HUMES,
SI MALDIENT CARLUN E FRANCE DULCE.
AD APOLIN EN CURENT EN UNE CRUTE,
TENCENT A LUI,LAIDEMENT LE DESPERSUNENT. @E MALVAIS DEUS
PORQUEI NUS FAIS TEL HUNTE$ CEST NOSTRE REI PORQUEI LESSAS
CUNFUNDRE$ KI MULT TE SERT,MALVAIS LUER L EN DUNES.@ PUIS SI
LI TOLENT S ESCEPTRE E SA CURUNE. PAR MAINS LE PENDENT SUR
UNE CULUMBE,
ENTRE LUR PIEZ A TERE LE TRESTURNENT,
A GRANZ BASTUNS LE BATENT,E DEFRUISENT,
E TERVAGAN TOLENT SUN ESCARBUNCLE,
E MAHUMET ENZ EN UN FOSSET BUTENT,
E PORC E CHEN LE MORDENT, E DEFULENT.
DE PASMEISUNS EN EST VENUZ MARSILIES,
FAIT SEI PORTER EN SA CAMBRE VOLTICE,
PLUSURS CULURS I AD PEINZ E ESCRITES.
E BRAMIMUNDE LE PLURET LA REINE,
TRAIT SES CHEVELS,SI SE CLEIMET CAITIVE, A L ALTRE MOT MULT
HALTEMENT S ESCRIET.
@ E SARRAGUCE CUM IES OI DESGUARNIE
DEL GENTIL REI,KI T AVEIT EN BAILLIE.
LI NOSTRE DEU I UNT FAIT FELONIE,
KI EN BATAILLE OI MATIN LE FAILLIRENT.
LI AMIRALZ I FERAT CUARDIE,
S IL NE CUMBAT A CELE GENT HARDIE,
KI SI SUNT FIERS,N UNT CURE DE LUR VIES. LI EMPERERE OD LA BARBE
FLURIE
VASSELAGE AD E MULT GRANT ESTULTIE,
S IL AD BATAILLIE,IL NE S EN FUIRAT MIE. MULT EST GRANT
DOEL,QUE NEN EST ,KI L OCIET.@
LI EMPERERE PAR SA GRANT POESTET
VII ANZ TUZ PLENS AD EN ESPAIGNE ESTET
PRENT I CHASTELS E ALQUANTES CITEZ.
LI REIS MARSILIE S EN PURCACET ASEZ,
AL PREMER AN FIST SES BREFS SEIELER,
EN BABILONIE BALIGANT AD MANDET,
CO EST L AMIRAILL LE VIEL D ANTIQUITET,
TUT SURVESQUIET E VIRGILIE E OMER-
EN SARRAGUCE ALT SUCURRE LI BER,
E S IL NEL FAIT ,IL GUERPIRAT SES DEUS
E TUZ SES YDELES QUE IL SOELT ADORER,
SI RECEVRAT SEINTE CHRESTIENTET,
A CHARLEMAGNE SE VULDRAT ACORDER.
E CIL EST LOINZ SI AD MULT DEMURET,
MANDET SA GENT DE XL REGNEZ,
SES GRANZ DRODMUNZ EN AD FAIT APRESTER,
ESCHIEZ E BARGES E GALIES E NEFS.
SUZ ALIXANDRE AD UN PORT JUSTE MER,
TUT SUN NAVILIE I AD FAIT APRESTER,
CO EST EN MAI AL PREMER JUR D ESTED,
TUTES SES OZ AD EMPEINTES EN MER.
GRANZ SUNT LES OZ DE CELE GENT AVERSE,
SIGLENT A FORT E NAGENT E GUVERNENT.
EN SUM CEZ MAZ E EN CEZ HALTES VERNES
ASEZ I AD CARBUNCLES E LANTERNES.
LA SUS AMUNT PARGETENT TEL LUISERNE
PAR LA NOIT LA MER EN EST PLUS BELE.
E CUM IL VIENENT EN ESPAIGNE LA TERE,
TUT LI PAIS EN RELUIST E ESCLAIRET.
JESQU A MARSILIE EN PARVUNT LES NOVELES. AOI. GENT PAIENOR NE
VOELENT CESSER UNKES,
ISSENT DE MER, VENENT AS EWES DULCES,
LAISENT MARBRISE E SI LAISENT MARBROSE,
PAR SEBRE AMUNT TUT LUR NAVIRIES TURNENT. ASEZ I AD
LANTERNES E CARBUNCLES,
TUTE LA NOIT MULT GRANT CLARTET LUR DUNENT. A ICEL JUR
VENENT A SARRAGUCE. AOI.
CLERS EST LI JURZ ET LI SOLEILZ LUISANT. LI AMIRALZ EST ISSUT DEL
CALAN,
ESPANELIZ FORS LE VAIT ADESTRANT,
XVII REIS APRES LE VUNT SIWANT,
CUNTES E DUX I AD BEN, NE SAI QUANZ.
SUZ UN LORER KI EST ENMI UN CAMP,
SUR L ERBE VERTE GETENT UN PALIE BLANC,
UN FALDESTOED I UNT MIS D OLIFAN.
DESUR S ASIET LI PAIEN BALIGANT,
TUIT LI ALTRE SUNT REMES EN ESTANT.
LI SIRE D ELS PREMER PARLAT AVANT,
[OIEZ ORE, FRANC CHEVALER VAILLANT.
CARLES LI REIS, L EMPERERE DES FRANCS,
NE DEIT MANGER, SI JO NE LI CUMANT.
PAR TUTE ESPAIGNE M AT FAIT GUERE MULT GRANT. EN FRANCE
DULCE LE VOEIL ALER QUERANT,

NE FINERAI EN TRESTUT MUN VIVANT
JOSQU IL SEIT MORT U TUT VIF RECREANT[.
SUR SUN GENOILL EN FIERT SUN DESTRE GUANT. PUIS QU IL L AD DIT,
MULT S EN EST AFICHET QUE NE LAIRAT PUR TUT L OR DESUZ CIEL
QUE IL N ALT AD AIS O CARLES SOELT PLAIDER. SI HUME LI LODENT,
SI LI UNT CUNSEILLET. PUIS APELAT DOUS DE SES CHEVALERS,
L UN CLARIFAN E L ALTRE CLARIEN,
[VOS ESTES FILZ AL REI MALTRAIEN
KI MES MESSAGES SOLEIT FAIRE VOLENTERS.
JO VOS CUMANT QU EN SARRAGUCE ALGEZ,
MARSILIUN DE MEIE PART LI NUNCIEZ,
CUNTRE FRANCEIS LI SUI VENUT AIDER.
SE JO TRUIS O, MULT GRANT BATAILLE I ERT. SI L EN DUNEZ CEST
GUANT AD OR PLEIET,
EL DESTRE POIGN SI LI FAITES CHALCER,
SI LI PORTEZ CEST BASTUNCEL D OR MER,
E A MEI VENGET PUR RECONOISTRE SUN FEU.
EN FRANCE IRAI PUR CARL GUERREIER.
S EN MA MERCIT NE SE CULZT A MES PIEZ
E NE GUERPISSET LA LEI DE CHRESTIENS,
JO LI TOLDRAI LA CORUNE DEL CHEF[.
PAIEN RESPUNDENT [SIRE, MULT DITES BIEN.[ DIST BALIGAN'T, [CAR
CHEVALCHEZ, BARUN.
L UN PORT LE GUANT, LI ALTRE LE BASTUN[. E CIL RESPUNDENT
[CHER SIRE, SI FERUM[.
TANT CHEVALCHERENT QUE EN SARRAGUCE SUNT, PASSENT X
PORTES, TRAVERSENT IIII PUNZ,
TUTES LES RUES U LI BURGEIS ESTUNT.
CUM IL APROISMENT EN LA CITET AMUNT,
VERS LE PALEIS OIRENT GRANT FREMUR.
ASEZ I AD DE CELE GENT PAIENUR,
PLURENT E CRIENT, DEMEINENT GRANT DOLOR, PLEIGNENT LUR
DEUS TERVAGAN E MAHUM
E APOLLIN DUNT IL MIE NEN UNT.
DIT CASCUN A L ALTRE, [CAITIFS, QUE DEVENDRUM$ SUR NUS EST
VENUE MALE CONFUSIUN,
PERDUT AVUM LE REI MARSILIUN.
LI QUENS ROLL LI TRENCHAT IER LE DESTRE POIGN. NUS N AVUM MIE
DE JURFALEU LE BLUNT,
TRESTUTE ESPAIGNE IERT HOI EN LUR BANDUN[. LI DUI MESSAGE
DESCENDENT AL PERRUN.
LUR CHEVALS LAISENT DEDESUZ UN OLIVE,
DUI SARRAZIN PAR LES RESNES LES PRISTRENT, E LI MESSAGE PAR LES
MANTELS SE TINDRENT. PUIS SUNT MUNTEZ SUS EL PALEIS ALTISME.
CUM IL ENTRERENT EN LA CAMBRE VOLTICE,
PAR BEL AMUR MALVAIS SALUZ LI FIRENT,
[CIL MAHUMET KI NUS AD EN BAILLIE
E TERVAGAN E APOLLIN, NOSTRE SIRE,
SALVENT LE REI E GUARDENT LA REINE[.
DIST BRAMIMUNDE, [OR OI MULT GRANT FOLIE. CIST NOSTRE DEU
SUNT EN RECREANTISE,

EN RENCESVAL MALVAISES VERTUZ FIRENT,
NOZ CHEVALERS I UNT LESSET OCIRE,
CEST MIEN SEIGNUR EN BATAILLE FAILLIRENT, LE DESTRE POIGN AD
PERDUT, N EN AD MIE.
SI LI TRENCHAT LI QUENS ROLL LI RICHES.
TRESTUTE ESPAIGNE AVRAT CARL EN BAILLIE. QUE DEVENDRAI,
DULURUSE CAITIVE$
E. LASSE, QUE NEN AI UN HUME KI M OCIET[. AOI. DIST CLARIEN
[DAME NE PARLEZ MIE ITANT.
MESSAGES SUMES AL PAIEN BALIGANT.
MARSILIUN, CO DIT, SERAT GUARANT,
SI L EN ENVEIET SUN BASTUN E SUN GUANT.
EN SEBRE AVUM IIII MILIE CALANT,
ESCHIEZ E BARGES E GALEES CURANT.
DRODMUNZ I AD, NE VOS SAI DIRE QUANZ.
LI AMIRALZ EST RICHES E PUISANT,
EN FRANCE IRAT CARLEMAGNE QUERANT,
RENDRE LE QUIDET U MORT O RECREANT[.
DIST BRAMIMUNDE [MAR EN IRAT ITANT.
PLUS PRES D ICI PURREZ TRUVER LES FRANCS. EN CESTE TERE AD
ESTET JA VII ANZ.
LI EMPERERE EST BER E CUMBATANT.
MEILZ VOEL MURIR QUE JA FUIET DE CAMP.
SUZ CIEL N AD REI QU IL PRIST A UN ENFANT, CARL NE CREINT NULS
HOM KE SEIT VIVANT[. [LAISSEZ CO ESTER[ DIST MARSILIES LI REIS.
DIST AS MESSAGES [ SEIGNURS, PARLEZ A MEI. JA VEEZ VOS QUE A
MORT SUI DESTREIT.
JO SI NEN AI FILZ NE FILLE NE HEIR,
UN EN AVEIE, CIL FUT OCIS HER SEIR.
MUN SEIGNUR DITES QU IL ME VIENGE VEEIR. LI AMIRAILL AD EN
ESPAIGNE DREIT,
QUITE LI CLEIM, SE IL LA VOELT AVEIR.
PUIS LA DEFENDET ENCUNTRE LI FRANCEIS.
VERS CARLEMAGNE LI DURRAI BON CONSEILL,
CUNQUIS L AVRAT D OI CEST JUR EN UN MEIS. DE SARRAGUCE LES
CLEFS LI PORTEREIZ.
PUIS LI DITES IL N EN IRAT, S IL ME CREIT[. CIL RESPUNDENT [SIRE ,
VUS DITES VEIR[. AOI. CO DIST MARSILIE, [CARL L EMPERERE
MORT M AD MES HOMES, MA TERE DEGUASTEE
E MES CITEZ FRAITES E VIOLEES.
IL JUT ANUIT SUR CEL EWE DE SEBRE.
JO AI CUNTE, N I AD MAIS QUE VII LIWES.
L AMIRAIL DITES QUE SUN HOST I AMEIN.
PAR VOS LI MAND, BATAILLE I SEIT JUSTEE[. DE SARRAGUCE LES CLEFS
LI AD LIVREES.
LI MESSAGER AMBEDUI L ENCLINERENT,
PRENENT CUNGET A CEL MOT S EN TURNERENT. LI DUI MESSAGE ES
CHEVALS SUNT MUNTET,
ISNELEMENT ISSENT DE LA CITET,
A L AMIRAILL EN VUNT ESFREEDEMENT,
DE SARRAGUCE LI PRESENTENT LES CLES.
DIST BALIGANT, [QUE AVEZ VOS TRUVET$
U EST MARSILIE QUE JO AVEIE MANDET$[
DIST CLARIEN, [IL EST A MORT NAFFRET.
LI EMPERERE FUT IER AS PORZ PASSER,
SI S EN VULEIT EN DULCE FRANCE ALER,
PAR GRANT HONUR SE FIST REREGUARDER.
LI QUENS ROLLANT I FUT REMES, SIS NIES,
E OLIVER E TUIT LI XII PER,
DE CELS DE FRANCE XX MILIE ADUBEZ.
LI REIS MARSILIE S I CUMBATIT, LI BERS,
IL E ROLL EL CAMP FURENT REMES.
DE DURENDAL LI DUNAT UN COLP TEL,
LE DESTRE POIGN LI AD DEL CORS SEVRET,
SUN FILZ AD MORT QU IL TANT SULEIT AMER
E LI BARON QU IL I OUT AMENET.
FUIANT S EN VINT, QU IL N I POUT MES ESTER. LI EMPERERE L AD
ENCHALCET ASEZ.
LI REIS MANDET QUE VOS LE SUCUREZ,
QUITE VUS CLEIMET D ESPAIGNE LE REGNET[. E BALIGANT
CUMENCET A PENSER,
SI GRANT DOEL AD, POR POI QU IL N EST DESVET. AOI. [SIRE
AMIRALZ[, DIST CLARIENS,
[EN RENCESVALS UNE BATAILLE OUT IER.
MORZ EST ROLL E LI QUENS OLIVER,
LI XII PER QUE CARL AVEIT TANT CHER.
DE LUR FRANCEIS I AD MORT XX MILLERS.
LI REIS MARSILIE LE DESTRE POIGN I PERDIET, E L EMPERERE ASEZ L
AD ENCHALCET,
EN CESTE TERE N EST REMES CHEVALER
NE SEIT OCIS O EN SEBRE NEIET.
DESUR LA RIVE SUNT FRANCES HERBERGIEZ,
EN CEST PAIS NUS SUNT TANT APROECIEZ,
SE VOS VOLEZ, LI REPAIRES ERT GREFS[.
E BALIGANT LE REGUART EN AD FIERS,
EN SUN CURAGE EN EST JOUS E LIET,
DEL FALDESTOD SE REDRECET EN PIEZ,
PUIS ESCRIET, [BARUNS, NE VOS TARGEZ,
EISSEZ DES NEFS, MUNTEZ, SI CEVALCIEZ.
S OR NE S EN FUIT KARLEMAGNE LI VEILZ,
LI REIS MARSILIE ENQUI SERAT VENGET.
PUR SUN POIGN DESTRE L EN LIVERAI LE CHES[. PAIEN D ARABE DES
NEFS SE SUNT EISSUT,
PUIS SUNT MUNTEZ ES CHEVALS E ES MULS,
SI CHEVALCHERENT, QUE FEREIENT IL PLUS$
LI AMIRALZ, KI TRESTUZ LES ESMUT,
SIN APELET GEMALFIN, UN SUN DRUT,
[JO TE CUMANT DE TUTE MES OZ L AUN[.
PUIS EST MUNTE EN UN SUN DESTRER BRUN,
ENSEMBL OD LUI EMMEINET IIII DUX,
TANT CHEVALCHAT QU EN SARRAGUCE FUT.
A UN PERRON DE MARBRE EST DESCENDUZ,
E QUATRE CUNTES L ESTREU LI UNT TENUT.
PAR LES DEGREZ EL PALEIS MUNTET SUS,
E BRAMIDONIE VIENT CURANT CUNTRE LUI,
SI LI AD DIT, [DOLENTE, SI MARE FUI.
A ITEL HUNTE, SIRE, MON SEIGNOR AI PERDUT[. CHET LI AS PIEZ, LI
AMIRALZ LA RECUT,
SUS EN LA CHAMBRE AD DOEL EN SUNT VENUT. AOI. LI REIS
MARSILIE, CUM IL VEIT BALIGANT,
DUNC APELAT DUI SARRAZIN ESPANS,
[PERNEZ M AS BRAZ, SI M DRECEZ EN SEDANT[. AL PUIGN SENESTRE
AD PRIS UN DE SES GUANZ. CO DIST MARSILIE, [SIRE REIS AMIRALZ,
TRESTUTE ESPAIGNE ICI ES MAINS VOS RENT
E SARRAGUCE E L ONUR QU I APENT.
MEI AI PERDUT E TUTE MA GENT[.
E CIL RESPUNT, [TANT SUI JO PLUS DOLENT, NE POIS A VOS TENIR
LUNG PARLEMENT.
JO SAI ASEZ QUE CARL NE M ATENT,
E NEPURQUANT DE VOS RECEIF LE GUANT[.
AL DOEL QU IL AD S EN EST TURNET PLURANT. AOI. PAR LES DEGREZ
JUS DEL PALEIS DESCENT,
MUNTET EL CEVAL, VIENT A SA GENT PUIGNANT. TANT
CHEVALCHAT, QU IL EST PREMERS DEVANT, DE URES AD ALTRES SI SE
VAIT ESCRIANT,
[VENEZ PAIEN, CAR JA S EN FUIENT FRANC[. AOI. AL MATIN QUANT
PRIMES PERT LI ALBE,
ESVEILLEZ EST LI EMPERERE CARLES.
SEIN GABRIEL KI DE PART DEU LE GUARDE,
LEVET SA MAIN,SUR LUI FAIT SUN SIGNACLE. LI REIS DESCENT,SI AD
RENDUT SES ARMES,
SI SE DESARMENT PAR TUTE L OST LI ALTRE,

PUIS SUNT MUNTET,PAR GRANT VERTUT CHEVALCHENT CEZ VEIES
LUNGES E CEZ CHEMINS MULT LARGES, SI VUNT VEDEIR LE
MERVEILLUS DAMAGE
EN RENCESVALS,LA O FUT LA BATAILLE. AOI. EN RENCESVALS EN EST
CARL VENUZ,
DES MORZ QU IL TROEVET,CUMENCET A PLURER. DIST A
FRANCEIS,@SEGNURS LE PAS TENEZ.
KAR MEI MEISME ESTOET AVANT ALER
PUR MUN NEVULD ,QUE VULDREIE TRUVER.
A EIS ESTEIE A UNE FESTE ANOEL,
SI SE VANTERENT MI VAILLANT CHEVALER
DE GRANZ BATAILLES DE FORZ ESTURS PLENERS, D UNE RAISUN OI
ROLL PARLER.
JA NE MURREIT EN ESTRANGE REGNET,
NE TRESPASSAST SES HUMES E SES PERS,
VERS LUR PAIS AVREIT SUN CHEF TURNET,
CUNQUERRANTMENT SI FINEREIT LI BERS.@
PLUS QU EN NE POET UN BASTUNCEL JETER,
DEVANT LES ALTRES EST EN UN PUI MUNTET.
QUANT L EMPERERES VAIT QUERRE SUN NEVOLD, DE TANTES HERBES
EL PRE TRUVAT LES FLORS, KI SUNT VERMEILZ DEL SANC DE NOZ
BARONS. PITET EN AD,NE POET MUER,N EN PLURT.
DESUZ DOUS ARBRES PARVENUZ EST CARL,
LES COLPS ROLL CONUT EN TREIS PERRUNS,
SUR L ERBE VERTE VEIT GESIR SUN NEVULD.
NEN EST MERVEILLE,SE KARL AD IRUR,
DESCENT A PIED,ALED I EST PLEINS CURS,
ENTRE SES MAINS ANSDOUS PRENT LE BARUN,
SUR LUI SE PASMET,TANT PAR EST ANGUISSUS. LI EMPERERES DE
PASMEISUNS REVINT.
NAIMES LI DUX E LI QUENS ACELIN
GEFREI D ANJOU E SUN FRERE TIERRI
PRENENT LE REI,SIL DRECENT SUZ UN PIN.
GUARDET A LA TERE,VEIT SUN NEVOLD GESIR, TANT DULCEMENT A
REGRETER LE PRIST.
@AMIS ROLL DE TEI AIT DEUS MERCIT.
UNQUES NULS HOM TEL CHEVALER NE VIT
POR GRANZ BATAILLES JUSTER E DEFENIR.
LA MEIE HONOR EST TURNET EN DECLIN.@
CARL SE PASMET,NE S EN POUT ASTENIR. AOI. CARL LI REIS SE VINT
DE PASMEISUNS,
PAR MAINS LE TIENENT IIII DE SES BARONS, GUARDET A TERE,VEIT
GESIR SUN NEVULD.
CORS AD GAILLARD,PERDUE AD SA CULUR
TURNEZ SES OILZ,MULT LI SUNT TENEBROS.
CARL LE PLEINT PAR FEID E PAR AMUR.
@AMI ROLL DEUS METET T ANME EN FLORS
EN PAREIS ENTRE LES GLORIUS.
CUM EN ESPAIGNE VENIS A MAL SEIGNUR.
JAMAIS N ERT JURN,DE TEI N AIE DULUR.
CUM DECARRAT MA FORCE E MA BALDUR.
NEN AVRAI JA,KI SUSTIENGET M ONUR,
SUZ CIEL NE QUID AVEIR AMI UN SUL.
SE JO AI PARENZ,NEN I AD NUL SI PROZ.@
TRAIT SES CRIGNELS PLEINES SES MAINS AMSDOUS, CENT MILIE
FRANC EN UNT SI GRANT DULUR,
NEN I AD CEL,KI DUREMENT NE PLURT. AOI.
@AMI ROLL JO M EN IRAI EN FRANCE.
CUM JO SERAI A LOUN EN MA CHAMBRE,
DE PLUSURS REGNES VENDRUNT LI HUME ESTRANGE,
DEMANDERUNT,@U EST QUENS CATAIGNES$@
JO LUR DIRRAI,QU IL EST MORZ EN ESPAIGNE. A GRANT DULUR
TENDRAI PUIS MUN REIALME.
JAMAIS N ERT JUR,QUE NE PLUR,NE N EN PLEIGNE.@ @AMI ROLL
PROZDOEM JUVENTE BELE
CUM JO SERAI A EIS EM MA CHAPELE,
VENDRUNT LI HUME,DEMANDERUNT NOVELES.
JES LUR DIRRAI MERVEILLUSES E PESMES.
MORZ EST MIS NIES ,KI TANT ME FIST CUNQUERE. ENCUNTRE MEI
REVELERUNT LI SEISNE
E HUNGRE E BUGRE E TANTE GENT AVERSE
ROMAIN PUILLAIN E TUIT ICIL DE PALERNE
E CIL D AFFRIKE E CIL DE CALIFERNE,
PUIS ENTRERUNT MES PEINES E MES SUFFRAITES. KI GUIERAT MES OZ
A TEL POESTE,
QUANT CIL EST MORZ ,KI TUZ JURZ NOS CADELET$ E DULCE FRANCE
CUM REMEINES DESERTE.
SI GRANT DOEL AI,QUE JO NE VULDREIE ESTRE.@ SA BARBE BLANCHE
CUMENCET A DETRAIRE
AD AMBES MAINS LES CHEVELS DE SA TESTE,
CENT MILIE FRANCS S EN PASMENT CUNTRE TERE. @AMI ROLL DE TEI
AIT DEUS MERCIT,
L ANME DE TEI SEIT MISE EN PAREIS.
KI TEI AD MORT,FRANCE AD MIS EN EXILL.
SI GRANT DOL AI,QUE NE VOLDREIE VIVRE.
DE MA MAISNEE KI POR MEI EST OCISE.
CO DUINSET DEUS LE FILZ SEINTE MARIE,
EINZ QUE JO VIENGE AS MAISTRES PORZ DE SIRIE, L ANME DEL CORS
ME SEIT OI DEPARTIE
ENTRE LES LUR ALUEE E MISE,
E MA CAR FUST DELEZ ELS ENFUIE.@
PLORET DES OILZ,SA BLANCHE BARBE TIRET.
E DIST DUX NAIMES,@OR AD CARL GRANT IRE.@ AOI. @SIRE
EMPERERE@CO DIST GEFREI D ANJOU,
@CESTE DOLOR NE DEMENEZ TANT FORT.
PAR TUT LE CAMP FAITES QUERRE LES NOZ,
QUE CIL D ESPAIGNE EN LA BATAILLE UNT MORT, EN UN CARNEL
CUMANDEZ,QUE HOM LES PORT.@ CO DIST LI REIS,@SUNEZ EN
VOSTRE CORN.@ AOI. GEFREID D ANJOU AD SUN GREISLE SUNET.
FRANCEIS DESCENDENT, CARL L AD COMANDET, TUZ LUR AMIS QU IL
I UNT MORZ TRUVET,
AD UN CARNER SEMPRES LES UNT PORTET.
ASEZ I AD EVESQUES E ABEZ,
MUNIES CANONIES PROVEIRES CORONEZ,
SIS UNT ASOLS E SEIGNEZ DE PART DEU,
MIRRE E TIMONIE I FIRENT ALUMER,
GAILLARDEMENT TUZ LES UNT ENCENSEZ,
A GRANT HONOR POIS LES UNT ENTERREZ,
SIS UNT LAISEZ, QU EN FEREIENT IL EL$ AOI. LI EMPERERE FAIT ROLL
COSTEIR
E OLIVER E L ARCEVESQUE TURPIN,
DEVANT SEI LES AD FAIT TUZ UVRIR
E TUZ LES QUERS EN PAILE RECUILLIR,
UN BLANC SARCOU DE MARBRE SUNT ENZ MIS.
E PUIS LES CORS DES BARONS SI UNT PRIS,
EN QUIRS DE CERF LES SEIGNURS UNT MIS,
BEN SUNT LAVEZ DE PIMENT E DE VIN.
LI REIS CUMANDET TEDBALT E GEBUIN
MILUN LE CUNTE E OTES LE MARCHIS,
@EN III CARETTES LES GUIEZ AL CHEMIN.@
BIEN SUNT CUVERZ D UN PALIE GALAZIN.AOI. .
VENIR S EN VOLT LI EMPERERE CARLES,
QUANT DE PAIENS LI SURDENT LES ENGUARDES. DE CELS DEVANT I
VINDRENT DUI MESSAGES,
DEL AMIRAIL LI NUNCENT LA BATAILLE,
[REIS ORGUILLOS, NEN EST FINS QUE T EN ALGES. VEIZ BALIGANT KI
APRES TEI CHEVALCHENT.
GRANZ SUNT LES OZ QU IL AMEINET D ARABE. ENCOI VERRUM SE TU
AS VASSELAGE.[ AOI.
CARLES LI REIS EN AD PRISE SA BARBE,
SI LI REMEMBRET DEL DOEL E DEL DAMAGE,
MULT FIEREMENT TUTE SA GENT REGUARDET,
PUIS SI S ESCRIET A SA VOIZ GRAND E HALTE, [BARONS FRANCEIS, AS
CHEVALS E AS ARMES[. AOI. LI EMPERERES TUZ PREMEREINS S
ADUBET,
ISNELEMENT AD VESTUE SA BRUNIE,
LACET SUN HELME, SI AD CEINTE JOIUSE
KI PUR SOLEILL SA CLARTET NEN ESCUNSET,
PENT A SUN COL UN ESCUT DE BITERNE,
TIENT SUN ESPIET, SIN FAIT BRANDIR LA HANSTE, EN TENCENDUR,
SUN BON CHEVAL, PUIS MUNTET- IL LE CUNQUIST ES GUEZ DESUZ
MARSUNE,
SIN GETAT MORT MALPALIN DE NERBONE-
LASCHET LA RESNE, MULT SUVENT L ESPERONET, FAIT SUN ESLAIS,
VEANT CENT MIL HUMES, AOI. RECLEIMET DEU E L APOSTLE DE
ROME.
PAR TUT LE CHAMP CIL DE FRANCE DESCENDENT, PLUS DE CENT
MILIE S EN ADUBENT ENSEMBLE. GUARNEMENZ UNT KI BEN LOR
ATALENTENT,
CEVALS CURANZ E LUR ARMES MULT GENTES.
PUIS SUNT MUNTEZ E UNT GRANT SCIENCE.
S IL TROEVENT OU, BATAILLE QUIDENT RENDRE. CIL GUNFANUN SUR
LES HELMES LUR PENDENT. QUANT CARLES VEIT SI BELES
CUNTENANCES,
SIN APELAT JOZERAN DE PROVENCE,
NAIMON LI DUC, ANTELME DE MAIENCE,
[EN TELS VASSALS DEIT HOM AVEIR FIANCE,
ASEZ EST FOLS KI ENTR ELS SE DEMENTE.
SI ARRABIZ DE VENIR NE SE REPENTENT,
LA MORT ROLL LUR QUID CHEREMENT RENDRE[. RESPUNT DUX
NEIMES,[E DEUS LE NOS CUNSENTE[. AOI. CARLES APELET RABEL E
GUINEMAN,
CO DIST LI REIS,[SEIGNURS, JO VOS CUMANT, SEIEZ ES LIUS OLIVER E
ROLL.
L UN PORT L ESPEE E L ALTRE L OLIFANT,
SI CHEVALCEZ EL PREMER CHEF DEVANT,
ENSEMBL OD VOS XV MILIE DE FRANCS,
DE BACHELERS DE NOZ MEILLORS VAILLANZ.
APRES ICELS EN AVRAT ALTRETANT,
SIS GUIERAT GIBUINS E LORAINS[.
NAIMES LI DUX E LI QUENS JOZERANS
ICEZ ESCHIELES BEN LES VUNT AJUSTANT.
S IL TROEVENT OU ,BATAILLE I ERT MULT GRANT. AOI. DE FRANCEIS
SUNT LES PREMERES ESCHELES.
APRES LES DOUS ESTABLISENT LA TERCE.
EN CELE SUNT LI VASSAL DE BAIVERE,

A XX MILIE CHEVALERS LA PREISERENT.
JA DEVERS ELS BATAILLE N ERT LESSEE,
SUZ CEL N AD GENT QUE CARLES AIT PLUS CHERE FORS CELS DE
FRANCE KI LES REGNES CUNQUERENT. LI QUENS OGER LI DANEIS, LI
PUINNERES,
LES GUIERAT, KAR LA CUMPAIGNE EST FIERE. AOI. TREIS ESCHELES AD
L EMPERERE CARLES,
NAIMES LI DUX PUIS ESTABLIST LA QUARTE
DE TELS BARONS QU ASEZ UNT VASSELAGE,
ALEMANS SUNT E SI SUNT D ALEMAIGNE.
VINT MILIE SUNT, CO DIENT TUIT LI ALTRE. BEN SUNT GUARNIZ E DE
CHEVALS E D ARMES. JA POR MURIR NE GUERPIRUNT BATAILLE,
SI S GUIERAT HERMANS LI DUX DE TRACE.
EINZ I MURAT QUE CUARDISE I FACET. AOI.
NAIMES LI DUX E LI QUENS JOZERANS
LA QUINTE ESCHELE UNT FAITE DE NORMANS,
XX MILIE SUNT, CO DIENT TUIT LI FRANC.
ARMES UNT BELES E BONS CEVALS CURANZ,
JA PUR MURIR CIL N ERENT RECREANZ.
SUZ CIEL N AD GENT KI PLUS POISSENT EN CAMP. RICHARD LI VELZ
LES GUIERAT EL CAMP,
CIL I FERRAT DE SUN ESPIET TRENCHANT. AOI. LA SISTE ESCHELE UNT
FAITE DE BRETUNS,
XXX MILIE CHEVALERS OD ELS UNT.
ICIL CHEVALCHENT EN GUISE DE BARON,
PEINTES LUR HANSTES, FERMEZ LUR GUNFANUN. LE SEIGNUR D ELS
EST APELET OEDUN.
ICIL CUMANDET LE CUNTE NEVELUN,
TEDBALD DE REINS E LE MARCHIS OTUN,
[GUIEZ MA GENT. JO VOS EN FAZ LE DUN[. AOI. LI EMPERERE AD VI
ESCHELES FAITES,
NAIMES LI DUX PUIS ESTABLIST LA SEDME
DE PEITEVINS E DES BARONS D ALVERNE,
XL MILIE CHEVALERS POEENT ESTRE.
CHEVALS UNT BONS E LES ARMES MULT BELES. CIL SUNT PAR ELS EN
UN VAL SUZ UN TERTRE, SIS BENEIST CARLES DE SA MAIN DESTRE.
ELS GUIERAT JOZERANS E GODSELMES. AOI.
E L OIDME ESCHELE AD NAIMES ESTABLIE,
DE FLAMENGS EST E DES BARONS DE FRISE,

CHEVALERS UNT PLUS DE XL MILIE.
JA DEVERS ELS N ERT BATAILLE GUERPIE.
CO DIST LI REIS [CIST FERUNT MUN SERVISE. ENTRE REMBALT E
HAMON DE GALICE
LES GUIERUNT TUT PAR CHEVALERIE[. AOI.
ENTRE NAIMON E JOZERAN LE CUNTE
LA NOEFME ESCHELE UNT FAITE DE PROZDOMES, DE LOHERENGS E
DE CELS DE BORGOIGNE,
L MILIE CHEVALERS UNT PAR CUNTE,
HELMES LACIEZ E VESTUES LOR BRONIES,

ESPIEZ UNT FORZ E LES HANSTES SUNT CURTES. SI ARRABIZ DE VENIR
NE DEMURENT,
CIL LES FERRUNT, S IL A ELS S ABANDUNENT. SIS GUIERAT TIERRIS, LI
DUX D ARGONE. AOI. LA DISME ESCHELE EST DES BARUNS DE
FRANCE. CENT MILIE SUNT DE NOZ MEILLORS CATAIGNES, CORS UNT
GAILLARZ E FIERES CUNTENANCES,
LES CHEFS FLURIZ E LES BARBES UNT BLANCHES, OSBERCS VESTUZ E
LUR BRUNIES DUBLEINES,
CEINTES ESPEES FRANCEISES E D ESPAIGNE,
ESCUZ UNT GENZ DE MULTES CUNOISANCES.
PUIS SUNT MUNTEZ, LA BATAILLE DEMANDENT, MUNJOIE ESCRIENT.
OD ELS EST CARLEMAGNE. GEFREID D ANJOU PORTET L ORIEFLAMBE,
SEINT PIERE FUT, SI AVEIT NUM ROMAINE.
MAIS DE MUNJOIE ILOEC OUT PRIS ESCHANGE. AOI. LI EMPERERE DE
SUN CHEVAL DESCENT,
SUR L ERBE VERTE S EN EST CULCHET ADENZ, TURNET SUN VIS VERS
LE SOLEILL LEVANT,
RECLEIMET DEU MULT ESCORDUSEMENT,
[VEIRE PATERNE, HOI CEST JOR ME DEFEND,
KI GUARESIS JONAS TUT VEIREMENT
DE LA BALEINE KI EN SUN CORS L AVEIT
E ESPARIGNAS LE REI DE NINIVEN
E DANIEL DEL MERVEILLUS TURMENT

ENZ EN LA FOSSE DES LEONS O FUT ENZ,
LES III ENFANZ TUT EN UN FOU ARDANT.
LA TUE AMURS ME SEIT HOI EN PRESENT.
PAR TA MERCIT, SE TEI PLAIST, ME CUNSENT QUE MUN NEVOLD
POISSE VENGER, ROLL[.
CUM AD ORET, SI SE DRECET EN ESTANT,
SEIGNAT SUN CHEF DE LA VERTUT POISANT.
MUNTET LI REIS EN SUN CHEVAL CURANT,
L ESTREU LI TINDRENT NEIMES E JOCERANS,
PRENT SUN ESCUT E SUN ESPIET TRENCHANT.
GENT AD LE CORS, GAILLART E BEN SEANT,
CLER LE VISAGE E DE BON CUNTENANT,
PUIS SI CHEVALCHET MULT AFICHEEMENT.
SUNENT CIL GREISLE E DERERE E DEVANT,
SUR TUZ LES ALTRES BUNDIST LI OLIFANT.
PLURENT FRANCEIS PUR PITET DE ROLL.
MULT GENTEMENT LI EMPERERE CHEVALCHET,
DESUR SA BRONIE FORS AD MISE SA BARBE.
PUR SUE AMOR ALTRETEL FUNT LI ALTRE,
CENT MILIE FRANCS EN SUNT RECONOISABLE.
PASSENT CEZ PUIS E CEZ ROCHES PLUS HALTES, E CEZ PARFUNZ, CES
DESTREIZ ANGUISABLES, ISSENT DES PORZ E DE LA TERE GUASTE,
DEVERS ESPAIGNE SUNT ALEZ EN LA MARCHE,
EN UN EMPLEIN UNT PRISE LUR ESTAGE.
A BALIGANT REPAIRENT SES ENGUARDES.
UNS SULIANS KI AD DIT SUN MESSAGE.
[VEUD AVUM LI ORGUILLUS REIS CARLES.
FIERS SUNT SI HUME, N UNT TALENT QU IL LI FAILLENT. ADUBEZ VUS,
SEMPRES AVREZ BATAILLE[.
DIST BALIGANT,[OR OI GRANT VASSELAGE.
SUNEZ VOZ GRAISLES, QUE MI PAIEN LE SACENT[. PAR TUTE L OST
FUNT LUR TABURS SUNER,
E CEZ BUISINES E CEZ GREISLES MULT CLER. PAIEN DESCENDENT PUR
LUR CORS ADUBER.
LI AMIRALZ NE SE VOELT DEMURER,
VEST UNE BRONIE DUNT LI PAN SUNT SAFFRET, LACET SUN HELME KI
AD OR EST GEMMET,
PUIS CEINT S ESPEE AL SENESTRE COSTET.
PAR SUN ORGOILL LI AD UN NUM TRUVET,
PUR LA CARLUN DUNT IL OIT PARLER
DUMMY LINE
CO ERT S ENSEIGNE EN BATAILLE CAMPEL,
SES CEVALERS EN AD FAIT ESCRIER.
PENT A SUN COL UN SOEN GRANT ESCUT LET,
D OR EST LA BUCLE E DE CRISTAL LISTET,
LA GUIGE EN EST D UN BON PALIE ROET.
TIENT SUN ESPIET, SI L APELET MALTET,
LA HANSTE GROSSE CUME UNS TINELS,
DE SUL LE FER FUST UNS MULEZ TRUSSET.
EN SUN DESTRER BALIGANT EST MUNTET,
L ESTREU LI TINT MARCULES D ULTRE MER.
LA FORCEURE AD ASEZ GRANT LI BER,
GRAISLES LES FLANCS E LARGES LES COSTEZ, GROS AD LE PIZ,
BELEMENT EST MOLLET,
LEES LES ESPALLES E LE VIS AD MULT CLER, FIER LE VISAGE, LE CHEF
RECERCELET,
TANT PAR ERT BLANCS CUME FLUR EN ESTET,
DE VASSELAGE EST SUVENT ESPROVET.
DEUS, QUEL BARON, S OUST CHRESTIENTET.
LE CHEVAL BROCHET, LI SANCS EN IST TUZ CLERS. FAIT SUN ESLAIS, SI
TRESSALT UN FOSSET,
CINQUANTE PEZ I POET HOM MESURER.
PAIEN ESCRIENT,[CIST DEIT MARCHES TENSER. N I AD FRANCEIS, SI A
LUI VIENT JUSTER,
VOEILLET O NUN, N I PERDET SUN EDET.
CARLES EST FOLS QUE NE S EN EST ALET[. AOI. LI AMIRALZ BEN
RESEMBLET BARUN,
BLANCHE AD LA BARBE ENSEMENT CUME FLUR
E DE SA LEI MULT PAR EST SAIVES HOM
E EN BATAILLE EST FIERS E ORGOILLUS.
SES FILZ MALPRAMIS MULT EST CHEVALERUS,
GRANZ EST E FORZ E TRAIT AS ANCEISURS.
DIST A SUN PERE, [SIRE, CAR CEVALCHUM.
MULT ME MERVEILL SE JA VERRUM CARLUN[.
DIST BALIGANT, [OIL, CAR MULT EST PROZ.
EN PLUSURS GESTES DE LUI SUNT GRANZ HONURS. IL NEN AT MIE DE
ROLL SUN NEVOLD,
N AVRAT VERTUT QUES TIENGET CUNTRE NUS[. AOI. [BELS FILZ
MALPRAMIS[, CO LI DIST BALIGANT, [LI ALTRER FUT OCIS LE BON
VASSAL ROLL
E OLIVER, LI PROZ E LI VAILLANZ,
LI XII PER QUI CARLES AMAT TANT,
DE CELS DE FRANCE XX MILIE CUMBATANZ.
TRESTUZ LES ALTRES NE PRIS JO MIE UN GUANT[. [LI EMPERERES
REPAIRET VEIREMENT,
SIL M AT NUNCIET MES NIES, LI SULIANS,
X ESCHELES EN UNT FAITES MULT GRANZ.
CIL EST MULT PROZ KI SUNET L OLIFANT,
D UN GRAISLE CLER RACATET SES CUMPAIGNZ
E SI CEVALCENT EL PREMER CHEF DEVANT,
ENSEMBL OD ELS XV MILIE DE FRANCS,
DE BACHELERS QUE CARL CLEIMET ENFANZ.
APRES ICELS EN I AD BEN ALTRETANZ.
CIL I FERRUNT MULT ORGOILLUSEMENT[.
DIST MALPRAMIS, [LE COLP VOS EN DEMANT[. AOI. [FILZ MALPRAMIS[,
BALIGANT LI AD DIT,
[JO VOS OTRI QUANQUE M AVEZ CI QUIS.
CUNTRE FRANCEIS SEMPRES IREZ FERIR,
SI I MERREZ TORLEU, LE REI PERSIS,
E DAPAMORT, UN ALTRE REI LEUTIZ.
LE GRANT ORGOILL SE JA PUEZ MATIR,
JO VOS DURRAI UN PAN DE MUN PAIS
DES CHERIANT ENTRESQU EN VAL MARCHIS[.
CIL RESPUNT, [SIRE, VOSTRE MERCIT[.
PASSET AVANT, LE DUN EN REQUEILLIT,
CO EST DE LA TERE KI FUT AL REI FLURIT,
A ITEL ORE UNCHES PUIS NE LA VIT,
NE IL N EN FUT NE VESTUT NE SAISIT.
LI AMIRAILL CHEVALCHET PAR CEZ OZ,
SIS FILZ LE SIUT KI MULT AD GRANT LE CORS. LI REIS TORLEUS E LI
REIS DAPAMORT
XXX ESCHELES ESTABLISSENT MULT TOST.
CHEVALERS UNT A MERVEILLUS ESFORZ.
EN LA MENUR L MILIE EN OUT.
LA PREMERE EST DE CELS DE BUTENTROT
E L ALTRE APRES DE MICENES AS CHEFS GROS, SUR LES ESCHINES QU
IL UNT ENMI LES DOS
CIL SUNT SEIET ENSEMENT CUME PORC. AOI.
E LA TERCE EST DE NUBLES E DE BLOS
E LA QUARTE EST DE BRUNS E D ESCLAVOZ
E LA QUINTE EST DE SORBRES E DE SORZ
E LA SISTE EST D ERMINES E DE MORS
E LA SEDME EST DE CELS DE JERICHO
E L OITME EST DE NIGRES E LA NOEFME DE GROS E LA DISME EST DE
BALIDE LA FORT,
CO EST UNE GENT KI UNCHES BEN NE VOLT. AOI. LI AMIRALZ EN
JURET QUANQU IL POET
DE MAHUMET LES VERTUZ E LE CORS,
[KARL DE FRANCE CHEVALCHET CUME FOLS,
BATAILLE I ERT, SE IL NE S EN DESTOLT,
JAMAIS N AVRAT EL CHEF CORONE D OR[.
DIS ESCHELES ESTABLISENT APRES.
LA PREMERE EST DES CANELIUS LES LAIZ,
DE VAL FUIT SUN VENUZ EN TRAVERS.
L ALTRE EST DE TURCS E LA TERCE DE PERS
E LA QUARTE EST DE PINCENEIS ENGRES
E LA QUINTE EST DE SOLTRAS E D AVERS
E LA SISTE EST D ORMALEUS E D EUGIEZ
E LA SEDME EST DE LA GENT SAMUEL,
L OIDME EST DE BRUISE E LA NOEFME DE CLAVERS E LA DISME EST D
OCCIAN LE DESERT,
CO EST UNE GENT KI DAMNEDEU NE SERT,
DE PLUS FELUNS N ORREZ PARLER JAMAIS,
DURS UNT LES QUIRS ENSEMENT CUME FER.
PUR CO N UNT SOIGN DE ELME NE D OSBERC.
EN LA BATAILLE SUNT FELUN E ENGRES. AOI. LI AMIRALZ X ESCHELES
AJUSTED.
LA PREMERE EST DES JAIANZ DE MALPRUSE,
L ALTRE EST DE HUMS E LA TERCE DE HUNGRES E LA QUARTE EST DE
BALDISE LA LUNGE
E LA QUINTE EST DE CELS DE VAL PENUSE
E LA SISTE EST DE MARUSE
E LA SEDME EST DE LEUS E D ASTRIMONIES,
L OIDME EST D ARGOILLES E LA NOEFME DE CLARBONE E LA DISME
EST DES BARBEZ DE FRONDE,
CO EST UNE GENT KI DEU NEN AMAT UNKES.
GESTE FRANCOR XXX ESCHELES I NUMBRENT.
GRANZ SUNT LES OZ U CEZ BUISINES SUNENT, PAIEN CHEVALCHENT
EN GUISE DE PRODUME. AOI. LI AMIRALZ MULT PAR EST RICHES
HOEM,
DEDAVANT SEI FAIT PORTER SUN DRAGON
E L ESTANDART TERVAGAN E MAHUM
E UN YMAGENE APOLIN LE FELUN.
DES CANELIUS CHEVALCHENT ENVIRUN.
MULT HALTEMENT ESCRIENT UN SERMUN,
[KI PAR NOZ DEUS VOELT AVEIR GUARISON,
SI S PRIT E SERVET PAR GRANT AFFLICTIUN[. PAIEN I BAISSENT LUR
CHEFS E LUR MENTUN, LOR HELMES CLERS I SUZCLINENT ENBRUNC.
DIENT FRANCEIS, [SEMPRES MURREZ, GLUTUN. DE VOS SEIT HOI MALE
CONFUSIUN.
LI NOSTRE DEU, GUARANTISEZ CARLUN.
CESTE BATAILLE SEIT VUEE EN SUN NUM[. AOI. LI AMIRALZ EST MULT
DE GRANT SAVEIR,
A SEI APELET SIS FILZ E LES DOUS REIS,
[SEIGNURS BARONS, DEVANT CHEVALCHEREIZ,
MES ESCHELES TUTES LES GUIEREIZ.
MAIS DES MEILLORS VOEILL JO RETENIR TREIS, L UN ERT DE TURCS E L
ALTRE D ORMALEIS
E LA TERCE EST DES JAIANZ DE MALPREIS.
CIL D OCIANT IERENT ENSEMBL OT MEI,
SI JUSTERUNT A CHARLES E A FRANCEIS.
LI EMPERERE, S IL SE CUMBAT OD MEI,
DESUR LE BUC LA TESTE PERDRE EN DEIT.
TRESTUT SEIT FIZ, N I AVRAT ALTRE DREIT[. AOI. GRANZ SUNT LES OZ
E LES ESCHELES BELES,
ENTR ELS NEN AT NE PUI NE VAL NE TERTRE, SELVE NE BOIS,
ASCONSE N I POET ESTRE.
BEN S ENTREVEIENT ENMI LA PLEINE TERE.
DIST BALIGANT, [LA MEIE GENT AVERSE,
CAR CHEVALCHEZ PUR LA BATAILLE QUERE[.
L ENSEIGNE PORTET AMBORRES D OLUFERNE.
PAIEN ESCRIENT, PRECIEUSE I APELENT.
DIENT FRANCEIS, [DE VOS SEIT HOI GRANT PERTE[. MULT HALTEMENT
MUNJOIE RENUVELENT.
LI EMPERERE I FAIT SUNER SES GREISLES
E L OLIFAN KI TRESTUZ LES ESCLAIRET.
DIENT PAIEN, [LA GENT CARLUN EST BELE.
BATAILLE AVRUM E ADUREE E PESME[. AOI.
GRANT EST LA PLAIGNE E LARGE LA CUNTREE. LUISENT CIL ELME AS
PERRES D OR GEMMEES
E CEZ ESCUZ E CEZ BRONIES SAFREES
E CEZ ESPIEZ, CEZ ENSEIGNES FERMEES.
SUNENT CEZ GREISLES, LES VOIZ EN SUNT MULT CLERES, DE L OLIFAN
HALTES SUNT LES MENEES.
LI AMIRALZ EN APELET SUN FRERE,
CO EST CANABEUS, LI REIS DE FLOREDEE,
CIL TINT LA TERE ENTRESQU EN VAL SEVREE. LES ESCHELES
CHARLUN LI AD MUSTREES,
[VEEZ L ORGOIL DE FRANCE LA LOEE.
MULT FIEREMENT CHEVALCHET LI EMPERERE,
IL EST DARERE OD CELE GENT BARBEE.
DESUR LUR BRONIES LUR BARBES UNT GETEES
ALTRESI BLANCHES CUME NEIF SUR GELEE,
CIL I FERRUNT DE LANCES E D ESPEES,
BATAILLE AVRUM E FORTE E ADUREE,
UNKES NULS HOM NE VIT TEL AJUSTEE.
PLUS QU OM NE LANCET UNE VERGE PELEE
BALIGANT AD SES CUMPAIGNES TRESPASSEES,
UNE RAISUN LUR AD DIT E MUSTREE,
[VENEZ, PAIEN, KAR JON IRAI EN L ESTREE[. DE SUN ESPIET LA
HANSTE EN AD BRANLEE,
ENVERS KARLUN LA MURE EN AD TURNEE. AOI. CARLES LI MAGNES,
CUM IL VIT L AMIRAILL
E LE DRAGON, L ENSEIGNE E L ESTANDART-
DE CELS D ARABE SI GRANT FORCE I PAR AD, DE LA CONTREE UNT
PORPRISES LES PARZ,
NE MES QUE TANT CUME L EMPERERES EN AD-
LI REIS DE FRANCE S EN ESCRIET MULT HALT, [BARUNS FRANCEIS, VOS
ESTES BONS VASSALS, TANTES BATAILLES AVEZ FAITES EN CAMPS.
VEEZ PAIEN, FELUN SUNT E CUART,
TUTES LOR LEIS UN DENER NE LUR VALT.
S IL UNT GRANT GENT, D ICO ,SEIGNURS, QUI CALT$ KI OR NE VOELT A
MEI VENIR S EN ALT[.
DES ESPERONS PUIS BROCHET LE CHEVAL,
E TENCENDOR LI AD FAIT IIII SALZ.
DIENT FRANCEIS, [ICIST REIS EST VASSALS. CHEVALCHEZ , BERS, NUL
DE NUS NE VUS FALT[. CLERS FUT LI JURZ E LI SOLEILZ LUISANZ.
LES OZ SUNT BELES E LES CUMPAIGNES GRANZ, JUSTEES SUNT LES
ESCHELES DEVANT.
LI QUENS RABELS E LI QUENS GUINEMANS
LASCENT LES RESNES A LOR CEVALS CURANZ,
BROCHENT A EIT. DUNC LAISENT CURRE FRANCS, SI VUNT FERIR DE
LUR ESPIEZ TRENCHANZ.AOI. LI QUENS RABELS EST CHEVALER
HARDIZ,
LE CHEVAL BROCHET DES ESPERUNS D OR FIN, SI VAIT FERIR TORLEU
LE REI PERSIS,
N ESCUT NE BRONIE NE POUT SUN COLP TENIR, L@ESPIET A OR LI AD
ENZ EL CORS MIS,
QUE MORT L ABAT SUR UN BOISSUN PETIT.
DIENT FRANCEIS, [DAMNEDEUS NOS AIT[.
CARLES AD DREIT, NE LI DEVOM FAILLIR[. AOI. E GUINEMAN JUSTET A
UN REI LEUTICE,
TUTE LI FREINT LA TARGE KI EST FLURIE,
APRES LI AD LA BRONIE DESCUNFITE,
TUTE L ENSEIGNE LI AD ENZ EL CORS MISE,
QUE MORT L ABAT, KI QU EN PLURT U KIN RIET. A ICEST COLP CIL DE
FRANCE S ESCRIENT,
[FEREZ, BARON, NE VOS TARGEZ MIE.
CARLES AD DREIT VERS LA GENT
DEUS NUS AD MIS AL PLUS VERAI JUISE[.AOI. MALPRAMIS SIET SUR UN
CHEVAL TUT BLANC,
CUNDUIT SUN CORS EN LA PRESSE DES FRANCS, DE URES ES ALTRES
GRANZ COLPS I VAIT FERANT, L UN MORT SUR L ALTRE SUVENT VAIT
TRESCEVANT. TUT PREMEREINS S ESCRIET BALIGANT,
[LI MIEN BARON, NURRIT VOS AI LUNG TENS, VEEZ MUN FILZ,
CARLUN VAIT QUERANT,
A SES ARMES TANZ BARINS CALUNJANT,
MEILLOR VASSAL DE LUI JA NE DEMANT.
SUCCUREZ LE A VOZ ESPIEZ TRENCHANT[.
A ICEST MOT PAIEN VENENT AVANT,
DURS COLPS I FIERENT, MULT EST LI CAPLES GRANZ. LA BATAILLE EST
MERVEILLUSE E PESANT,
NE FUT SI FORT ENCEIS NE PUIS CEL TENS. AOI. GRANZ SUNT LES OZ E
LES CUMPAIGNES FIERES, JUSTEES SUNT TRESTUTES LES ESCHELES.
E LI PAIEN MERVEILLUSEMENT FIERENT.
DEUS, TANTES HANSTES I AD PAR MI BRISEES, ESCUZ FRUISEZ E
BRONIES DESMAILLEES.
LA VEISEZ LA TERE SI JUNCHEE.
L ERBE DEL CAMP KI EST VERTE E DELGEE
DUMMY LINE
LI AMIRALZ RECLEIMET SA MAISNEE,
[FEREZ BARON, SUR LA GENT CHRESTIENE[.
LA BATAILLE EST MULT DURE E AFICHEE,
UNC EINZ NE PUIS NE FUT SI FORT AJUSTEE. JOSQU A LA NEN ERT FINS
OTRIEE. AOI.
LI AMIRALZ LA SUE GENT APELET,
[FEREZ, PAIEN, POR EL VENUD N I ESTES.
JO VOS DURRAI MUILLERS GENTES E BELES,
SI VOS DURAI FEUS E HONORS E TERES[.
PAIEN RESPUNDENT, [NUS LE DEVUNS BEN FERE[. A COLPS PLENERS
DE LOR ESPIEZ I PERDENT, PLUS DE CENT MILIE ESPEES I UNT TRAITES.
AIS VOS LE CAPLE E DULURUS E PESMES.
BATAILLE VEIT CIL KI ENTRE ELS VOLT ESTRE. AOI. LI EMPERERE
RECLEIMET SES FRANCEIS,
[SEIGNORS BARONS, JO VOS AIM, SI VOS CREI. TANTES BATAILLES
AVEZ FAITES PUR MEI,
REGNES CUNQUIS E DESORDENET REIS.
BEN LE CONUIS QUE GUEREDUN VOS EN DEI
E DE MUN CORS, DE TERES E D AVEIR.
VENGEZ VOZ FILZ, VOZ FRERES E VOZ HEIRS
QU EN RENCESVALS FURENT MORZ L ALTRE SEIR. JA SAVEZ VOS,
CUNTRE PAIENS AI DREIT[.
RESPONDENT FRANC, [SIRE, VOS DITES VEIR[. ITELS XX MILIERS EN AD
OD SEI.
CUMUNEMENT L EN PRAMETENT LOR FEIZ,
NE LI FALDRUNT PUR MORT NE PUR DESTREIT, NE N I AD CEL SA
LANCE N I EMPLEIT.
DE LUR ESPEES I FIERENT DEMANEIS,
LA BATAILLE EST DE MERVEILLUS DESTREIT. AOI. E MALPRAMIS
PARMI LE CAMP CHEVALCHET,
DE CELS DE FRANCE I FAIT MULT GRANT DAMAGE. NAIMES LI DUX
FIEREMENT LE REGUARDET,
VAIT LE FERIR CUM HUME VERTUDABLE,
DE SUN ESCUT LI FREINT LA PENE HALTE,
DE SUN OSBERC LES DOUS PANS LI DESAFFRET, EL CORS LI MET TUTE L
ENSEIGNE JALNE,
QUE MORT L ABAT ENTRE VIIC DES ALTRES.
REIS CANABEUS, LE FRERE A L AMIRAILL,
DES ESPORUNS BEN BROCHOT SUN CHEVAL,
TRAIT AD L ESPEE, LE PUNT EST DE CRISTAL, SI FIERT NAIMUN EN L
ELME PRINCIPAL.
L UNE MEITIET L EN FRUISSED D UNE PART,

AL BRANT D ACER L EN TRENCHET V DES LAZ, LI CAPELERS UN
DENER NE LI VALT,
TRENCHET LA COIFE ENTRESQUE A LA CHAR,
JUS A LA TERE UNE PIECE EN ABAT.
GRANZ FUT LI COLPS, LI DUX EN ESTONAT,
SEMPRES CAIST, SE DEUS NE LI AIDAST.
DE SUN DESTRER LE COL EN ENBRACAT.
SE LI PAIENS UNE FEIZ RECUVRAST,
SEMPRES FUST MORT LI NOBILIES VASSAL.
CARL DE FRANCE I VINT, KIL SUCCURAT. AOI. NAIMES LI DUX TANT
PAR EST ANGUISSABLES, E LI PAIENS DE FERIR MULT LE HASTET.
CARL LI DIST, [CULVERT, MAR LE BAILLASTES[. VAIT LE FERIR PAR SUN
GRANT VASSELAGE,
L ESCUT LI FREINT, CUNTRE LE COER LI QUASSET, DE SUN OSBERC LI
DESRUMPT LA VENTAILLE,
QUE MORT L ABAT. LA SELE EN REMEINT GUASTE. MULT AD GRANT
DOEL CARLEMAGNES LI REIS,
QUANT NAIMUN VEIT NAFRET DEVANT SEI,
SUR L ERBE VERTE LE SANC TUT CLER CAEIR. LI EMPERERES LI AD DIT
A CUNSEILL,
[BEL SIRE NAIMES, KAR CHEVALCEZ OD MEI.
MORZ EST LI GLUZ KI EN DESTREIT VUS TENEIT. EL CORS LI MIS MUN
ESPIET UNE FEIZ[.
RESPUNT LI DUX, [SIRE, JO VOS EN CREI.

SE JO VIF ALQUES, MULT GRANT PROD I AVREIZ[. PUIS SUNT JUSTEZ
PAR AMUR E PAR FEID,
ENSEMBL OD ELS TELS XX MILIE FRANCEIS.

N I AD CELOI N I FIERGE O N I CAPLEIT. AOI. LI AMIRALZ
CHEVALCHET PAR LE CAMP,
SI VAIT FERIR LE CUNTE GUNEMAN,
CUNTRE LE COER LI FRUISSET L ESCUT BLANC, DE SUN OSBERC LI
DERUMPIT LES PANS,
LES DOUS COSTEZ LI DESEIVRET DES FLANCS, QUE MORT L ABAT DE
SUN CHEVAL CURANT.
PUIS AD OCIS GEBUIN E LORAIN,
RICHARD LE VEILL, LI SIRE DES NORMANS.
PAIEN ESCRIENT, [PRECIUSE EST VAILLANT.
FEREZ, BARON, NUS I AVOM GUARANT[. AOI.
KI PUIS VEIST LI CHEVALER D ARABE,
CELS D OCCIANT E D ARGOILLIE E DE BASCLE. DE LUR ESPIEZ BEN I
FIERENT E CAPLENT,
E LI FRANCEIS N UNT TALENT QUE S EN ALGENT. ASEZ I MOERENT E
DES UNS E DES ALTRES.
ENTRESQU AL VESPRE EST MULT FORT LA BATAILLE, DES FRANCS
BARONS I AD MULT GRAN DAMAGE. DOEL I AVRAT, ENCEIS QU ELE
DEPARTED. AOI. MULT BEN I FIERENT FRANCEIS E ARRABIT,
FRUISSENT CIL HANSTE E CIL ESPIEZ FURBIT. KI DUNC VEIST CEZ
ESCUZ SI MALMIS,
CEZ BLANCS OSBERCS KI DUNC OIST FREMIR
E CEZ ESPEES SUR CEZ HELMES CRUISIR,
CEZ CHEVALERS KI DUNC VEIST CAIR
E HUMES BRAIRE, CONTRE TERE MURIR,
DE GRANT DULOR LI POUST SUVENIR.
CESTE BATAILLE EST MULT FORT A SUFFRIR.
LI AMIRALZ RECLEIMET APOLIN,
E TERVAGAN E MAHUMET ALTRESI,
[MI DAMNEDEU, JO VOS AI MULT SERVIT,
TUTES VOS YMAGENES FERAI D OR FIN[. AOI.

DUMMY LINE
AS LI DEVANT UN SOEN DRUT, GEMALFIN.
MALES NUVELES LI APORTET E DIT,
[BALIGANT SIRE, MAL ESTES OI BAILLIT,
PERDUT AVEZ MALPRAMIS VOSTRE FILZ
E CANABEUS, VOSTRE FRERE, EST OCIS.
A DOUS FRANCEIS BELEMENT EN AVINT.
LI EMPERERES EN EST L UNS, CO M EST VIS. GRANZ AD LE CORS, BEN
RESENBLET MARCHIS, BLANCHE AD LA BARBE CUME FLUR EN
AVRILL[. LI AMIRALZ EN AD LE HELME ENCLIN
E EN APRES SIN ENBRUNKET SUN VIS,
SI GRANT DOEL AD SEMPRES QUIAD MURIR.
SIN APELAT JANGLEU L ULTREMARIN.

DIST L AMIRAILL, [JANGLEU, VENEZ AVANT.
VOS ESTES PROZ E VOSTRE SAVEIR EST GRANT. VOSTRE CONSEILL AI
OTREIET TUZ TENS.
QUE VOS EN SEMBLET D ARRABIZ E DE FRANCS, AVRUM NOS LA
VICTORIE DEL CHAMP[$
E CIL RESPUNT, [MORZ ESTES, BALIGANT.
JA VOSTRE DEU NE VOS ERENT GUARANT.
CARLES EST FIERS E SI HUME VAILLANT,
UNC NE VI GENT KI SI FUST CUMBATANT.
MAIS RECLAMEZ LES BARONS D OCCIANT,
TURCS E ENFRUNS, ARABIZ E JAIANZ.
CO QUE ESTRE EN DEIT, NE L ALEZ DEMURANT[. LI AMIRAILL AD SA
BARBE FORS MISE
ALTRESI BLANCHE CUME FLUR EN ESPINE.
CUMENT QU IL SEIT, NE S I VOELT CELER MIE, MET A SA BUCHE UNE
CLERE BUISINE,
SUNET LA CLER, QUE SI PAIEN L OIRENT,
PAR TUT LE CAMP SES CUMPAIGNES RALIENT.
CIL D OCIANT I BRAIENT E HENISSENT,
ARGUILLE SI CUME CHEN I GLATISSENT.
REQUERENT FRANC PAR SI GRANT ESTULTIE,
EL PLUS ESPES SES RUMPENT E PARTISSENT.
A ICEST COLP EN JETENT MORT VII MILIE.
LI QUENS OGER CUARDISE N OUT UNKES.
MEILLOR VASSAL DE LUI NE VESTIT BRONIE.
QUANT DE FRANCEIS LES ESCHELES VIT RUMPRE, SI APELAT TIERRI, LE
DUC D ARGONE,
GEFREI D ANJOU E JOZERAN LE CUNTE,
MULT FIEREMENT CARL EN ARAISUNET,
[VEEZ PAIEN CUM OCIENT VOZ HUMES.
JA DEU NE PLACET QU EL CHEF PORTEZ CORONE, S OR N I FEREZ PUR
VENGER VOSTRE HUNTE[. N I AD ICEL KI UN SUL MOT RESPUNDET.
BROCHENT AD EIT, LOR CEVALS LAISSENT CURE, VUNT LES FERIR LA
O IL LES ENCUNTRENT.
MULT BEN I FIERT CARLEMAGNES LI REIS, AOI, NAIMES LI DUX E OGER
LI DANEIS,
GEIFREID D ANJOU KI L ENSEIGNE TENEIT.
MULT PAR EST PROZ DANZ OGERS LI DANEIS,
PUINT LE CEVAL, LAISSET CURRE AD ESPLEIT, SI VAIT FERIR CELUI KI
LE DRAGUN TENEIT, QU AMBURE CRAVENTE EN LA PLACE DEVANT
SEI E LE DRAGON E L ENSEIGNE LE REI.
BALIGANT VEIT SUN GUNFANUN CADEIR
E L ESTANDART MAHUMET REMANEIR.
LI AMIRALZ ALQUES S EN APERCEIT
QUE IL AD TORT E CARLEMAGNES DREIT.
PAIEN D ARABE S EN TIENENT PLUS QUEI.
LI EMPERERE RECLEIMET SES PARENZ,
[DITES, BARON, POR DEU, SI M AIDEREIZ[.
RESPUNDENT FRANCS, [MAR LE DEMANDEREIZ.
TRESTUT SEIT FEL KI N I FIERGET A ESPLEIT[. AOI. PASSET LI JURZ, SI
TURNET A LA VESPREE.
FRANC E PAIEN I FIERENT DES ESPEES,
CIL SUNT VASSAL KI LES OZ AJUSTERENT,
LOR ENSEIGNES N I UNT MIE UBLIEES.
LI AMIRALZ [PRECIUSE[ AD CRIEE,
CARL [MUNJOIE[, L ENSEIGNE RENUMEE.
L UN CONUIST L ALTRE AS HALTES VOIZ E AS CLERES, ENMI LE CAMP
AMDUI S ENTR ENCUNTRENT,
SI SE VUNT FERIR, GRANZ COLPS S ENTREDUNERENT DE LOR ESPIEZ
EN LOR TARGES ROEES,
FRAITES LES UNT DESUZ CEZ BUCLES LEES,
DE LOR OSBERCS LES PANS EN DESEVRERENT,
DEDENZ CEZ CORS MIE NE S ADESERENT,
RUMPENT CEZ CENGLES E CEZ SELES VERSERENT, CHEENT LI REI, A
TERE SE TURNERENT.
ISNELEMENT SUR LOR PIEZ RELEVERENT,
MULT VASSALMENT UNT TRAITES LES ESPEES.
CESTE BATAILLE NEN ERT MAIS DESTORNEE.
SEINZ HUME MORT NE POET ESTRE ACHEVEE. AOI. MULT EST VASSAL
CARL DE FRANCE DULCE.
LI AMIRALZ, IL NEL CRENT NE NE DUTET.
CEZ LOR ESPEES TUTES NUES I MUSTRENT,
SUR CEZ ESCUZ MULT GRANZ COLPS S ENTREDUNENT, TRENCHENT
LES QUIRS E CEZ FUZ KI SUNT DUBLES. CHEENT LI CLOU, SI PECEIENT
LES BUCLES,
PUIS FIERENT IL NUD A NUD SUR LES BRONIES. DES HELMES CLERS LI
FOUS EN ESCARBUNET.
CESTE BATAILLE NE POUT REMANEIR UNKES,
JOSQUE LI UNS SUN TORT I RECONUISSET. AOI. DIST L AMIRAILL,
[CARL , KAR TE PURPENSES, SI PREN CUNSEILL QUE VERS MEI TE
REPENTES. MORT AS MUN FILZ PAR LE MEN ESCIENTE,
A MULT GRANT TORT MUN PAIS ME CALENGES.
DEVEN MES HOM. EN FIET LE TE VOEILL RENDRE. VEN MEI SERVIR D
ICI QU EN ORIENTE[.
CARLES RESPUNT,[MULT GRANT VILTET ME SEMBLET. PAIS NE AMOR
NE DEI A PAIEN RENDRE.
RECEIF LA LEI QUE DEUS NOS APRESENTET,
CHRISTIENTET, E PUIS TE AMERAI SEMPRES.
PUIS SERF E CREI LE REI OMNIPOTENTE[.
DIST BALIGANT ,[MALVAIS SERMUN CUMENCES[. PUIS VUNT FERIR
DES ESPEES QU UNT CEINTES. AOI. LI AMIRALZ EST MULT DE GRANT
VERTUT,
FIER CARLEMAGNE SUR L ELME D ACER BRUN,
DESUR LA TESTE LI AD FRAIT E FENDUT,
MET LI L ESPEE SUR LES CHEVELS MENUZ,
PRENT DE LA CARN GRANT PLEINE PALME E PLUS. ILOEC ENDREIT
REMEINT LI OS TUT NUT.
CARL CANCELET , POR POI QU IL N EST CAUT. MAIS DEUS NE VOLT QU
IL SEIT MORT NE VENCUT. SEINT GABRIEL EST REPAIRET A LUI,
SI LI DEMANDE,[REIS MAGNES, QUE FAIS TU[$ QUANT CARLES OIT LA
SEINTE VOIZ DE L ANGLE, NEN AD POUR NE DE MURIR DUTANCE,
REPAIRET LOI VIGUR E REMEMBRANCE.
FIERT L AMIRAILL DE L ESPEE DE FRANCE,
L ELME LI FREINT O LI GEMME REFLAMBENT,
TRENCHET LA TESTE PUR LA CERVELE ESPANDRE E TUT LE VIS
TRESQU EN LA BARBE BLANCHE, QUE MORT L ABAT SENZ NULE
RECUVRANCE.
[MUNJOIE[ ESCRIET PUR LA RECONUISANCE.
A ICEST MOT VENUZ I EST DUX NEIMES,
PRENT TENCENDUR, MUNTET I EST LI REIS MAGNES. PAIEN S EN
TURNENT, NE VOLT DEUS QU IL I REMAINENT. OR SUNT FRANCEIS A
ICELS QU IL DEMANDENT. PAIEN S EN FUIENT CUM DAMNESDEUS LE
VOLT. ENCALCENT FRANC E L EMPERERE AVOEC.
CO DIST LI REIS,[SEIGNURS, VENGEZ VOZ DOELS, SI ESCLARGIEZ VOZ
TALENZ E VOZ COERS.
KAR HOI MATIN VOS VI PLURER DES OILZ[.
RESPONDENT FRANC,[SIRE, CO NUS ESTOET[.
CASCUNS I FIERT TANZ GRANZ COLPS CUM IL POET. POI S EN
ESTOERSTRENT D ICELS KI SUNT ILOEC. GRANZ EST LI CALZ, SI SE
LEVET LA PULDRE. PAIEN S EN FUIENT E FRANCEIS LES ANGUISSENT.
LI ENCHALZ DURET D ICI QU EN SARRAGUCE.
EN SUM SA TUR MUNTEE EST BRAMIDONIE,
ENSEMBL OD LI SI CLERC E SI CANONIE
DE FALSE LEI QUE DEUS NEN AMAT UNKES.
ORDRES NEN UNT NE EN LOR CHEFS CORONES.
QUANT ELE VIT ARRABIZ SI CUNFUNDRE,
A HALTE VOIZ S ESCRIE, [AIEZ NOS, MAHUM. E. GENTILZ REIS, JA SUNT
VENCUZ N\OZ HUMES[. LI AMIRALZ OCIS A SI GRANT HUNTE[.
QUANT L OT MARSILIE, VERS SA PAREIT SE TURNET, PLURET DES OILZ,
TUTE SA CHERE ENBRUNCHET, MORZ EST DE DOEL, SI CUM PECCHET L
ENCUMBRET. L ANME DE LUI AS VIFS DIABLES DUNET. AOI. PAIEN
SUNT MORZ, ALQUANT TORNEZ EN FUIE, E CARL AD SA BATAILLE
VENCUE,
DE SARRAGUCE AD LA PORTE ABATUE,
OR SET IL BEN QUE N ERT MAIS DEFENDUE.
PRENT LA CITET, SA GENT I EST VENUE,
PAR POESTET ICELE NOIT I JURENT.
FIERS EST LI REIS A LA BARBE CANUE,
E BRAMIDONIE LES TURS LI AD RENDUES.
LES DIS SUNT GRANDES, LES CINQUANTE MENUES. MULT BEN
ESPLEITET QUI DAMNESDEUS AIUET. PASSET LI JURZ, LA NOIT EST
ASERIE,
CLERE EST LA LUNE E LES ESTEILES FLAMBIENT. LI EMPERERE AD
SARRAGUCE PRISE,
A MIL FRANCEIS FUNT BEN CERCER LA VILE,
LES SINAGOGES E LES MAHUMERIES.
A MAILZ DE FER E A CUIGNEES QU IL TINDRENT FRUISSENT LES
YMAGENES E TRESTUTES LES YDELES. N I REMEINDRAT NE SORZ NE
FALSERIE.
LI REIS CREIT DEU, FAIRE VOELT SUN SERVISE. E SI EVESQUE LES EVES
BENEISSENT,
MEINENT PAIEN ENTRESQU AL BAPTISERIE.
S OR I AD CEL QUI CARL CUNTREDIE,
IL LE FAIT PENDRE O ARDEIR OU OCIRE.
BAPTIZET SUNT ASEZ PLUS DE C MILIE
VEIR CHRESTIEN, NE MAIS SUL LA REINE.
EN FRANCE DULCE IERT MENEE CAITIVE,
CO VOELT LI REIS, PAR AMUR CUNVERTISSET. PASSET LA NOIT ,SI
APERT LE CLER JOR.
DE SARRAGUCE CARL GUARNIST LES TURS,
MIL CHEVALERS I LAISSAT PUIGNEURS.
GUARDENT LA VILE A OES L EMPEREOR.
MONTET LI REIS E SI HUME TRESTUZ
E BRAMIDONIE, QU IL MEINET EN SA PRISUN. MAIS N AD TALENT QUE
LI FACET SE BIEN NUN. REPAIREZ SUNT A JOIE E A BALDUR.
PASSENT NERBONE PAR FORCE E PAR VIGUR,
VINT A BURDELES LA CITET DE ,
DESUR L ALTER SEINT SEVERIN LE BARON
MET L OLIPHAN PLEIN D OR E DE MANGUNS,
LI PELERIN LE VEIENT, KI LA VUNT.
PASSET GIRUNDE A MULT GRANZ NEFS, QU I SUNT, ENTRESQUE A
BLAIVE AD CONDUIT SUN NEVOLD E OLIVER SUN NOBILIE
CUMPAIGNUN
E L ARCEVESQUE, KI FUT SAGES E PROZ,
EN BLANCS SARCOUS FAIT METRE LES SEIGNURS. A SEINT ROMAIN LA
GISENT LI BARON,
FRANCS LES CUMANDENT A DEU E A SES NUNS. CARLES CEVALCHET
E LES VALS E LES MUNZ,
ENTRESQU A AIS NE VOLT PRENDRE SUJURN.
TANT CHEVALCHAT, QU IL DESCENT AL PERRUN. CUME IL EST EN
SUN PALEIS HALCUR,
PAR SES MESSAGES MANDET SES JUGEORS
BAIVERS E SAISNES LOHERENCS E FRISUNS,
ALEMANS MANDET, SI MANDET BORGUIGNUNS
E PEITEVINS E NORMANS E BRETUNS
DE CELS DE FRANCE DES PLUS SAIVES, QUI SUNT. DES ORE CUMENCET
LE PLAIT DE GUENELUN.
LI EMPERERES EST REPAIRET D ESPAIGNE,
E VIENT A AIS AL MEILLOR SIED DE FRANCE, MUNTET EL PALAIS, EST
VENUT EN LA SALE.
AS LI ALDE VENUE UNE BELE DAMISELE.
CO DIST AL REI, @O EST ROLL LE CATANIE,
KI ME JURAT CUME SA PER A PRENDRE$@
CARL EN AD E DULOR E PESANCE,
PLURET DES OILZ, TIRET SA BARBE BLANCE,
@SOER CHER AMIE DE HUME MORT ME DEMANDES. JO T EN DURAI
MULT ESFORCET ESCHANGE,
CO EST LOEWIS, MIELZ NE SAI A PARLER,
IL EST MES FILZ, E SI TENDRAT MES MARCHES.@ ALDE RESPUNT,
@CEST MOT MEI EST ESTRANGE. NE PLACE DEU NE SES SEINZ NE SES
ANGLES, APRES ROLL QUE JO VIVE REMAIGNE.@
PERT LA CULOR, CHET AS PIEZ CARLEMAGNE,
SEMPRES EST MORTE, DEUS AIT MERCIT DE L ANME. FRANCEIS
BARONS EN PLURENT, E SI LA PLEIGNENT. ALDE LA BELE EST A SA FIN
ALEE.
QUIDET LI REIS, QUE EL SE SEIT PASMEE,
PITET EN AD , SIN PLURET L EMPERERE,
PRENT LA AS MAINS, SI L EN AD RELEVEE,
DESUR LES ESPALLES AD LA TESTE CLINEE.
QUANT CARL VEIT, QUE MORTE L AD TRUVEE,
QUATRE CUNTESSES SEMPRES I AD MANDEES,
A UN MUSTER DE NUNEINS EST PORTEE.
LA NOIT LA GUAITENT ENTRESQU A L AJURNEE, LUNC UN ALTER
BELEMENT L ENTERRERENT.
MULT GRANT HONOR I AD LI REIS DUNEE, AOI. LI EMPERERE EST
REPAIRET AD AIS.
GUENES LI FELS EN CAEINES DE FER
EN LA CITET EST DEVANT LE PALEIS.
A UN ESTACHE L UNT ATACHET CIL SERF,
LES MAINS LI LIENT A CURREIES DE CERF,
TRESBEN LE BATENT A FUZ E A JAMELZ.
N AD DESERVIT, QUE ALTRE BEN I AIT,
A GRANT DULUR ILOEC ATENT SUN PLAIT.
IL EST ESCRIT EN L ANCIENE GESTE,
QUE CARL MANDET HUMES DE PLUSURS TERES,
ASEMBLEZ SUNT AD AIS A LA CAPELE.
HALZ EST LI JURZ, MULT PAR EST GRANDE LA FESTE, DIENT ALQUANZ
DEL BARON SEINT SILVESTRE. DES ORE CUMENCET LE PLAIT E LES
NOVELES
DE GUENELUN, KI TRAISUN AD FAITE.
LI EMPERERE DEVANT SEI L AD FAIT TRAIRE,AOI. @SEIGNORS
BARONS@ DIST CARLEMAGNES LI REIS, @DE GUENELUN CAR ME
JUGEZ LE DREIT.
IL FUT EN L OST TRESQUE EN ESPAIGNE OD MEI, SI ME TOLIT XX MILIE
DE MES FRANCEIS
E MUN NEVOLD ,QUE JA MAIS NE VERREIZ,
E OLIVER LI PROZ E LI CURTEIS,
LES XII PERS AD TRAIT POR AVEIR.@
DIST GUENELON, @FEL SEIE, SE JOL CEIL.
ROLL ME FORFIST EN OR E EN AVEIR,
PUR QUE JO QUIS SA MORT E SUN DESTREIT,
MAIS TRAISUN NULE NEN I OTREI.@
RESPUNDENT FRANC, @ORE EN TENDRUM CUNSEILL.@ DEVANT LE REI
LA S ESTUT GUENELUN.
CORS AD GAILLARD EL VIS GENTE COLOR,
S IL FUST LEIALS, BEN RESEMBLAST BARUN.
VEIT CELS DE FRANCE E TUZ LES JUGEURS
DE SES PARENZ XXX, KI OD LUI SUNT,
PUIS S ESCRIAT HALTEMENT A GRANT VOEIZ,
@POR AMOR DEU CAR M ENTENDEZ BARONS.
SEIGNORS JO FUI EN L OST AVOEC L EMPEREUR, SERVEIE LE PAR FEID E
PAR AMUR.
ROLL SIS NIES ME COILLIT EN HAUR,
SI ME JUGAT A MORT E A DULUR.
MESSAGE FUI AL REI MARSILIUN,
PAR MUN SAVEIR VINC JO A GUARISUN,
JO DESFIAI ROLL LE POIGNEOR
E OLIVER E TUIZ LUR CUMPAIGNUN,
CARL L OID E SI NOBILIE BARON,
VENGET M EN SUI, MAIS N I AD TRAISUN.@
RESPUNDENT FRANCS, @A CONSEILL EN IRUMS.@ QUANT GUENES
VEIT, QUE SES GRANZ PLAIZ CUMENCET, DE SES PARENZ ENSEMBLE
OD LI OUT TRENTE, UN EN I AD, A QUI LI ALTRE ENTENDENT,
CO EST PINABEL DEL CASTEL DE SORENCE,
BEN SET PARLER E DREITE RAISUN RENDRE,
VASSALS EST BONS POR SES ARMES DEFENDRE, AOI. CO LI DIST
GUENES, @EN VOS ,
GETEZ MEI HOI DE MORT E DE CALENGE.@
DIST PINABEL, @VOS SEREZ GUARIT SEMPRES. N I AD FRANCES, KI VOS
JUGET A PENDRE,
U L EMPERERE LES NOZ DOUS CORS EN ASEMBLET, AL BRANT D ACER
QUE JO NE L EN DESMENTE.@ GUENES LI QUENS A SES PIEZ SE
PRESENTE.
BAVIER E SAISNES SUNT ALET A CONSEILL
E PEITEVIN E NORMAN E FRANCEIS,
ASEZ I AD ALEMANS E TIEDEIS,
ICELS D ALVERNE I SUNT LI PLUS CURTEIS,
PUR PINABEL SE CUNTIENENT PLUS QUEI.
DIST L UN A L ALTRE, @BIEN FAIT A REMANEIR. LAISUM LE PLAIT, E SI
PREIUM LE REI,
QUE GUENELUN CLEIMT QUITE CESTE FEIZ,
PUIS SI LI SERVET PAR AMUR E PAR FEID.
MORZ EST ROLL , JA MAIS NEL REVEREIZ,
N ERT RECUVRET POR OR NE POR AVEIR,
MULT SEREIT FOLS, KI OR SE CUMBATREIT.@
NEN I AD CELOI, NEL GRAANT, E OTREIT
FORS SUL TIERRI LE FRERE DAM GEIFREIT, AOI. A CHARLEMAGNE
REPAIRENT SI BARUN,
DIENT AL REI, @SIRE NUS VOS PRIUM,
QUE CLAMEZ QUITE LE CUNTE GUENELUN,
PUIS SI VOS SERVET PAR FEID E PAR AMOR.
VIVRE LE LAISEZ, CAR MULT EST GENTILZ HOEM. JA POR MURIR N EN
ERT VEUD GERUN,
NE POR AVEIR JA NEL RECUVERUM,@
CO DIST LI REIS, @VOS ESTES MI FELUN,@ AOI. QUANT CARL VEIT, QUE
TUZ LI SUNT FAILLID, MULT L ENBRUNCHIT E LA CHERE E LE VIS,
AL DOEL QU IL AD, SI SE CLEIMET CAITIFS. AIS LI DEVANT UNS
CHEVALERS
FRERE GEFREI A UN DUC ANGEVIN.
HEINGRE OUT LE CORS E GRAISLE E ESCHEWID NEIRS LES CHEVELS E
ALQUES BRUNS,
N EST GUERES GRANZ, NE TROP NEN EST PETIZ. CURTEISEMENT A L
EMPERERE AD DIT,
@BELS SIRE REIS NE VOUS DEMENTEZ SI.
JA SAVEZ VOS, QUE MULT VOS AI SERVIT,
PAR ANCEISURS DEI JO TEL PLAIT TENIR.
QUE QUE ROLL A GUENELUN FORSFESIST,
VOSTRE SERVISE L EN DOUST BIEN GUARIR.
GUENES EST FELS D ICO, QU IL LE TRAIT,
VERS VOS S EN EST PARJUREZ E MALMIS.
PUR CO LE JUZ JO A PRENDRE E A MURIR
E SUN CORS METRE
SI CUME FEL, KI FELONIE FIST.
SE OR AD PARENT, KI M EN VOEILLE DESMENTIR A CESTE ESPEE, QUE
JO AI CEINTE ICI,
MUN JUGEMENT VOEL SEMPRES GUARANTIR.@
RESPUNDENT FRANC, @OR AVEZ VOS BEN DIT.@ DEVANT LU REI EST
VENUZ PINABEL,
GRANZ EST E FORZ E VASSALS E ISNEL,
QU IL FIERT A COLP, DE SUN TENS N I AD MAIS. E DIST AL REI, @SIRE
VOSTRE EST LI PLAIZ, CAR CUMANDEZ, QUE TEL NOISE N I AIT.
CI VEI TIERRI, KI JUGEMENT AD FAIT,
JO SI LI FALS, OD LUI M EN CUMBATRAI.@
MET LI EL POIGN DE CERF LE DESTRE GUANT. DIST LI EMPERERES,
@BONS PLEGES EN DEMANT.@ XXX PARENZ LI PLEVISSENT LEIAL.
CO DIST LI REIS, @E JOL VOS RECRERRAI.@
FAIT CELS GUARDER, TRESQUE LI DREIZ EN SERAT, AOI. QUANT VEIT
TIERRI, QU OR EN ERT LA BATAILLE, SUN DESTRE GUANT EN AD
PRESENTET CARLE.
LI EMPERERE L I RECREIT PAR HOSTAGE,
PUIS FAIT PORTER IIII BANCS EN LA PLACE, LA VUNT SEDEIR CIL, KIS
DEIVENT CUMBATRE. BEN SUNT MALEZ PAR JUGEMENT DES ALTRES,
SIL PURPARLAT OGER DE DENEMARCHE,
E PUIS DEMANDENT LUR CHEVALS E LUR ARMES. PUIS QUE IL SUNT A
BATAILLE JUGEZ, AOI,
BEN SUNT CUNFES E ASOLS E SEIGNEZ.
OENT LUR MESSES, E SUNT ACUMINJEZ,
MULT GRANZ OFFRENDES METENT PAR CEZ MUSTERS. DEVANT
CARLUN ANDUI SUNT REPAIREZ,
LUR ESPERUNS UNT EN LOR PIEZ CALCEZ,
VESTENT OSBERC BLANCS E FORZ E LEGERS,
LUR HELMES CLERS UNT FERMEZ EN LOR CHEFS, CEINENT ESPEES
ENHELDEES D OR MIER,
EN LUR COLS PENDENT LUR ESCUZ DE QUARTERS, EN LUR PUINZ
DESTRES UNT LUR TRENCHANZ ESPIEZ, PUIS SUNT MUNTEZ EN LUR
CURANZ DESTRERS. IDUNC PLURERENT C MILIE CHEVALERS,
QUI PUR ROLL DE TIERRI UNT PITIET.
DEUS SET ASEZ, CUMENT LA FINS EN ERT.
DEDESUZ AIS EST LA PREE MULT LARGE,
DES DOUS BARUNS JUSTEE EST LA BATAILLE.
CIL SUNT PRODUME E DE GRANT VASSELAGE,
E LUR CHEVALS SUNT CURANZ E AATES,
BROCHENT LES BIEN, TUTES LES RESNES LASQUENT. PAR GRANT
VERTUT VAIT FERIR L UNS LI ALTRE, TUZ LUR ESCUZ I FRUISSENT, E
ESQUASSENT, LUR OSBERCS RUMPENT, E LUR CENGLES DEPIECENT,
LES ALVES TURNENT, LES SELES CHEENT A TERE. C MIL HUMES I
PLURENT, KIS ESGUARDENT.
A TERE SUNT AMBDUI LI CHEVALER, AOI.
ISNELEMENT SE DRECENT SUR LUR PIEZ.
PINABELS EST FORZ E ISNELS E LEGERS,
LI UNS REQUIERT L ALTRE, N UNT MIE DES DESTRERS. DE CEZ ESPEES
ENHELDEES D OR MER

FIERENT, E CAPLENT SUR CEZ HELMES D ACER, GRANZ SUNT LES
COLPS AS HELMES DETRENCHER. MULT SE DEMENTENT CIL FRANCEIS
CHEVALER. @E DEUS@ DIST CARL, @LE DREIT EN ESCLARGIEZ.@ DIST
PINABEL, @TIERRI CAR TE RECREIZ.
TES HOM SERAI PAR AMUR E PAR FEID,
A TUN PLAISIR TE DURRAI MUN AVEIR,
MAIS GUENELUN FAI ACORDER AL REI.@
RESPONT TIERRI, @JA N EN TENDRAI CUNSEILL. TUT SEIE FEL, SE JO
MIE L OTREI.
DEUS FACET HOI ENTRE NUS DOUS LE DREIT,@ AOI. CO DIST TIERRI,
@PINABEL MULT IES BER,
GRANZ IES E FORZ E TIS CORS BEN MOLLEZ,
DE VASSELAGE TE CONOISSENT TI PER.
CESTE BATAILLE CAR LA LAISSES ESTER.
A CARLEMAGNE TE FERAI ACORDER.
DE GUENELUN JUSTISE ERT FAITE TEL,
JAMAIS N ERT JUR, QUE IL N EN SEIT PARLET.@ DIST PINABEL, @NE
PLACET DAMNEDEU.
SUSTENIR VOEILL TRESTUT MUN PARENTET,
N EN RECRERRAI PUR NUL HUME MORTEL,
MIELZ VOEILL MURIR, QUE IL ME SEIT REPROVET.@ DE LUR ESPEES
CUMENCENT A CAPLER
DESUR CEZ HELMES, KI SUNT A OR GEMEZ,
CUNTRE LE CIEL EN VOLET LI FOUS TUZ CLERS. IL NE POET ESTRE, QU
IL SEIENT DESEVREZ, SEINZ HUME MORT NE POET ESTRE AFINET, AOI.
MULT PAR EST PROZ PINABEL DE SORENCE,
SI FIERT TIERRI SUR L ELME DE PROVENCE,
SALT EN LI FOUS , QUE L ERBE EN FAIT ESPRENDRE, DEL BRANT D
ACER LA MURE LI PRESENTET,
DESUR LE FRUNT
ENMI LE VIS LI AD FAITE DESCENDRE.
LA DESTRE JOE EN AD TUTE SANGLENTE,
L OSBERC DEL DOS JOSQUE PAR SUM LE VENTRE. DEUS LE GUARIT,
QUE MORT NE L ACRAVENTET, AOI. CO VEIT TIERRIS, QUE EL VIS EST
FERUT,
LI SANCS TUZ CLERS EN CHIET EL PRED HERBUS. FIERT PINABEL SUR L
ELME D ACER BRUN,
JUSQU AL NASEL LI AD FRAIT E FENDUT,
DEL CHEF LI AD LE CERVEL ESPANDUT,
BRANDIT SUN COLP, SI L AD MORT ABATUT.
A ICEST COLP EST LI ESTURS VENCUT.
ESCRIENT FRANC, @DEUS I AD FAIT VERTUT.
ASEZ EST DREIZ, QUE GUENES SEIT PENDUT
E SI PARENT, KI PLAIDET UNT PUR LUI,@ AOI. QUANT TIERRIS AD
VENCUE SA BATAILLE,
VENUZ I EST LI EMPERERE CARLES
ENSEMBL OD LUI DE SES BARUNS QUARANTE.
NAIMES LI DUX OGER DE DANEMARCHE
GEIFREI D ANJOU E WILLALME DE BLAIVE .
LI REIS AD PRIS TIERRI ENTRE SA BRACE,
TERT LUI LE VIS OD SES GRANZ PELS DE MARTRE, CELES MET JUS, PUIS
LI AFUBLENT ALTRES,
MULT SUAVET LE CHEVALER DESARMENT.
FAIT EN UNE MULE D ARABE,
REPAIRET S EN A JOIE E A BARNAGE,
VIENENT AD AIS, DESCENDENT EN LA PLACE.
DES ORE CUMENCET L OCISIUN DES ALTRES.
CARLES APELET SES CUNTES E SES DUX,
@QUE ME LOEZ DE CELS, QU AI RETENUZ$
PUR GUENELUN ERENT A PLAIT VENUZ
PUR PINABEL EN OSTAGE RENDUZ.@
RESPUNDENT FRANC, @JA MAR EN VIVRAT UNS.@ LI REIS CUMANDET
UN SOEN VEIER BASBRUN,
@VA, SIS PENT TUZ A L ARBRE DE MAL FUST. PAR CESTE BARBE DUNT
LI PEIL SUNT CANUZ, SE UNS ESCAPET, MORZ IES E CUNFUNDUZ.@
CIL LI RESPUNT, @QU EN FEREIE JOE PLUS$@ OD C SERJANZ PAR FORCE
LES CUNDUIT.
XXX EN I AD D ICELS KI SUNT PENDUT.
KI HUME TRAIST, SEI OCIT E ALTROI, AOI.
PUIS SUNT TURNET BAVIER E ALEMAN
E PEITEVIN E BRETUN E NORMAN.
SOR TUIT LI ALTRE L UNT OTRIET LI FRANC, QUE GUENES MOERGET
PAR MERVEILLUS AHAN.
QUATRE DESTRERS FUNT AMENER AVANT,
PUIS SI LI LIENT E LES PIEZ E LES MAINS. LI CHEVAL SUNT ORGOILLUS
E CURANT,
QUATRE SERJANZ LES ACOEILLENT DEVANT.
DEVERS UN EWE KI EST ENMI UN CAMP,
GUENES EST TURNET A PERDICIUN GRANT,

TRESTUIT SI NERF MULT LI SUNT ESTENDANT
E TUIT LI MEMBRE DE SUN CORS DERUMPANT,
SUR L ERBE VERTE EN ESPANT LI CLER SANC. GUENES EST MORT CUME
FEL RECREANT.
HOM KI TRAIST ALTRE, NEN EST DREIZ, QU IL S EN VANT. QUANT LI
EMPERERES AD FAITE SA VENJANCE,

SIN APELAT SES EVESQUES DE FRANCE
CELS DE BAVIERE E ICELS D ALEMAIGNE,
@EN MA MAISUN AD UNE CAITIVE FRANCHE,
TANT AD OIT E SERMUNS E ESSAMPLES,
CREIRE VOELT DEU, CHRESTIENTET DEMANDET. BAPTIZEZ LA, PUR
QUEI DEUS EN AIT L ANME.@ CIL LI RESPUNDENT, @OR SEIT FAITE PAR
MARRENES ASEZ CRUIZ E LINEES DAMES.@
AS BAINZ AD AIS MULT SUNT GRANZ LES CUMPAIGNES, LA
BAPTIZENT LA REINE D ESPAIGNE,
TRUVET LI UNT LE NUM DE JULIANE.
CHRESTIENE EST PAR VEIRE CONOISANCE.
QUANT L EMPERERE AD FAITE SA JUSTISE,
E ESCLARGIEZ EST LA SUE GRANT IRE,
EN BRAMIDONIE AD CHRESTIENTET MISE.
PASSET LI JURZ, LA NUIT EST ASERIE,
CULCEZ S EST LI REIS EN SA CAMBRE VOLTICE. SEINT GABRIEL DE
PART DEU LI VINT DIRE,
@CARLES SUMUN LES OZ DE TUN EMPERIE.
PAR FORCE IRAS EN LA TERE DE BIRE,
REIS VIVIEN SI SUCCURAS EN IMPHE
A LA CITET, QUE PAIEN UNT ASISE,
LI CHRESTIEN TE RECLEIMENT, E CRIENT.@
LI EMPERERE N I VOLSIST ALER MIE.
@DEUS@ DIST LI REIS, @SI PENUSE EST MA VIE.@ PLURET DES OILZ, SA
BARBE BLANCHE TIRET. CI FALT LA GESTE, QUE TUROLDUS DECLINET.

------------------------- FIN DU FICHIER roland2 --------------------------------